କୋଲକାତା,୨୫ ।୨: ଭାରତୀୟ ଜନତା ପାର୍ଟି(ଭାଜପା) ଅଧ୍ୟକ୍ଷ ଜେପି ନଡ୍ଡା ଗୁରୁବାର ପଶ୍ଚିମବଙ୍ଗ ଗସ୍ତରେ ଯାଇ ସୋନାର ବାଂଲା ମିଶନ କ୍ୟାମ୍ପେନର ଲଞ୍ଚ କରିଛନ୍ତି । ଏହା ମାଧ୍ୟମରେ ଭାଜପା ପାଖାପାଖି ୨ କୋଟି ଲୋକଙ୍କ ପାଖେ ପହଞ୍ଚିବା ସହ ମନିଫେଷ୍ଟୋ ପାଇଁ ମତାମତ ଗ୍ରହଣ କରାଯିବ । ଲୋକେ ସୋସିଆଲ ମିଡିଆ ମାଧ୍ୟମରେ ମଧ୍ୟ ନିଜରୀ ମତ ଦେଇପାରିବେ ବୋଲି ନଡ୍ଡା କହିଛନ୍ତି । ନଡ୍ଡା ଆହୁରି ମଧ୍ୟ କହିଛନ୍ତି ଯେ, ପଶ୍ଚିମବଙ୍ଗରେ ଭାଜପା ସରକାର ଆସିଲେ ଆୟୁଷ୍ମାନ ଭାରତ ଯୋଜନା, କିଷାନ ସମ୍ମାନ ନିଧି ଯୋଜନା, ଫସଲ ବୀମା ଯୋଜନା ଲାଗୁ କରାଯିବ । ଏହାସହ କିଷାନ ସମ୍ମାନ ନିଧିର ପୁରୁଣା କିସ୍ତି କୃଷକଙ୍କୁ ଯୋଗାଇ ଦିଆଯିବ । ତେବେ ନଡ୍ଡାଙ୍କ ଗସ୍ତ ସମୟରେ ବଙ୍ଗଳା ଅଭିନେତ୍ରୀ ପାୟଲ ସରକାର ଭାଜପାରେ ଯୋଗ ଦେଇଛନ୍ତି । ନଡ୍ଡାଙ୍କ ଗସ୍ତକୁ ନେଇ ଭାଜପା କୋର୍ଟଙ୍କ ଦ୍ୱାରସ୍ଥ ହେବ ବୋଲି ଜଣାପଡିଛି । କାରଣ ଭାଜପା ନେତା ଅର୍ଜୁନ ସିଂ କହିଛନ୍ତି ପଶ୍ଚିମବଙ୍ଗ ପୋଲିସ ଭାଜପାକୁ ମଳିଥିବା ପରିବର୍ତ୍ତନ ଯାତ୍ରାକୁ ରଦ୍ଦ କରିଦଇଛି । ଏହି ଯାତ୍ରା କାଂଚରପାରାରୁ ବୈରକପୁର ପର୍ଯ୍ୟନ୍ତ ଯାଇଥାଆନ୍ତା । ନଡ୍ଡା ମଧ୍ୟ ଏଥିରେ ସାମିଲ ହେବାର କାର୍ଯ୍ୟକ୍ରମ ଥିଲା । ଅର୍ଜୁନ ସିଂ କହିଛନ୍ତି ଏହି ମାମଲାକୁ ନେଇ ଭାଜପା କୋର୍ଟଙ୍କ ଦ୍ୱାରସ୍ଥ ହେବ ଓ ପୁଣିଥରେ ଏହି ପରିବର୍ତ୍ତନ ଯାତ୍ରାକୁ ଆଗକୁ ବଢାଇବ ।
