ମୁମ୍ବାଇ: ‘କେରଲା ଷ୍ଟୋରୀ’ ପରେ ଅଭିନେତ୍ରୀ ଅଦା ଶର୍ମା ବର୍ତ୍ତମାନ ଭାରତୀୟ ସିନେମାରେ ଏକ ବଡ଼ ନାଁ ହୋଇପାରିଛନ୍ତି। ଏହି ଅଭିନେତ୍ରୀ କେବଳ ହିନ୍ଦୀରେ ନୁହେଁ ସାଉଥ୍ ଇଣ୍ଡଷ୍ଟ୍ରିରେ ମଧ୍ୟ ଦୀର୍ଘବର୍ଷ ଧରି ସକ୍ରିୟ ରହିଆସିଛନ୍ତି। କିନ୍ତୁ ‘କେରଲା ଷ୍ଟୋରୀ’ ତାଙ୍କୁ ଏହି ଖ୍ୟାତି ଦେଇଥିଲା। ଯାହାକୁ ସେ ବୋଧହୁଏ ବହୁ ସମୟ ଅପେକ୍ଷା କରିଥିଲେ। ସମ୍ପ୍ରତି ଅଭିନେତ୍ରୀ ତାଙ୍କର କିଛି ନୂଆ ଫଟୋ ମାଧ୍ୟମରେ ଲୋକଙ୍କ ଦୃଷ୍ଟି ଆକର୍ଷଣ କରିଛନ୍ତି। ଏଥିରେ ସେ ‘କେରଲା ଷ୍ଟୋରୀ’ ବିଷୟରେ ମଧ୍ୟ ଉଲ୍ଲେଖ କରିଛନ୍ତି।
ନିକଟରେ ଅଦା ନିଜ ସୋସିଆଲ ମିଡିଆ ଆକାଉଣ୍ଟରେ କିଛି ରୋଚକ ଝଲକ ଶେୟାର କରିଛନ୍ତି। ଯେଉଁଥିରେ ତାଙ୍କୁ କେରଳର ପାରମ୍ପାରିକ ରୂପରେ ଦେଖିବାକୁ ମିଳିଛି। ଫଟୋର ଏହି ଅଭିନେତ୍ରୀଙ୍କୁ କଥକକଳୀ ନୃତ୍ୟଶିଳ୍ପୀ ଭାବରେ ଦେଖିବାକୁ ମିଳିଛି। ଏଥିରେ ସେ ଖୁବ୍ ସୁନ୍ଦର ଦେଖାଯାଉଛନ୍ତି।
ଫଟୋ ଶେୟାର କରି ସେ ‘କେରଲା ଷ୍ଟୋରୀ-୨’ ବିଷୟରେ କହିଛନ୍ତି। ଫଟୋଗୁଡ଼ିକରେ କ୍ୟାପ୍ଶନରେ ଅଭିନେତ୍ରୀ ଲେଖିଛନ୍ତି, ମୁଁ ଜାଣେ ନାହିଁ ‘କେରଲା ଷ୍ଟୋରୀ-୨’ କେବେ ମୁକ୍ତିଲାଭ କରିବ … ଏବଂ ମୁଁ ଜାଣେ ନାହିଁ ଯେ #TheKeralaStory ଓଟିଟିରେ କେବେ ମୁକ୍ତିଲାଭ କରିବ। କିନ୍ତୁ ମୁଁ ଜାଣେ ଏହି ନଦୀରେ ଅନେକ ସାପ ଅଛନ୍ତ। ମୁଁ ଏହାକୁ କେବଳ ସକାଳେ ଦେଖିଛି। ଏବଂ ମୋତେ କୁହାଯାଇଛି ଯେ, ନଦୀରେ ଏକ କୁମ୍ଭୀର ଅଛି, ଯାହା ଖରାପ ପିଲାମାନଙ୍କୁ ଖାଇଯାଏ ଏବଂ ଯଦି ତୁମେ ଫଟୋକୁ ଶେଷ ପର୍ଯ୍ୟନ୍ତ ସ୍ବାଇପ କର, ଏହା ମଧ୍ୟ ତୁମ ଘରକୁ ଦେଖା କରିବାକୁ ଆସିବ। ଲୋକମାନେ ଏହା କହିଛନ୍ତି, ଠିକ୍ ଅଛି।
