ପ୍ରଥମ ଭେଟରେ ପ୍ରେମିକାଙ୍କୁ ନମସ୍କାର କହିଥିଲେ ଏହି ବିଦେଶୀ କ୍ରିକେଟର୍‌
4:25 pmAugust 5, 2020 / 07

ଦକ୍ଷିଣ ଆଫ୍ରିକାର ପୂର୍ବତନ ଅଧିନାୟକ ତଥା କ୍ରିକେଟର ମିଷ୍ଟର ୩୬୦ ଡିଗ୍ରୀ କୁହାଯାଉଥିବା ଏବି ଡି ଭିଲିୟର୍ସଙ୍କ ପ୍ରେମ କାହାଣୀ ବେଶ୍‌ ନିଆରା। ଏବିଙ୍କୁ ୨୩ ବର୍ଷ ହୋଇଥିଲାବେଳେ ସେ କ୍ରିକେଟ ଦୁନିଆରେ ନିଜର ପରିଚୟ ସୃଷ୍ଟି କରିଥିଲେ। ସେହି ସମୟରେ ସେ ତାଙ୍କ ପିତାଙ୍କ ଫାର୍ମ ହାଉସରେ ଡାନିଏଲ ସ୍ମାର୍ଟଙ୍କୁ ଭେଟିଥିଲେ। କାରଣ ଦୁଇ ପରିବାର ପରସ୍ପରକୁ ଜାଣିଥିଲେ। ଏହାପରେ ଏବି ଡାନିଏଲଙ୍କୁ ମନେ ମନେ ପ୍ରେମ କରି ବସିଥିଲେ। କିନ୍ତୁ ଏକଥା ସେ ତାଙ୍କୁ କହି ପାରୁ ନ ଥିଲେ। ଥରେ ଉଭୟଙ୍କ ପରିବାର କୌଣସି କାର୍ଯ୍ୟକ୍ରମରେ ଏକାଠି ହୋଇଥାନ୍ତି। ଏହି ସମୟରେ ଏବି ଡାନିଏଲ୍‌ ନିଜ ମନ କଥା ଖୋଲି କହିବେ ବୋଲି ଭାବିଲେ। କିନ୍ତୁ ସାହସ କରିପାରିଲେ ନାହିଁ। ଡାନିଏଲଙ୍କୁ ଦେଖି ସେ ନମସ୍କାର ବ୍ୟତୀତ ଆଉ କିଛି କହି ନ ଥିଲେ। ତା’ପରେ ସେ ଏଥିପାଇଁ ତାଙ୍କ ମା’ଙ୍କ ସାହାଯ୍ୟ ନେଇଥିଲେ। ମା ପୁଅର ଅବସ୍ଥା ବୁଝିଥିଲେ ଏବଂ ଡାନିଏଲଙ୍କ ସହ କଥା ହୋଇଥିଲେ ଏବଂ ତାଙ୍କ ନମ୍ବର ନେଇଥିଲେ।
ତାଙ୍କ ଆତ୍ମଜୀବନୀ ‘ଏବି- ଦି ଆତ୍ମଜୀବନୀ’ରେ ସେ ତାଙ୍କର ପ୍ରେମ କାହାଣୀ ପ୍ରକାଶ କରିଥିଲେ। ଏଥିରେ ଡି ଭିଲିୟର୍ସ କହିଥିଲେ ଯେ ଆଇପିଏଲ ୨୦୧୩ ଆରମ୍ଭ ହେବା ପୂର୍ବରୁ ସେ ତାଙ୍କ ପ୍ରେମିକା ଡାନିଏଲ ସ୍ମାର୍ଟଙ୍କ ସହ ଆଗ୍ରା ଯାଇଥିଲେ। ଭାରତର ଆଗ୍ରା ସ୍ଥିତ ତାଜମହଲ ଦୁନିଆର ସବୁଠାରୁ ରୋମାଣ୍ଟିକ ସ୍ଥାନ ଭାବରେ ପରିଗଣିତ ହୁଏ। ଏବଂ ଡି ଭିଲିୟର୍ସ ମଧ୍ୟ ଡାନିଏଲଙ୍କୁ ପ୍ରସ୍ତାବ ଦେବା ପାଇଁ ତାଜମହଲକୁ ବାଛିଥିଲେ। ବିବାହର ପ୍ରାୟ ଦୁଇ ବର୍ଷ ପରେ, ଡି ଭିଲିୟର୍ସଙ୍କ ସ୍ତ୍ରୀ ଜୁଲାଇ ୨୦୧୫ରେ ପ୍ରଥମ ପୁଅ ଏବଂ ଜୁଲାଇ ୨୦୧୭ରେ ଦ୍ୱିତୀୟ ପୁତ୍ରକୁ ଜନ୍ମ ଦେଇଥିଲେ। ଡି ଭିଲିୟର୍ସ ଦକ୍ଷିଣ ଆଫ୍ରିକା ପାଇଁସ ୧୧୪ ଟେଷ୍ଟ ଖେଳି ୯୧ ଇନିଂସରେ ହାରାହାରି ୫୦.୫୫ ହାରରେ ୮୭୬୫ ରନ୍‌ କରିଛନ୍ତି। ୨୮ଟି ଏକଦିବସୀୟ ଖେଳି ଡି ଭିଲିୟର୍ସ ହାରାହାରି ୫୩.୩୦ରେ ୯,୫୭୭ ରନ ସ୍କୋର କରିଛନ୍ତି।