ମମତାର ବନ୍ଧୁତ୍ୱ

ଏମିତି ଏକ ସମ୍ପର୍କ ଯେଉଁଠି ଥାଏ ଭଲପାଇବାର ଅଲିଖିତ ଚୁକ୍ତି। ଅନାବିଳ ପ୍ରେମ ଆଉ ଅଯାଚିତ ସ୍ନେହର ପ୍ରତିଶ୍ରୁତି। ଭରସା, ବିଶ୍ୱାସ ଆଉ ସ୍ନେହ ମମତାର ଡୋରିରେ ବନ୍ଧା ମା’ଝିଅଙ୍କ ସମ୍ପର୍କ। ହେଲେ ସମାଜର ଜଟିଳ ପରିସ୍ଥିତିରେ ଭୁଲଠିକ୍‌, ଭଲମନ୍ଦର ବିଚାର କରିବାବେଳେ ମାଆ ହିଁ ପାଲଟିଥାଏ ପଥ ପ୍ରଦର୍ଶକ ଆଉ ଦରଦୀ ବନ୍ଧୁ। ସାଙ୍ଗ ଭଳି ସବୁ ସୁଖଦୁଃଖ ବାଣ୍ଟି ସହଜରେ ନିଜେ ସବୁ ସମସ୍ୟା ସମାଧାନ କରିପାରେ…

ଏମିତି ଏକ ସମ୍ପର୍କ ଯେଉଁଠି ଥାଏ ଭଲପାଇବାର ଅଲିଖିତ ଚୁକ୍ତି। ଅନାବିଳ ପ୍ରେମ ଆଉ ଅଯାଚିତ ସ୍ନେହର ପ୍ରତିଶ୍ରୁତି। ଭରସା, ବିଶ୍ୱାସ ଆଉ ସ୍ନେହ ମମତାର ଡୋରିରେ ବନ୍ଧା ମା’ଝିଅଙ୍କ ସମ୍ପର୍କ। ହେଲେ ସମାଜର ଜଟିଳ ପରିସ୍ଥିତିରେ ଭୁଲଠିକ୍‌, ଭଲମନ୍ଦର ବିଚାର କରିବାବେଳେ ମାଆ ହିଁ ପାଲଟିଥାଏ ପଥ ପ୍ରଦର୍ଶକ ଆଉ ଦରଦୀ ବନ୍ଧୁ। ସାଙ୍ଗ ଭଳି ସବୁ ସୁଖଦୁଃଖ ବାଣ୍ଟି ସହଜରେ ନିଜେ ସବୁ ସମସ୍ୟା ସମାଧାନ କରିପାରେ…

