ଭୁବନେଶ୍ୱର,୧୪।୯ : ନ୍ୟାଶନାଲ ଟେଷ୍ଟି ଏଜେନ୍ସି (ଏନଟିଏ) ଦ୍ୱାରା ପରିଚାଳିତ ଜେଇଇ ମେନ-୨୦୨୦ ପରୀକ୍ଷାରେ ଆକାଶ ଇନଷ୍ଟିଚ୍ୟୁଟର ଛାତ୍ରୀଛାତ୍ର ଉଲ୍ଲେଖନୀୟ ସଫଳତା ହାସଲ କରିଛନ୍ତି। ଜେଇଇ ମେନ୍ ଫଳାଫଳର ପ୍ରଥମ ୨୦ ଜଣଙ୍କ ମଧ୍ୟରେ ଆକାଶରୁ ଜଣେ ଥିବା ବେଳେ, ଟପ୍ ୫୦ରେ ୩ ଜଣ ଏବଂ ଟପ୍ ୧୦୦ ମଧ୍ୟରେ ୬ ଜଣ ପରୀକ୍ଷାର୍ଥୀ ସ୍ଥାନ ପାଇଥିବା ଆକାଶ ଏଜୁକେଶନାଲ ସର୍ଭିସେସ ଲିମିଟେଡର ନିର୍ଦ୍ଦେଶକ ଓ ସିଇଓ ଆକାଶ ଚୌଧୁରୀ ଏହି ସୂଚନା ଦେଇଛନ୍ତି। ଆକାଶର ଚିରାଗ ଫାଲୋର (୧୨), ସୁରଜ ଶ୍ରୀନିବାସ (୩୪), ଆଭାଲ ଅମିଲ (୪୩), ପ୍ରୀତି ପଲିଓ୍ବାଲା (୭୫), ଇରା ସାରାଦା (୭୯) ଏବଂ ଶ୍ରୀଖର ଅଗ୍ରଓ୍ବାଲା (୯୯) ର଼୍ୟାଙ୍କ ସହ ଟପ ୧୦୦ରେ ସ୍ଥାନ ପାଇଛନ୍ତି। ସେହିଭଳି ଭୁବନେଶ୍ୱର ଶାଖାରୁ ଅନିମେଶ ସାହୁ, ଶିବାଶିଷ ରାଉତ, ରିତେଶ୍ୱର ରାଜଗୁରୁ, ପ୍ରୀତି ନିଲଞ୍ଜନା,ସତାଂଶ ପଟ୍ଟନାୟକ, ଶ୍ରୀସ ମହାପାତ୍ର, ଶୁଭମ ଶୁଭାଶିଷ ସାହୁ, ଆଶୁତୋଷ ମିଶ୍ର, ଓଜସ୍ବୀ ଦାସ, ସୁବ୍ରତ ଶେଖର ସାହୁ ଏବଂ ଦୀପ୍ତି ସାହୁ ପ୍ରମୁଖ ୯୯% ରୁ ଉର୍ଦ୍ଧ୍ୱ ସ୍କୋର କରି ଏହି ପରୀକ୍ଷାରେ କୃତକାର୍ଯ୍ୟ ହୋଇଛନ୍ତି। ଚଳିତ ମାସ ୨୭ରେ ଜେଇଇ ଆଡଭାନ୍ସ ପରୀକ୍ଷା ଅନୁଷ୍ଠିତ ହେବ। ଏହି ପରୀକ୍ଷାରେ ଆକାଶ ଭୁବନେଶ୍ୱରର ଶାଖାରୁ ପ୍ରାୟ ୧୨୦ ଜଣ ଛାତ୍ର ଆଇଆଇଟି ଜେଇଇ ପରୀକ୍ଷା ଦେବେ ବୋଲି ଶାଖାର ନିଦ୍ଦେର୍ର୍ଶକ ଏ.ବି. ସିଂହ ସୂଚନା ଦେଇଛନ୍ତି। ଜେଇଇ ମେନ ରେ ସଫଳତା ଅର୍ଜନ କରିଥିବା ସମସ୍ତ ପରୀକ୍ଷାର୍ଥୀଙ୍କୁ ଭୁବନେଶ୍ୱର ଶାଖା ପକ୍ଷରୁ ସେ ଅଭିନନ୍ଦନ ଜଣାଇଥିଲେ।
