ପାଟନା,୨୨।୨: ବିହାରର କ୍ରିକେଟର୍ ଇଶାନ କିଶନ ଟିମ ଇଣ୍ଡିଆରେ ମନୋନୀତ ହେବା ପରେ ତାଙ୍କର ଏକ କଲ ପିତାମାତାଙ୍କ ଆଖିରେ ଲୁହ ଆଣି ଦେଇଥିଲା। ତେବେ ତାଙ୍କ ମା’ବାପାଙ୍କ ଆଖିରେ ଏହି ଦୁଃଖର ନୁହେଁ ଖୁସିର ଲୁହ ଥିଲା। ଇଂଲଣ୍ଡ ବିପକ୍ଷ ଭାରତୀୟ ଦଳରେ ଇଶାନ ସ୍ଥାନ ପାଇଛନ୍ତି। ସେ ଏହି ସିରିଜ ସହିତ ଅନ୍ତର୍ଜାତୀୟ ଡେବ୍ୟୁ କରିବାର ମଧ୍ୟ ସୁଯୋଗ ରହିଛି।
ଇଶାନଙ୍କୁ ଚୟନ ବିଷୟରେ ପ୍ରଥମେ ମା’ ବାପାଙ୍କୁ ପ୍ରଥମେ ତାଙ୍କ ଭାଉଜ ଜଣାଇଥିଲେ। ଏହାପରେ ଇଶାନଙ୍କ କଲ ମାତା ସୁଚିତ୍ରା ସିଂଙ୍କ ନିକଟକୁ ଆସିଥିଲା। ପୁଅ ମୁହଁରେ ଚୟନ ବିଷୟରେ ଶୁଣି ମା’ଙ୍କ ଆଖିରେ ଲୁହ ଆସିଯାଇଥିଲା।
ଇଶାନଙ୍କ ପିତା କହିଥିଲେ ଯେ ପିଲାଦିନରୁ ଭାରତ ଖେଳିବା ପାଇଁ ତାଙ୍କର କେବଳ ଗୋଟିଏ ସ୍ବପ୍ନ ଥିଲା। ଏବେ ଏହି ସ୍ବପ୍ନ ସ୍ପୂରଣ ହେବାକୁ ଯାଉଛ। ଏଥିପାଇଁ ସେ କଠିନ ପରିଶ୍ରମ କରିଥିଲେ।ସେ କହିଥିଲେ ଯେ ଯେତେବେଳେ ଇଶାନ ୯ମ ଶ୍ରେଣୀରେ ପଢୁଥିଲେ, ସେତେବେଳେ ସେ ଏକ ପରୀକ୍ଷା ଦେବାକୁ ଯାଉଥିଲେ ଏବଂ ଏକ ମ୍ୟାଚ ମଧ୍ୟ ଥିଲା। ବିଦ୍ୟାଳୟ ନିର୍ଦ୍ଦେଶ ଦେଇଥିଲା ଯେ ଯଦି ଇଶାନ ପରୀକ୍ଷା ନ ଦିଅନ୍ତି ତେବେ ତାଙ୍କ ନାମ ସ୍କୁଲରୁ କାଟି ଦିଆଯିବ। କିନ୍ତୁ ମୁଁ ମୋ ପୁଅକୁ ସମର୍ଥନ କରି କହିଲି ଯେ ସେ ମ୍ୟାଚ ଖେଳିବେ। କିନ୍ତୁ ମା’ ଚାହୁଁଥିଲେ ପୁଅ ଅନ୍ତତଃ ପକ୍ଷେ ମାଟ୍ରିକ ପରୀକ୍ଷାରେ ପାସ କରନ୍ତୁ । ଇଶାନଙ୍କ ମା’ କହିଥିଲେ ଯେ ଅନ୍ତର୍ଜାତୀୟ ସ୍ତରରେ ପୁଅର ନାମ ନଆସିବା ପର୍ଯ୍ୟନ୍ତ ସେ ମ୍ୟାଚ ଦେଖିବା ପାଇଁ ଷ୍ଟାଡିୟମକୁ ଯିବେ ନାହିଁ ବୋଲି ପିତା କହିଛନ୍ତି। ଇଶାନ ଏବେ ଝାଡଖଣ୍ଡ ପକ୍ଷରୁ ଖେଳୁଛନ୍ତି। ସେ ଆଇପିଏଲ ଦଳର ମୁମ୍ବାଇ ଇଣ୍ଡିଆନ୍ସର ଏକ ଅଂଶ ଏବଂ ଗତ ସିଜନରେ ମଧ୍ୟ ଚମତ୍କାର ପ୍ରଦର୍ଶନ କରିଥିଲେ।