ସାଙ୍ଗ ଭଳି: ମା, ଝିଅର ସମ୍ପର୍କ ଅନେକ କ୍ଷେତ୍ରରେ ହୋଇଥାଏ ବନ୍ଧୁ ଭଳି। ଝିଅଟିଏ ବଡ଼ ହେଲେ ବିଭିନ୍ନ ପରିସ୍ଥିତି ଦେଇ ଗତିକରେ। ଆଉ ଜୀବନର ଭିନ୍ନ ଭିନ୍ନ ମୋଡରେ ସେ ନିଜ ମନକଥା ଖୋଲି କହିପାରେ କେବଳ ମାଆକୁ। ତେଣୁ ନିଜର ଅତି ନିକଟତମ ବନ୍ଧୁ ଭଳି ସେ ମାଆ ପାଖରେ ସବୁକିଛି ଖୋଲି କହିପାରେ। ତେଣୁ ପ୍ରତି କ୍ଷେତ୍ରରେ ମାଆମାନେ ନିଜ ଝିଅ ସହିତ ସେଭଳି ଭାବରେ ମିଶିବା ଉଚିତ; ଯାହାଫଳରେ ଝିଅଟିଏ ପ୍ରତି ମୁହୂର୍ତ୍ତରେ ତା’ ମନ କଥା ଖୋଲି କହିପାରିବ।
ସମସ୍ୟାରୁ ମୁକ୍ତି ସହଜ: ମାଆ ଝିଅଙ୍କର ସମ୍ପର୍କ ବନ୍ଧୁଭଳି ହୋଇଥିଲେ ବହୁ ସମସ୍ୟାରୁ ମୁକ୍ତି ମିଳିଥାଏ। ଝିଅଟିଏ ବଡ଼ ହୋଇ କୌଣସି ଭୁଲ କାମ କରିବା ପୂର୍ବରୁ ମାଆ ତାକୁ ସଚେତନ କରାଇ ଭୁଲ୍‌ ସୁଧାରି ନେବାର ସୁଯୋଗ ଦେଇଥାଏ। ସେହିଭଳି ସମାଜରେ ପ୍ରତି ପାଦେ ପାଦେ କିଭଳି ବିପଦକୁ ଆଡ଼େଇ ନିଜକୁ ସୁରକ୍ଷିତ କରିହେବ ସେନେଇ ବି ମାଆର ପରାମର୍ଶ ଝିଅ ପାଇଁ ବରଦାନ ହୋଇଥାଏ। ସେହିପରି କୌଣସି ପ୍ରକାରର ଭୁଲ୍‌ କାମରେ ଯେଉଁଠି ବାହାର ବନ୍ଧୁମାନେ ଜାଣିପାରି ଫାଇଦା ନେବାକୁ ଚେଷ୍ଟା କରନ୍ତି ସେଠାରେ ମାଆଟିଏ ଢାଲ ଭଳି ଛିଡ଼ା ହୋଇ ଅଭୟ ପ୍ରଦାନ କରିଥାଏ। ମାଆ ଝିଅଙ୍କର ବନ୍ଧୁ ଭଳି ସମ୍ପର୍କ ରହିଲେ ଏମିତି ଅନେକ ସମସ୍ୟାର ସମାଧାନ ଠିକ୍‌ ସମୟରେ ହୋଇଯାଏ।
ଉପଯୁକ୍ତ ପରାମର୍ଶ:ନାରୀର ଅନେକ ରୂପ ଅଛି। କେତେବେଳେ ସେ କୁନି ଝିଅଟିଏ ହୋଇ ଗାଁ ଦାଣ୍ଡରେ ମୁକ୍ତ ବିହଙ୍ଗ ଭଳି ଉଡ଼ିବୁଲେ ତ କେବେ ଅନେକ କାଇଦା କଟକଣାରେ ତାକୁ ଚଳିବାକୁ ହୁଏ। ବୟସ ବଢ଼ିବା ସଙ୍ଗେ ସଙ୍ଗେ ଝିଅଟିଏ ଏମିତି ବିଭିନ୍ନ ପର୍ଯ୍ୟାୟରେ ସମ୍ପର୍କର ଡୋରି ସମ୍ଭାଳିଥାଏ। ହେଲେ ଏସବୁ ଭିତରେ ଠିକ୍‌ ଭୁଲ୍‌ର ନିଷ୍ପତ୍ତି ନେବାପାଇଁ ମାଆଙ୍କର ପରାମର୍ଶ ନିହାତି ଲୋଡ଼ା ହୋଇଥାଏ। ଆଉ ମାଆ ହିଁ ଝିଅର ଭବିଷ୍ୟତକୁ ସୁରକ୍ଷା ଦେବାପାଇଁ ଉପଯୁକ୍ତ ପରାମର୍ଶ ଦେଇଥାନ୍ତି।
ପଥ ପ୍ରଦର୍ଶକ: କଥାରେ ଅଛି ସତସଙ୍ଗ ଦ୍ୱାରା ହିଁ ମଣିଷ ଅନେକାଂଶରେ କୁମାର୍ଗରୁ ନିଜକୁ ରକ୍ଷା କରିପାରେ। ତେଣୁ ମାଆ ହିଁ ଝିଅ ପାଇଁ ପଥ ପ୍ରଦର୍ଶକ ହୋଇପାରନ୍ତି। ସମ୍ପର୍କ ବନ୍ଧୁ ଭଳି ହୋଇଥିଲେ ମାଆଟିଏ ତା’ ଝିଅ ପାଇଁ ପଥ ପ୍ରଦର୍ଶକ ହୋଇପାରନ୍ତି। ପ୍ରତି ମୁହୂର୍ତ୍ତରେ ସେ ଝିଅ ଜୀବନରେ ଘଟୁଥିବା ଘଟଣା ସମ୍ପର୍କରେ ଜାଣି ତାକୁ ରକ୍ଷା କରିବା ସହିତ ତା’ର ମାର୍ଗଦର୍ଶନ କରିପାରନ୍ତି।
