ନିରାକାରପୁର,୧୪।୧୧(ଡି.ଏନ୍.ଏ.): ଖୋର୍ଦ୍ଧା ଜିଲା ନିରାକାରପୁର ଥାନା ଅନ୍ତର୍ଗତ ୧୬ ନଂ ଜାତୀୟ ରାଜପଥ ଉପରୁ ରବିବାର ସ୍ଥାନୀୟ ପୋଲିସ ଏକ ଟ୍ରକ ବୋଝଇ ଗୋ-ମାଂସ ଜବତ କରିଛି। ଏହି ମାମଲାରେ ଗାଡ଼ିରେ ଥିବା ତିନି ଜଣଙ୍କୁ ଥାନାରେ ଅଟକ ରଖାଯାଇଛି l
ସୂଚନାନୁଯାୟୀ, ସକାଳୁ ଏକି ଗୋ-ମାଂସ ଭର୍ତ୍ତି ଗାଡି ଆସୁଥିବା ନେଇ ପୋଲିସ ବିଶେଷ ସୂତ୍ରରୁ ଖବର ପାଇ ରାମେଶ୍ୱର ଛକ ୧୬ ନଂ ଜାତୀୟ ରାଜପଥରେ ଜଗିି ରହିଥିଲା । ସେଠାରେ ଗାଡି ପହଞ୍ଚିବା ପରେ ତାକୁ ଅଟକ ରଖି ନିକଟସ୍ଥ ଥାନାକୁ ଆଣିଥିଲା। ତେବେ ଗାଡିଟି ଢେଙ୍କାନାଳରୁ ହାଇଦ୍ରାବାଦ ଯାଉଥିବା ଜଣାପଡ଼ିଛି। ଅପରପକ୍ଷେ ଅଟକ ଥିବା ଯୁବକମାନେ ଗୋ-ମାଂସକୁ ଖୋର୍ଦ୍ଧାରୁ ହାଇଦ୍ରାବାଦ ନେଉଥିଲୁ ବୋଲି କହୁଛନ୍ତି।ପୋଲିସ ଘଟଣାର ଅଧିକ ତଦନ୍ତ ଜାରି ରଖିଛି।
