ଭୁବନେଶ୍ୱର,୩୧।୧(ବ୍ୟୁରୋ): ନିର୍ବାଚନ ପରିଚାଳନା ପାଇଁ କଂଗ୍ରେସ ତା’ର ସାଙ୍ଗଠନିକ ଜିଲା ପାଇଁ ସଂଯୋଜକ ନିଯୁକ୍ତ କରିଛି। ପିସିସିର ପଞ୍ଚାୟତ ଓ ପୌର ନିର୍ବାଚନ ପରିଚାଳନା କମିଟି ନିଷ୍ପତ୍ତି ଅନୁଯାୟୀ ଏହି ନିଯୁକ୍ତି ଦିଆଯାଇଛି। ଅନୁଗୋଳ ଜିଲା ପାଇଁ ରାମଚନ୍ଦ୍ର ଖୁଣ୍ଟିଆ, ବାଲେଶ୍ୱର ପାଇଁ ନବଜ୍ୟୋତି ପଟ୍ଟନାୟକ, ବରଗଡ଼ ପାଇଁ ସତ୍ୟ ଭୂଷଣ ସାହୁ ଓ ପ୍ରଦୀପ ଦେବତା, ଭଦ୍ରକ ପାଇଁ ମଧୁସ୍ମିତା ସେଠୀ, ଭୁବନେଶ୍ୱର ପାଇଁ ଗଣେଶ୍ୱର ବେହେରା ଓ ପଞ୍ଚାନନ କାନୁନଗୋ, ବଲାଙ୍ଗୀର ଓ ସୋନପୁର ପାଇଁ ସମରେନ୍ଦ୍ର ମିଶ୍ର ଓ ବୌଦ୍ଧ ପାଇଁ ମନୋରଞ୍ଜନ ଦାଶ, କଟକ ଓ କଟକ ସିଟି ପାଇଁ ଯଥାକ୍ରମେ ମାନସ ଚୌଧୁରୀ ଓ ମହମ୍ମଦ ମୋକିମ, ସମ୍ବଲପୁର ଓ ଦେବଗଡ଼ ପାଇଁ ଶରତ ପଟ୍ଟନାୟକ, ଢେଙ୍କାନାଳ ପାଇଁ ସୁରେଶ ମହାପାତ୍ର ଓ ବାଙ୍କନିଧି ବେହେରାଙ୍କୁ ଦାୟିତ୍ୱ ଦିଆଯାଇଛି। ସେହିପରି ଗଞ୍ଜାମ ଦାୟିତ୍ୱରେ ରମେଶ ଚନ୍ଦ୍ର ଜେନା, ଗଜପତିରେ ଦାଶରଥି ଗମାଙ୍ଗୋ ସଂଯୋଜକଭାବେ କାର୍ଯ୍ୟ କରିବେ। ଜଗତ୍ସିଂହପୁର ଜିଲାରେ ଚିରଞ୍ଜୀବ ବିଶ୍ୱାଳ, ଯାଜପୁର ଶରତ ରାଉତ ଓ ଝାରସୁଗୁଡ଼ା ପାଇଁ କିଶୋର ଚନ୍ଦ୍ର ପଟେଲ, କଳାହାଣ୍ଡିରେ ଭକ୍ତଚରଣ ଦାସ ଓ ଅଧିରାଜ ମୋହନ ପାଣିଗ୍ରାହୀ, କନ୍ଧମାଳ ବିସ୍ମୟ ମହାପାତ୍ର ଓ କେନ୍ଦ୍ରାପଡ଼ା ମହମ୍ମଦ ମୋକିମ ଓ ଗଣେଶ୍ୱର ବେହେରା, କେନ୍ଦୁଝର ଓ ମୟୁରଭଞ୍ଜ ଜୟଦେବ ଜେନା, ଖୋର୍ଦ୍ଧା ସୁରେଶ କୁମାର ରାଉତରାୟ, କୋରାପୁଟ ଓ ନବରଙ୍ଗପୁର ଦାୟିତ୍ୱରେ ତାରାପ୍ରସାଦ ବାହିନୀପତି, ମାଲକାନଗିରି ଭୁଜବଳ ମାଝି, ନୂଆପଡ଼ା ସନ୍ତୋଷ ସିଂ ସାଲୁଜା, ନୟାଗଡ଼ ଆର୍ଯ୍ୟକୁମାର ଜ୍ଞାନେନ୍ଦ୍ର, ପୁରୀ ଜିଲା ଜାନକୀ ବଲ୍ଲଭ ପଟ୍ଟନାୟକ, ରାୟଗଡ଼ା ସପ୍ତଗିରି ଉଲ୍ଲାକା, ରାଉରକେଲା ଜର୍ଜ ତୀର୍କି ଓ ସୁନ୍ଦରଗଡ଼ ପାଇଁ ଡ. ସିଏସ୍ ରାଜନଙ୍କୁ ସଂଯୋଜକ ନିଯୁକ୍ତ କରାଯାଇଛି।
