ହର୍ଷ ଗୋୟନକା ନାମକ ଜଣେ ଯୁବ ବ୍ୟବସାୟୀ ବର୍ତ୍ତମାନ ସୋସିଆଲ ମିଡିଆରେ ଚର୍ଚ୍ଚାରେ ରହିଛନ୍ତି। ହର୍ଷ ନିଜର ଟୁଇଟର ଆକାଉଣ୍ଟରେ ଏକ ଭିଡିଓ ଶେୟାର କରିଛନ୍ତି। ଯାହା ଖୁବ୍ ଭାଇରାଲ ହେଉଛି। ଲୋକେ ଏହି ଭିଡିଓକୁ ପସନ୍ଦ କରିଥିବା ବେଳେ ଏହା ଉପରେ ସୁନ୍ଦର ସୁନ୍ଦର କମେଣ୍ଟ ମଧ୍ୟ ଦେଉଛନ୍ତି।
ହର୍ଷ ଟୁଇଟର ପେଜ୍ରେ ଶେୟାର କରିଥିବା ଭିଡିଓରେ ଜଣେ ବ୍ୟକ୍ତି ଇଞ୍ଜେକସନ ନେଉଥିବା ନଜର ଆସିଛନ୍ତି। ଭିଡିଓରେ ବ୍ୟକ୍ତିଙ୍କ ସ୍ବର ମଧ୍ୟ ଶୁଣିବାକୁ ମିଳୁଛି। ଯେଉଁଥିରେ କରୋନା ଟିକା ନେବା ପରେ ନିଜର ଅନୁଭବକୁ ମଜାଳିଆ ଢଙ୍ଗରେ କହୁଛନ୍ତି।
ଭିଡିଓଟିକୁ ହର୍ଷ ଶେୟାର କରି କ୍ୟାପଶନ ଲେଖିଛନ୍ତି, ‘ଚାଇନା ଟିକାର ପ୍ରଭାବ’। ଭିଡିଓଟିକୁ ଧ୍ୟାନ ସହକାରେ ଶୁଣିଲେ ଜାଣିପାରିବେ ଏଥିରେ ସେ କହୁଛନ୍ତି, କରୋନା ଟିକାର କୁପ୍ରଭାବ ତ ନାହିଁ ମାତ୍ର କହିବାର ସ୍ବର ବଦଳିଯିବା ସହ ତାଙ୍କ ଚେହେରା ମଧ୍ୟ ବଦଳିଯାଉଛି।
ଏହି ମଜାଳିଆ ଭିଡିଓଟିକୁ ଲୋକେ ସୋସିଆଲ ମିଡିଆରେ ଖୁବ୍ ପସନ୍ଦ କରୁଛନ୍ତି। ବର୍ତ୍ତମାନ ଏହାକୁ ୧୩ ହଜାରରୁ ଅଧିକ ଲୋକ ଦେଖିସାରିଲେଣି। ମଜାଳିଆ କମେଣ୍ଟ ମଧ୍ୟ ଦେଉଛନ୍ତି। ଜଣେ ୟୁଜର ଲେଖିଛନ୍ତି, ଅଲଗା ଭାଷା ଶିଖିବା ପାଇଁ ସବୁଠୁ ସହଜ ଉପାୟ। ଆଉ ଜଣେ ଲେଖିଛନ୍ତି, ସବୁଦିନ ପାଇଁ ମାସ୍କ ହିଁ ମୂଳ।
