ଭୁବନେଶ୍ୱର,୧୪।୯ : କଟକର ପ୍ରମୁଖ ଫ୍ୟାଶନ ଶୋ’ରୁମ୍ ରାଜରତନ ତାର ୨ୟ ଶୋ ରୁମ ଭୁବନେଶ୍ୱରର ଶ୍ରୀୟା ଛକଠାରେ ଶୁଭାରମ୍ଭ କରିଛି। ସଂସ୍ଥାର ଏହି ନୂଆ ଷ୍ଟୋରଟି ୩ ମହଲା ବିଶିଷ୍ଟ ଏବଂ ୧୦ ହଜାର ବର୍ଗଫୁଟ ପରିମିତ ସ୍ଥାନରେ ପ୍ରତିଷ୍ଠା ହୋଇଛି। ଏଠାରେ ସବୁ ବର୍ଗର ଗ୍ରାହକଙ୍କ ମନ ପସନ୍ଦର ପୋଷାକ ଉପଲବ୍ଧ ହେଉଥିବା ସଂସ୍ଥା ପକ୍ଷରୁ ସୂଚନା ଦିଆଯାଇଛି। ଆସନ୍ତା ପର୍ବପର୍ବାଣିକୁ ଆଖି ଆଗରେ ରଖି ଗ୍ରାହକଙ୍କୁ ବିଭିନ୍ନ ବ୍ରାଣ୍ଡେଡ କମ୍ପାନୀର ପୋଷାକ ଯୋଗାଣ ଦିଗରେ ଏହା କାର୍ଯ୍ୟ କରିବ ବୋଲି ସୂଚନା ମିଳିଛି। ଗ୍ରାହକଙ୍କର ସୁବିଧା ପାଇଁ ତଳ ମହଲାରେ ଶାଢି,ଲେଡିଜଓ୍ବେର, ବ୍ଲାଉଜ, ବେଡଶିଟ,କମ୍ପର୍ଟର,ଡୋର ମାର୍ଟ, ଯୋଗ ମାର୍ଟ ଓ ଟାଓ୍ବେଲ ଆଦି ରହିଥିବା ବେଳେ ୧ମ ମହଲାରେ କିଡସଓ୍ବେର, ଇନଫାଣ୍ଟ ଓ୍ବେର, କୁର୍ତ୍ତି, ସାଲେଓ୍ବେର ସୁଟ, ଗାଉନ,ସ୍କର୍ଟ ଟପ୍ସ, ଟ୍ରାକ ପ୍ୟାଣ୍ଟ କପେୟି ଏବଂ ଲେଗିନ୍ସ ଆଦି ରହିଛି। ସେହିଭଳି ଦ୍ୱିତୀୟ ମହଲାରେ ସେରଓ୍ବାନୀ, ସୁଟ, ଶାର୍ଟ, କାଜୁଆଲ, ଫର୍ମାଲ ଓ୍ବେର, ଲୁଙ୍ଗି, ଧୋତି, ଯୋଡା,ବ୍ଲେଜର ଆଦି ସାମଗ୍ରୀ ଉପଲବ୍ଧ ରହିଛି। ଏହି ଉଦ୍ଘାଟନୀ ଅବସରରେ ଗ୍ରାହକଙ୍କୁ ପ୍ରତି କ୍ରୟ ଉପରେ ଉପହାର ପ୍ରଦାନ କରାଯାଇଥିବା ସଂସ୍ଥାର ମୁଖ୍ୟ ବିଶ୍ୱପ୍ରକାଶ ମୁଂଦ୍ରା ସୂଚନା ଦେଇଛନ୍ତି। ଆଗାମୀ ଦିନରେ ପାର୍ବଣ ଅଫର ଲୋକମାନଙ୍କୁ ପ୍ରଦାନ କରାଯିବ ବୋଲି ସେ ମତ ଦେଇଛନ୍ତି। ଏହି ଅବସରରେ ସଂସ୍ଥାର ପ୍ରମୁଖ ଅନିଲ ମୁଂଦ୍ରା ଓ ଶୋ’ରୁମ କର୍ମଚାରୀ ଓ ପରିବାର ବର୍ଗ ଉପସ୍ଥିତ ରହିଥିଲେ।
