ଜୁନାଗଡ଼,୧୭।୮(ସୁନୀଲ କୁମାର ସିଂହ)-କଳାହାଣ୍ଡି ଜିଲା ଜୁନାଗଡ଼ ଥାନା ଅନ୍ତର୍ଗତ ତଳଜାରିଙ୍ଗ ପଞ୍ଚାୟତର ଚେରମହୁଲ ଗ୍ରାମରେ ଶନିବାର ହାତ ଦେଖାକୁ ନେଇ ଏକ ହତ୍ୟାକାଣ୍ଡ ଘଟିଥିଲା। ଏଥିରେ ଚେରମହୁଲ ଗ୍ରାମର ଯୁବକ ରତ୍ନା ମାଝୀ(୪୦) ତଲଜାରିଙ୍ଗ ଗ୍ରାମର ବୃଦ୍ଧ ରଥ କନ୍ଦପାନ(୬୦)ଙ୍କୁ ଟାଙ୍ଗିଆରେ ହାଣି ମୁଣ୍ଡରୁ ଗଣ୍ଡି ଅଲଗା କରିଥିଲେ। ମୃତ ବୃଦ୍ଧଙ୍କ ସ୍ତ୍ରୀ ପୂର୍ଣ୍ଣିମା ତାଙ୍କ ସ୍ବାମୀଙ୍କୁ ରତ୍ନା ହତ୍ୟା କରିଥିବା ନେଇ ଜୁନାଗଡ଼ ଥାନାରେ ଏକ ଲିଖିତ ଅଭିଯୋଗ କରିଥିଲେ। ପରେ ପୋଲିସ ଏକ ମାମଲା (ନଂ.୫୫୨/୨୦୨୫) ରୁଜୁ କରିବା ସହ ହତ୍ୟା ମାମଲାରେ ଅଭିଯୁକ୍ତ ରତ୍ନା ମାଝୀଙ୍କୁ ଗିରଫ କରି ରବିବାର ସନ୍ଧ୍ୟାରେ କୋର୍ଟ ଚାଲାଣ କରିଛି। ଏ ନେଇ ଜୁନାଗଡ଼ ଆଇଆଇସି ଶେଷଦେବ ବେହେରା ସୂଚନା ଦେଇଛନ୍ତି।
