ଗଜପତି,୨୦।୧୨(ଗିରିଧାରୀ ପରିଚ୍ଛା)- ଏମିତି ବି ଆସେ ମୃତ୍ୟୁ। ଭଗବାନଙ୍କ ଦର୍ଶନ ସାରି ଫେରିବା ବାଟରେ ଦୁର୍ଘଟଣା ଚାଲିଗଲା ଜୀବନ। ମୃତକମାନେ ହେଲେ ଗଜପତି ଜିଲା ଗୋଶାଣୀ ବ୍ଲକ ଅନ୍ତର୍ଗତ ଏମ୍ଏନ୍ ପେଟା ଗ୍ରାମର କାନ୍ତା ରାଓ ଏବଂ ତାଙ୍କ ପତ୍ନୀ-ଝିଅ।
ସୂଚନାନୁଯାୟୀ,ଗତ କିଛି ବର୍ଷ ହେଲା ପି କାନ୍ତାରାଓ ନିଜର ଜୀବନ ଜୀବିକା ପାଇଁ ବିଶାଖାପାଟଣାର ଏକ ଘରୋଇ କମ୍ପାନୀରେ କାମ କରୁଥିଲେ। ସେଠାରୁ ଶୁକ୍ରବାର ସିଂହାଚଲମ ଭଗବାନଙ୍କ ଦର୍ଶନ ନିମନ୍ତେ ସେ ତାଙ୍କ ପତ୍ନୀ ସା ଓ ଝିଅ ମହେଶ୍ୱରୀଙ୍କ ସହ ଗୋଟିଏ ବାଇକରେ ଯାଇଥିଲେ। ହେଲେ ବିଡ଼ମ୍ବନା ଏହା ଯେ ତାଙ୍କ ଫେରିବାବାଟରେ ଜଗିରହିଥିଲା ଯମ। ସିଂହାଚଲମ ପାହାଡ଼ ପାଦ ଦେଶରେ ଥିବା ଗୋଶାଳା ଛକ ନିକଟରେ ତାଙ୍କ ବାଇକ୍ଟି ଦୁର୍ଘଟଣାଗ୍ରସ୍ତ ହୋଇଥିଲା। ଫଳରେ କାନ୍ତା ରାଓଙ୍କ ଘଟଣାସ୍ଥଳରେ ମୃତ୍ୟୁ ହୋଇଥିଲା। ପତ୍ନୀ ସନ୍ଧ୍ୟା ଓ ଝିଅ ମହେଶ୍ୱରୀ ହସ୍ପିଟାଲ ସ୍ଥାନାନ୍ତର ସମୟରେ ଅଧାରାସ୍ତାରେ ପ୍ରାଣ ହରାଇଛନ୍ତି। ଭାଗ୍ୟବଶତଃ ତାଙ୍କ ପୁଅ ଗୁରୁନାଥ ସେମାନଙ୍କ ସହ ଯାଇ ନ ଥିଲେ।
ଏବେ ୧୧ବର୍ଷୀୟ ପୁଅ ଗୁରୁନାଥ ବାପା,ମା’ ଭଉଣୀଙ୍କୁ ହରାଇ ଏବେ ଅନାଥ। ତାଙ୍କ ପରିବାରରେ ଆଉ କେହି ନାହାନ୍ତି। ଏବେ ଘଟଣାର ତଦନ୍ତ ଆନ୍ଧ୍ରପ୍ରଦେଶର ପେନ୍ଧୁର୍ତ୍ତି ଥାନା ପୋଲିସ କରୁଛି। ଗୋଟିଏ ଗାଡିକୁ ଓଭରଟେକ୍ କରି ଯିବା ସମୟରେ ଏଭଳି ଘଟଣା ଘଟିଥିବା ଜଣାପଡିଛି। ତେବେ ପେନ୍ଧୁର୍ତି ପୋଲିସ ଘଟଣାର ତଦନ୍ତ କରୁଛି। କେଉଁ ପରିସ୍ଥିତିରେ ଏତେ ବଡ଼ ଘଟଣା ଘଟିଗଲା ସେନେଇ ତଦନ୍ତ କରୁଛି। ଶନିବାର ସେମାନଙ୍କ ମୃତଦେହ ବ୍ୟବଚ୍ଛେଦ କରାଯାଇଥିଲେ ହେଁ ବର୍ତ୍ତମାନ ଯାଏ ଗ୍ରାମରେ ପହଁଚିନାହିଁ। ଖବର ପାଇବା ପରେ ଗ୍ରାମରେ ଶୋକର ଛାୟା ଖେଳିଯାଇଛି।
