ବଲିଉଡ ଅଭିନେତ୍ରୀ କାଜୋଲ ଆଜି ତାଙ୍କର ୪୬ ତମ ଜନ୍ମଦିନ ପାଳନ କରୁଛନ୍ତି। ଅଭିନେତା ଅଜୟ ଦେବଗନଙ୍କ ସହ ୪ ବର୍ଷର ସମ୍ପର୍କ ପରେ ସେ ବିବାହ କରିଥିଲେ। ଦୀର୍ଘ ସମୟ ଧରି ଫିଲ୍ମ ଇଣ୍ଡଷ୍ଟ୍ରିରେ କାମ କରିବା ପରେ ଏବେ କାଜୋଲ ତାଙ୍କ ଅଜୟଙ୍କ ସହ ଖୁସିରେ ଜୀବନ ବିତାଉଛନ୍ତି। ବିବାହ ପୂର୍ବରୁ ସେମାନଙ୍କର ପ୍ରେମ କାହାଣୀ ଅତ୍ୟନ୍ତ ଆକର୍ଷଣୀୟ ଥିଲା। ଏକ ସାକ୍ଷାତକାର ସମୟରେ, କାଜୋଲ ସେମାନଙ୍କର ପ୍ରଥମ ସାକ୍ଷାତକୁ ମନେ ପକାଇ କହିଥିଲେ ଯେ ଅଜୟଙ୍କୁ ଭେଟିବାର ୧୦ ମିନିଟ ପୂର୍ବରୁ ସେ ତାଙ୍କୁ ଗାଳି କରିଥିଲେ। କାଜୋଲଙ୍କ ଅନୁଯାୟୀ ଉଭୟଙ୍କ ପ୍ରଥମ ଭେଟ ‘ହଲ୍ଚଲ୍’ ଫିଲ୍ମ ସେଟରେ ହୋଇଥିଲା। ସେ ଫିଲ୍ମର ଶୁଟିଂ ପାଇଁ ପ୍ରସ୍ତୁତ ଥିଲେ ଏବଂ ପଚାରିଥିଲେ ତାଙ୍କ ହିରୋ କେଉଁଠାରେ ଅଛନ୍ତି? ଯାହା ଉପରେ କେହି ତାଙ୍କୁ ସୂଚାଇ ଦେଇଥିଲେ ଯେ ସେ କୋଣରେ ବସିଛନ୍ତ। ଏହା ପରେ ସେ ଅଜୟଙ୍କୁ ଗାଳି କରିଥିଲେ। ପରେ ପରସ୍ପର ସହ କଥା ହେବା ଆରମ୍ଭ କରିଥିଲେ ଏବଂ ବହୁତ ଭଲ ବନ୍ଧୁ ହୋଇଥିଲେ। ଉଭୟେ ବିବାହ ପାଇଁ ପରସ୍ପରକୁ ପ୍ରସ୍ତାବ ଦେଇ ନ ଥିଲେ। ୪ ବର୍ଷ ଡେଟ କରିବା ପରେ ଦୁହେଁ ବୁଝିଥିଲେ ଯେ ବର୍ତ୍ତମାନ ସେମାନଙ୍କୁ ପରସ୍ପର ସହ ରହିବାକୁ ପଡିବ। ଅଜୟଙ୍କ ମାତାପିତା ଏହି ବିବାହରେ ରାଜି ହୋଇଥିଲେ। କାଜୋଲଙ୍କ ପିତା କିନ୍ତୁ ରାଜି ନ ଥିଲେ। କାରଣ ସେ ଚାହୁଁଥିଲେ ତାଙ୍କ ଝିଅ ଏବେ ଛୋଟ ଅଛି, ତେଣୁ ତାକୁ କ୍ୟାରିୟର୍ ଉପରେ ଧ୍ୟାନ ଦେବା ଉଚିତ୍। କିନ୍ତୁ ଝିଅ ଇଚ୍ଛା ଦେଇ ଶେଷୟରେ ତାଙ୍କ ପିତା ରାଜି ହୋଇଥିଲେ।