ଏମାନେ ଯାହା କହନ୍ତି
ଝିଅ ମତେ ସବୁ କଥା କହେ : ପ୍ରେମଲତା ସାମଲ (ଗୃହିଣୀ, ବିକାଶ ନଗର, ବାଲେଶ୍ୱର)-ଝିଅ ମାମୁନ ସହିତ ମୋର ସାଙ୍ଗ ଭଳି ସମ୍ପର୍କ ଥିବାରୁ ସେ ମତେ ତା’ ଜୀବନରେ ଘଟୁଥିବା ସବୁ କଥା କହେ। ତେଣୁ ମୁଁ ଠିକ୍‌ ସମୟରେ ତାକୁ ସଜାଡ଼ି ନେବାର ସୁଯୋଗ ପାଏ। ପାଠ ପଢ଼ିବାବେଳେ ବି ମୋ ଝିଅ ମତେ ତା’ର ସବୁ ବନ୍ଧୁମାନଙ୍କ କଥା ଆଉ ସେମାନଙ୍କ ସହିତ ଯୁଆଡ଼େ ବି ବୁଲିବାକୁ ଯାଏ ସବୁକଥା କହେ। ତେଣୁ ମୋ ଝିଅ କିଛି ଭୁଲ୍‌ କାମ କରୁନି ବୋଲି ମୁଁ ନିଶ୍ଚିତ ରହେ। ଆଉ ଯଦି ବି ସେ କେବେ କୌଣସି ଭୁଲ୍‌ କାମ କରୁଥିବାର ମୁଁ ଆଭାସ ପାଇବ ମାତ୍ରେ ବିଳମ୍ବ ନ କରି ତାକୁ ସଚେତନ କରାଇ ଦିଏ। ତେଣୁ ସବୁ ମାଆମାନେ ଝିଅମାନଙ୍କ ସହିତ ଏମିତି ମିଶିବା ଉଚିତ ଯେମିତି କି ଝିଅଟିଏ ତା’ର ସବୁ କଥା କହିବା ପାଇଁ ସଙ୍କୋଚବୋଧ କରିବ ନାହିଁ।
କିଛି କଥା ଲୁଚାଇ ରଖିପାରେନି : ଲୁବନା ପଟ୍ଟନାୟକ (ଏମ୍‌ବିଏ ଛାତ୍ରୀ, ବଡ଼ଗଡ଼ ବ୍ରିଟ କଲୋନୀ, ଭୁବନେଶ୍ୱର)-ସ୍କୁଲରେ ପଢ଼ିବା ସମୟରୁ ସାଙ୍ଗମାନଙ୍କ ସହ ଝଗଡ଼ା ହେଉ କି ବୁଲିବାକୁ ଯିବାବେଳର କଥା ହେଉ ସବୁ କଥା ମୁଁ ମାମାକୁ କହିଥାଏ। ମୋର ସବୁ ସାଙ୍ଗ ଓ ତାଙ୍କ ସମ୍ପର୍କରେ ମାମା ଜାଣିଛି। ଏବେ କଲେଜରେ ବି ମୁଁ ଯେଉଁଠି ଯାହା କରେ ସବୁ ମାମାକୁ କହେ। ମାମା ମୋର ବେଷ୍ଟ ଫ୍ରେଣ୍ଡ। ମାମକୁ କିଛି କଥା ମୁଁ ଲୁଚାଇ ରଖିପାରେନି, ଆଉ ମାମା ବି ମତେ କେଉଁ କାମ କରିବା ଉଚିତ ନୁହେଁ କିମ୍ବା ମୁଁ କ’ଣ ଭୁଲ୍‌ କଲି ସେ ନେଇ ସଚେତନ କରାଇ ଦିଅନ୍ତି।
ମୋ ବେଷ୍ଟ ଫ୍ରେଣ୍ଡ : ଦେବଦର୍ଶିନୀ ସାମନ୍ତରାୟ (ରିସର୍ଚ୍ଚ ଆସୋସିଏଟ, ଆଇଆଇଏସ୍‌ସି, ବାଙ୍ଗାଲୋର)-ମୋ ମାମା ମୋର ବେଷ୍ଟ ଫ୍ରେଣ୍ଡ। ଯେତେ ଦୂରରେ ଥିଲେ ବି ମୁଁ ମାଆ ସହିତ ସବୁବେଳେ ଯୋଡ଼ି ହୋଇ ରହିଥାଏ। ତାକୁ ସବୁ କଥା କହିପାରେ। କିଛି ଜଟିଳ ପରିସ୍ଥିତି ଆସିବା ମାତ୍ରେ ମୋର ମାଆ କଥା ମନେପଡେ, ଆଉ ମୁଁ ତାକୁ ସାଙ୍ଗେ ସାଙ୍ଗେ ଫୋନ କରି କଥା ହେବା ପରେ ହିଁ ଶାନ୍ତି ପାଏ। ମାଆ ବିନା ମୁଁ କୌଣସି କାମରେ ସଫଳତା ାପଇବା କଥା ଭାବି ପାରେନି। – ସସ୍ମିତା ନାୟକ

