ବିବାହ ଭୋଜି ଖାଇ ଫେରୁଥିବା ବେଳେ ଓଲଟିଲା ଅଟୋ
8:32 pmJune 28, 2022June 28, 2022 / 06

କୋକସରା,୨୮।୬(ଡି.ଏନ.ଏ.): ବିବାହ ଭୋଜି ଖାଇ ଫେରୁଥିବା ବେଳେ ଓଲଟିଲା ଅଟୋ। ୨୬ ନଂ ଜାତୀୟ ରାଜପଥ ଚିଲିଗୁଡା ନିକଟରେ ମଙ୍ଗଳବାର ସନ୍ଧ୍ୟାରେ ଏକ ଅଟୋ ଭାରସାମ୍ୟ ହରାଇ ରାସ୍ତାରେ ଓଲଟି ପଡିଛି। ଫଳରେ ଅଟୋରେ ବସିଥିବା ୨ ଯୁବକ ସମେତ ୩ ମହିଳା ଗୁରୁତର ହୋଇଛନ୍ତି। ଯାତ୍ରୀମାନେ ବାହାଘର ଭୋଜି ଖାଇ ରେଙ୍ଗାଳପାଲି ଗାଁରୁ ନିଜ ଗାଁ ଖଳିଗଡ଼କୁ ଫେରୁଥିବା ବେଳେ ଚିଲିଗୁଡା ନିକଟରେ ଗାଡ଼ିଟି ଓଲଟି ପଡିଥିଲା। ସ୍ଥାନୀୟ ଲୋକ ପହଞ୍ଚି ଆହତଙ୍କୁ ଉଦ୍ଧାର କରି କୋକସରା ଡାକ୍ତରଖାନାରେ ଭର୍ତ୍ତି କରିଥିଲେ। ତେବେ ଆହତ ପ୍ରେମଲାଲ ଶଗଡିଆ(୩୫), ପଦ୍ମା ମହାନନ୍ଦ(୫୫), ରାଜୁ ଶଗଡିଆ (୨୨), ପଦ୍ମାଲୟା ନାଏକ (୬୦), ଚମ୍ପା ଶଗଡିଆ (୫୦) ଖଳିଗଡ଼ ଗାଁ କଲୋନୀପଡାର ବାସିନ୍ଦା ବୋଲି ଜଣାପଡ଼ିଛି।