କରାଚି,୧୦।୧୧: ପାକିସ୍ତାନର ପୂର୍ବତନ ଅଧିନାୟକ ଶହିଦ ଆଫ୍ରିଦିଙ୍କ ବଡ ଝିଅ ଅକ୍ଷସା ସୋସିଆଲ ମିଡିଆଠାରୁ ନିଜକୁ ଦୂରେଇ ରଖିଛନ୍ତି। କିନ୍ତୁ ତାଙ୍କ ସୌନ୍ଦର୍ଯ୍ୟକୁ ନେଇ ବେଶ୍ ଚର୍ଚ୍ଚା ହେଉଛି। ଅକ୍ଷସା ଖୁବ୍ଶୀଘ୍ର ନିଜ ଦେଶର ଷ୍ଟାର କ୍ରିକେଟର ଶାହିନ ଶାହା ଆଫ୍ରିଦିଙ୍କୁ ବିବାହ କରିବେ। ୨୧ ବର୍ଷୀୟ ଶାହିନ ଶାହା ଆଫ୍ରିଦି ବର୍ତ୍ତମାନ ପାକିସ୍ତାନ କ୍ରିକେଟ ଦଳର ଜଣେ ଭଲ ଖେଳାଳି। ଟେଷ୍ଟ, ଦିନିକିଆ ଏବଂ ଟି-୨୦ ଭଳି ତିନୋଟି ଫର୍ମାଟରେ ନିଜ ଦେଶ ପାଇଁ କ୍ରିକେଟ ଖେଳନ୍ତି।
ଖୁବ ଶୀଘ୍ର ଶାହିନ ଆଫ୍ରିଦିଙ୍କ ଜ୍ୱାଇଁ ହେବେ। ଶାହିନ ଏଥର ଟି -୨୦ ବିଶ୍ୱକପ ୨୦୨୧ରେ ଭାରତ ଉପରେ ଏକ ବଡ କ୍ଷତ ସୃଷ୍ଟି କରିଛନ୍ତି। ଭାରତ ବିପକ୍ଷ ମ୍ୟାଚରେ ରୋହିତ ଶର୍ମା, ବିରାଟ କୋହଲି ଏବଂ କେ.ଏଲ ରାହୁଲଙ୍କୁ ଆଉଟ କରି ଶାହିନ ଶାହା ଆଫ୍ରିଦି ପୁରା ଖେଳକୁ ଓଲଟାଇ ଦେଇଛନ୍ତି। ଶାହିନ ଭାରତ ବିପକ୍ଷରେ ତିନୋଟି ଉଇକେଟ ନେଇ ବିପକ୍ଷ ଦଳକୁ ପରାଜୟ ଆଡକୁ ଠେଲି ଦେଇଥିଲେ। ଫଳରେ ବିଶ୍ୱକପ ଭଳି ଟୁର୍ନାମେଣ୍ଟରେ ଭାରତ ପ୍ରଥମ ଥର ପାଇଁ ପାକିସ୍ତାନ ବିପକ୍ଷ ମ୍ୟାଚ ହାରିଥିଲା। ତା’ପରେ ନ୍ୟୁଜିଲାଣ୍ଡ ବିପକ୍ଷରେ ପରାଜୟ ମଧ୍ୟ ଭାରତକୁ ଟୁର୍ନାମେଣ୍ଟରୁ ବାହାର କରିଦେଇଥିଲା। ୨୦୧୨ ଟି -୨୦ ବିଶ୍ୱକପ ପରେ ଏହା ପ୍ରଥମ ଥର ପାଇଁ ଭାରତୀୟ ଦଳ କୌଣସି ଆଇସିସି ଟୁର୍ନାମେଣ୍ଟର ସେମିଫାଇନାଲରେ ପ୍ରବେଶ କରିପାରି ନାହିଁ।
ଶାହିଦ ଆଫ୍ରିଦିଙ୍କର ପାଞ୍ଚଟି ଝିଅ ଅଛନ୍ତି। ଅକ୍ଷସା ଆଫ୍ରିଦିଙ୍କ ବଡ ଝିଅ। ତାଙ୍କୁ ୨୦ ବର୍ଷ ବୟସ। ସେ ୧୫ ଡିସେମ୍ବର ୨୦୦୧ରେ ଜନ୍ମଗ୍ରହଣ କରିଥିଲେ। ପାକିସ୍ତାନ ସୁପର ଲିଗ (ପିଏସଏଲ) ମ୍ୟାଚରେ ଶାହିଦ ଆଫ୍ରିଦିଙ୍କ ଝିଅମାନେ ଷ୍ଟାଡିୟମରେ ଅନେକ ଥର ନଜର ଆସିଛନ୍ତି।