 

ମାଆକୁ ହିଁ ଆଗୁଆ ପଦକ୍ଷେପ ନେବାକୁ ହେବ
– ପ୍ରଫେସର କଳ୍ପନା ସାହୁ
(ମନସ୍ତତ୍ତ୍ୱବିତ୍‌, ଜାଭିୟର ୟୁନିଭର୍ସିଟି, ଭୁବନେଶ୍ୱର)
ମାଆ ଝିଅଙ୍କର ସମ୍ପର୍କ ସବୁଠୁ ନିବିଡ଼ ସମ୍ପର୍କ। ଏହି ସମ୍ପର୍କ ବନ୍ଧୁତାର ରୂପ ନେବା ନିହାତି ଆବଶ୍ୟକ। ଝିଅ ସହିତ ଏଭଳି ଏକ ନିବିଡ଼ ବନ୍ଧନ ଗଢ଼ିବା ପାଇଁ ମାଆକୁ ହିଁ ପ୍ରସ୍ତୁତ ହେବାକୁ ପଡ଼ିବ। ମାଆମାନଙ୍କୁ ହିଁ ସେଭଳି ଭାବରେ ଝିଅ ସହିତ ଆରମ୍ଭରୁ ମିଶିବାକୁ ହେବ ଯେପରି ଝିଅଟି ବଡ଼ ହେବା ପରେ ବି ତାର ମନ କଥା ଖୋଲି କହିପାରିବ। ଝିଅ ସହିତ ମାଆର ସାଙ୍ଗ ଭଳି ସମ୍ପର୍କ ସୃଷ୍ଟି ହେଲେ ଝିଅ ଜୀବନ ଅନେକାଂଶରେ ସୁଧୁରିଯିବ। ମାଆର ଉଚିତ୍‌ ପରାମର୍ଶ ଝିଅ ପାଇଁ ସୁରକ୍ଷା କବଚ ଭଳି କାମ କରିବ। କାରଣ ଝିଅ ବଡ଼ ହେଲା ପରେ ପରିବାରର ଅନ୍ୟମାନଙ୍କ ତୁଳନାରେ ମାଆ ଆଗରେ ହିଁ ନିଜର ସବୁ ପ୍ରକାରର ସମସ୍ୟାକୁ ଖୋଲି କହିପାରେ। ଏହା ସହିତ ଝିଅଟିଏ ସବୁ କଥା କହିପାରିଲେ ମାଆ ତାକୁ ଭୁଲ ଠିକ୍‌ର ମାର୍ଗ ଦେଖାଇପାରିବ। ତେଣୁ ଝିଅଟି କିଛି ଭୁଲ କରିବା ଆଗରୁ ହିଁ ସଚେତନ ହୋଇ ଜୀବନକୁ ସୁନ୍ଦର କରି ଗଢ଼ି ତୋଳିବ।


