ମୁମ୍ବାଇ: ବଲିଉଡ୍ରୁ ଆରମ୍ଭ କରି ସାଉଥ୍ ଇଣ୍ଡଷ୍ଟ୍ରି ପର୍ଯ୍ୟନ୍ତ ଅଭିନେତ୍ରୀ ଶ୍ରୀଦେବୀଙ୍କର ବଳିଷ୍ଠ ଅଭିନୟ ଆଜି ବି ଲୋକଙ୍କ ମନରୁ ଲିଭୁନି। ସାଧାରଣତଃ ଯୁବଷ୍ଟାରମାନେ ଶ୍ରୀଦେବୀଙ୍କ ସହ ଯେମିତି ହେଲେ ଥରେ କାମ କରିବାକୁ ଇଚ୍ଛା କରିଥାନ୍ତି। କାରଣ ଯେମିତି ସେମାନେ ଲୋକପ୍ରିୟ ହୋଇପାରିବେ। ସେତେବେଳେ ଶ୍ରୀଦେବୀଙ୍କ ଅଭିନୀତ ଫିଲ୍ମ ପ୍ରାୟ ହିଟ୍ ହେଉଥିଲା। କିନ୍ତୁ ମିଷ୍ଟର ପରଫେକ୍ଟନିସ୍ ତଥା ଅମିର ଖାନ୍ ଶ୍ରୀଦେବୀଙ୍କ ସହ ଫିଲ୍ମ କରିବାକୁ ମନା କରିଦେଇଥିଲେ।
ଅମିର ସେତେବେଳେ ବଲିଉଡ୍ରେ ଟ୍ରେଣ୍ଡ୍ କରୁଥିଲେ। ୯୦ ଦଶକରେ ଜଣେ ନାମୀଦାମୀ ଫିଲ୍ମ ନିର୍ଦ୍ଦେଶକ ଶ୍ରୀଦେବୀଙ୍କ ସହ ଅଭିନୟ କରିବାକୁ ଅମିରକୁ ପ୍ରସ୍ତାବ ଦେଇଥିଲେ। ମାତ୍ର ଅମିର ତାଙ୍କ ସହ କାମ କରିବାକୁ ମନା କରିଦେଇଥିଲେ। କାରଣ ଅମିର ଚାହୁଁ ନ ଥିଲେ ତାଙ୍କଠାରୁ ବୟସରେ ବଡ଼ ଅଭିନେତ୍ରୀଙ୍କ ସହ କାମ କରିବା ପାଇଁ। ତାଙ୍କ ମତରେ ଜୁହି ଚାଓ୍ବଲା, କରିସ୍ମା କପୁର, ମାଧୁରୀ ଦୀକ୍ଷିତଙ୍କ ପରି ୟଙ୍ଗ୍ଷ୍ଟାରଙ୍କ ସହ କାମ କଲେ ଲୋକେ ତାଙ୍କୁ ଗ୍ରହଣ କରିବେ। ଶ୍ରୀଦେବୀଙ୍କ ସହ କାମ କଲେ ତାଙ୍କ ଯୋଡ଼ିକୁ ଲୋକେ ପସନ୍ଦ କରିବେନି। ତେଣୁ ସେ ନିର୍ଦ୍ଦେଶକଙ୍କ ଏହି ଅଫରକୁ ମନା କରିଦେଇଥିଲେ।
