ସାଉଥ୍ ସୁପରଷ୍ଟାର ଜୁନିଅର ଏନଟିଆରଙ୍କ ଅଭିନୀତ ଫିଲ୍ମ ‘ଆର୍ଆର୍ଆର୍’ ନିକଟରେ ରିଲିଜ୍ ହୋଇଯାଇଛି। ଯାହାକୁ ଦେଖିବା ପାଇଁ ଦର୍ଶକଙ୍କ ଭିଡ ଦେଖିବାକୁୁ ମିଳୁଛି। ଫିଲ୍ମରେ ଜୁନିଅର ଏନଟିଆର ଏବଂ ରାମ ଚରଣ ନଜର ଆସିଛନ୍ତି। ଦୁହିଁଙ୍କ ଅଭିନୟକୁ ବେଶ୍ ପ୍ରଶଂସା କରିଛନ୍ତି ଦର୍ଶକ। ଏହି ଫିଲ୍ମକୁ ଦେଖିବା ପରେ ଅଭିନେତାଙ୍କ ଲୋକପ୍ରିୟତା ବଢିଯାଇଛି ।
ଏହି ଫିଲ୍ମରେ ଜୁନିଅର୍ ଏନଟିଆର୍ ଭୀମ ଚରିତ୍ରରେ ନଜର ଆସିଛନ୍ତି। ଯାହାକୁ ଖୁବ ଭଲପାଇବା ମିଳିଛି। କିନ୍ତୁ ଆପଣ ଜାଣନ୍ତି କି? ଏପରି କିଛି ଅଛି ଯାହାକୁ ଅଭିନେତା ଅଭିନୟ ଅପେକ୍ଷା ଅଧିକ ପସନ୍ଦ କରନ୍ତି।
ନିକଟରେ ଏକ ସାକ୍ଷାତକାରରେ ଅଭିନେତା ପ୍ରକାଶ କରିଛନ୍ତି ଯେ, ଅଭିନୟ ଅପେକ୍ଷା ସେ ରୋଷେଇ କରିବାକୁ ଅଧିକ ପସନ୍ଦ କରନ୍ତି । ରୋଷେଇ କରିବା ପାଇଁ ସେ କୌଣସି ସୁଯୋଗ ହାତଛଡ଼ା କରନ୍ତି ନାହିଁ। ତାଙ୍କ କହିବାନୁସାରେ, ଏହା ତାଙ୍କ ପାଇଁ ଷ୍ଟ୍ରେସ ରିଲିଫ ଭଳି। ତେଣୁ, ଯେତେବେଳେ ବି ସେ ସୁଯୋଗ ପାଆନ୍ତି, ରୋଷେଇ କରନ୍ତି। ଯାହା ତାଙ୍କୁ ବହୁତ ଖୁସି ଦେଇଥାଏ।