Enter your email to get our daily news in your inbox.

All Right Reserved By Dharitri.Com

ଶନିଙ୍କ ମାର୍ଗୀ ଚଳନ: ୨୦୨୭ ପୂର୍ବରୁ ୪ ରାଶିଙ୍କ ଘରକୁ ଆସିବ ଧନର ସୁଅ! ଚାକିରି-ବ୍ୟବସାୟରେ…

ଶନିଦେବଙ୍କୁ ନ୍ୟାୟ ଓ କର୍ମଫଳର ଦେବତା ବୋଲି ମାନାଯାଏ। ବ୍ୟକ୍ତିଙ୍କ କର୍ମ ଅନୁସାରେ ଶନିଦେବ ତାଙ୍କୁ ଫଳ ପ୍ରଦାନ କରିଥାନ୍ତି। ଜ୍ୟୋତିଷ ଶାସ୍ତ୍ର ଅନୁଯାୟୀ, ଶନିଦେବ ଯେତେବେଳେ…

ଅନୁରାଧା ନକ୍ଷତ୍ରରେ ସୂର୍ଯ୍ୟଙ୍କ ପ୍ରବେଶ: ୫ ରାଶିର ଭାଗ୍ୟରେ ଲାଗିଲା ଚାରିଚାନ୍ଦ, ଧନଲାଭ ସହ ଚାକିରିରେ ବଡ଼ ପ୍ରମୋଶନ

ସୂର୍ଯ୍ୟଙ୍କ ନକ୍ଷତ୍ର ପରିବର୍ତ୍ତନ ଯୋଗୁ ମେଷ, ମିଥୁନ, କନ୍ୟା, ଧନୁ ଓ ମୀନ ରାଶିର ବ୍ୟକ୍ତିଙ୍କୁ ଭାଗ୍ୟର ସାଥ୍‌ ମିଳିବ। ଏହି ୫ଟି ରାଶିର ଲୋକଙ୍କ ପାଇଁ…

ଏକାସାଙ୍ଗେ ଶନି, ରାହୁ-କେତୁଙ୍କ ବକ୍ରୀ ଚଳନ: ଏହି ୪ ରାଶିଙ୍କ ଜୀବନରେ ଲାଗିବ ଗ୍ରହଣ! ପାଖରୁ ପଳାଇବ ସବୁ ଟଙ୍କା

ଜ୍ୟୋତିଷ ଶାସ୍ତ୍ର ଅନୁସାରେ, ଶନି ଗ୍ରହ ୨୭ ଜୁଲାଇ ୨୦୨୬ରେ ବକ୍ରୀ ହୋଇଥିଲେ। ବର୍ତ୍ତମାନ ଶନି ବକ୍ରୀ ଚଳନ କରୁଥିବା ବେଳେ ଆସନ୍ତା ଡିସେମ୍ବର ୧୧ ତାରିଖରେ…

