ମୁମ୍ବାଇ: ପ୍ରଥମଥର ପାଇଁ ରିୟା ଚକ୍ରବର୍ତ୍ତୀ ସୁଶାନ୍ତ ସିଂ ରାଜପୁତଙ୍କ ମୃତ୍ୟୁର ଯାଞ୍ଚ ପାଇଁ ସିବିଆଇ ତଦନ୍ତ ଦାବି କରିଛନ୍ତି। ଠିକ୍ ଏହି ସମୟରେ ରିୟାଙ୍କ ଟୁଇଟର ଆକାଉଣ୍ଟ ହ୍ୟାକ୍ କରାଯାଇଛି। ଗୁରୁବାର ସୁଶାନ୍ତଙ୍କ ମୃତ୍ୟୁ ମାମଲା ଏକ ଭିନ୍ନମୋଡ଼ ନେଇଥିଲା। କାରଣ ପ୍ରଥମ ଥର ପାଇଁ ରିୟା ନିଜେ ଆସି ଅଭିନେତାଙ୍କ ମୃତ୍ୟୁ ସମ୍ପର୍କରେ ସିବିଆଇ ତଦନ୍ତ ଦାବି କରିଥିଲେ। ସିବିଆଇକୁ ହସ୍ତାନ୍ତର କରିବାକୁ ରିୟା ଟୁଇଟର୍ରେ ଗୃହମନ୍ତ୍ରୀ ଅମିତ ଶାହାଙ୍କ ସହ କଥା ହୋଇଥିଲେ। ଅଭିନେତ୍ରୀ ତାଙ୍କ ପୋଷ୍ଟରେ ଅନେକ କଥା ପ୍ରକାଶ କରି ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଥିଲେ। ତଥାପି ସୋସିଆଲ ମିଡିଆରେ ଆଉ କିଛି ଟ୍ରେଣ୍ଡ ଆରମ୍ଭ ହୋଇଥିଲା।
Respected @AmitShah sir ,
I’m sushants Singh Rajputs girlfriend Rhea chakraborty,it is now over a month since his sudden demise
I have complete faith in the government, however in the interest of justice , I request you with folded hands to initiate a CBI enquiry..part 1 ..— Rhea Chakraborty (@Tweet2Rhea) July 16, 2020
ରିୟା ଟୁଇଟ୍ କରି ଅମିତ ଶାହାଙ୍କୁ କହିଛନ୍ତି, ମୁଁ ସୁଶାନ୍ତଙ୍କ ଗର୍ଲଫ୍ରେଣ୍ଡ। ତାଙ୍କ ମୃତ୍ୟୁକୁ ଏକ ମାସ ବିତିଗଲାଣି। ମୋର ସରକାରଙ୍କ ଉପରେ ସମ୍ପୂର୍ଣ୍ଣ ବିଶ୍ୱାସ ଅଛି, କିନ୍ତୁ ନ୍ୟାୟ ପାଇଁ ମୁଁ ଦାବି କରୁଛି। ଏହି ମାମଲାରେ ସିବିଆଇ ତଦନ୍ତ କରାଯାଉ। ମୁଁ ଜାଣିବାକୁ ଚାହେଁ ତାଙ୍କ ଉପରେ କ’ଣ ଟେନ୍ସନ ଥିଲା, ଯେ ସୁଶାନ୍ତ ଏତେ ବଡ଼ ପଦକ୍ଷେପ ନେଲେ।
ବର୍ତ୍ତମାନ ରିୟାଙ୍କ ଏହି ଟୁଇଟ୍ ପରେ ସୁଶାନ୍ତଙ୍କ ପ୍ରଶଂସକମାନେ ଉତ୍ସାହିତ ହୋଇପଡ଼ିଛନ୍ତି। ଅଭିନେତା ଶେଖର ସୁମନ ମଧ୍ୟ ରିୟାଙ୍କୁ ପ୍ରଶଂସା କରି ଟୁଇଟ୍ କରିଛନ୍ତି। ମାତ୍ର କିଛି ସମୟ ମଧ୍ୟରେ ସୋସିଆଲ ମିଡିଆରେ ରିୟାଙ୍କ ଟୁଇଟର ଆକାଉଣ୍ଟକୁ ହ୍ୟାକ୍ କରାଯାଇଛି ବୋଲି ଚର୍ଚ୍ଚା ହେଉଛି। ରିୟାଙ୍କ ଟୁଇଟ୍ରେ ଅନେକ ୟୁଜର ଭାବୁଛନ୍ତି, ଏହି ଟୁଇଟ୍ ଅଭିନେତ୍ରୀଙ୍କ ଦ୍ୱାରା କରାଯାଇନାହିଁ। ଏହାକୁ କେହି ହ୍ୟାକ୍ କରିଛି।
ଜଣେ ୟୁଜର ଲେଖିଛନ୍ତି, ରିୟାଙ୍କ ଟୁଇଟର୍ ହ୍ୟାକ୍ ହୋଇଛି। ଟୁଇଟ୍ରେ ଅଜବ ଭୁଲ ସବୁ ଦେଖିବାକୁ ମିଳିଛି। ନାମର ପ୍ରଥମ ଅକ୍ଷର ଛୋଟ ଅକ୍ଷରରେ ଲେଖାଯାଇଛି। ସେହି ସମୟରେ, ଜଣେ ୟୁଜର ସମାନ କଥା କହିଛନ୍ତି। ଏହି ଆକାଉଣ୍ଟ ହ୍ୟାକ୍ ହୋଇଛି କିମ୍ବା ଏହାକୁ ଅନ୍ୟ କେହି ଲେଖିଛନ୍ତି। ଯେତେବେଳେ ସୁଶାନ୍ତ ସିଂ ରାଜପୁତଙ୍କ ନାମ ଟୁଇଟ୍ରେ ଭୁଲ ଲେଖାଯାଇଛି। ଜଣେ ଭଲ ମଣିଷଙ୍କ ପ୍ରତି ଏପରି ଅପମାନ ଠିକ୍ ନୁହେଁ। ସୋସିଆଲ ମିଡିଆରେ ଏଭଳି ଟୁଇଟ୍ ଦେଖି ଅନେକ ୟୁଜର ରିୟାଙ୍କୁ ତାଙ୍କ ଟୁଇଟ୍ର ଆକାଉଣ୍ଟ୍ ହ୍ୟାକ୍ ହୋଇଛି କି ନାହିଁ ପଚାରିଛନ୍ତି।