ଶନିଦେବଙ୍କ ସିଧା ଚଳନ: ୩ ରାଶିଙ୍କ ଫାଇଦା ହିିଁ ଫାଇଦା, ଶେଷ ହେବ ଖରାପ ସମୟ

ଜ୍ୟୋତିଷ ଶାସ୍ତ୍ର ଅନୁସାରେ, ୨୦୨୬ର ଶେଷ ମାସ ଡିସେମ୍ବର ଅତ୍ୟନ୍ତ ଗୁରୁତ୍ୱପୂର୍ଣ୍ଣ ରହିବ। ଏହି ମାସରେ ଶନିଦେବ ମାର୍ଗୀ ହେବାକୁ ଯାଉଛନ୍ତି। ଜ୍ୟୋତିଷ ଶାସ୍ତ୍ରରେ ଶନିଦେବଙ୍କୁ କର୍ମଫଳଦାତା…

ଆଜି ବିଛା ରାଶିକୁ ଚଳନ କରିବେ ସୂର୍ଯ୍ୟ: ଡିସେମ୍ବର ୧୬ ପୂର୍ବରୁ କୋଟିପତି ହେବେ ଏହି ୬ ରାଶି! ଚାକିରିରେ ବଡ଼ ପ୍ରମୋଶନ

ଆଜି ସନ୍ଧ୍ୟା ୭ଟା ୪୮ ମିନିଟରେ ସୂର୍ଯ୍ୟ ବିଛା ରାଶିକୁ ଚଳନ କରିବେ। ଏହାପରେ ଡିସେମ୍ବର ୧୬ ତାରିଖ ପର୍ଯ୍ୟନ୍ତ ସୂର୍ଯ୍ୟ ଏହି ରାଶିରେ ଅବସ୍ଥାନ କରିବେ।…

ଶୁକ୍ରଙ୍କ ମାର୍ଗୀ ଚଳନରେ ଜବରଦସ୍ତ ଫାଇଦା: ୨୨ ନଭେମ୍ବର ପୂର୍ବରୁ ମାଲାମାଲ ହେବେ ଏହି ୩ ରାଶି! ଜାଣନ୍ତୁ ସେହି ଭାଗ୍ୟଶାଳୀ ରାଶି କିଏ…

ଜ୍ୟୋତିଷ ଶାସ୍ତ୍ର ଅନୁସାରେ, ଶୁକ୍ର ଗ୍ରହ ୧୪ ନଭେମ୍ବର ୨୦୨୬ରେ କନ୍ୟା ରାଶିରେ ମାର୍ଗୀ ହୋଇଛନ୍ତି। ଏହାପରେ ୨୨ ନଭେମ୍ବରରେ ଶୁକ୍ର ତୁଳା ରାଶିକୁ ଚଳନ କରିବେ।…

ଆମର ଏହି ବସୁନ୍ଧରା

ଦିନକର କଥା। ସୂର୍ଯ୍ୟଠାରୁ ସେଦିନ ଖଣ୍ଡେ ବାହାରି ଆସିଲା। ସେହି ସୂଯର୍ର୍‌ୟାଂଶ ହିଁ ହେଲା ଆମ ପୃଥିବୀ। ତାକୁ ସୂର୍ଯ୍ୟ ଖଣ୍ଡ ନ କହି ସୂର୍ଯ୍ୟକନ୍ୟା କହିବାଟା…

କିଡ୍‌ନୀ ଖରାପ ହେଲେ ଶରୀରରେ ଦେଖାଦିଏ ଏସବୁ ସମସ୍ୟା, କରନ୍ତୁ ନାହିଁ ଅଣଦେଖା

କିଡ୍‌ନୀ ଏପରି ଏକ ଅଙ୍ଗ ଯାହାର କାର୍ଯ୍ୟ ଅକ୍ଷମତା ଅନେକ ଡେରିରେ ଜଣାପଡ଼େ। ଅଙ୍ଗଟି ପ୍ରାୟ ୮୦-୯୦ ଶତାଂଶ ଅକ୍ଷମ ନ ହୋଇପଡ଼ିବାର ପୂର୍ବ ପର୍ଯ୍ୟନ୍ତ ରୋଗୀକୁ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?