ନୋଏଡା,୧୮।୧୦: ନୋଏଡା ସେକ୍ଟର ୩୯ ପୋଲିସ ଷ୍ଟେଶନ ପରିସରରେ ଅବସ୍ଥିତ ଲୋଟସ ବଲ୍ଲଭ ସୋସାଇଟି ଅଫ ସେକ୍ଟର ୧୦୦ରେ କୁକୁର ଆକ୍ରମଣରେ ଜଣେ ସାତ ମାସର ଶିଶୁ ମୃତ୍ୟୁବରଣ କରିଛି। ପୋଲିସ ଏହି ସୂଚନା ଦେଇଛି।
ଇନ୍ସପେକ୍ଟର ରାଜୀବ ବାଲିଆନ କହିଛନ୍ତି, ସୋମବାର ସେକ୍ଟର-୧୦୦ରେ ଅବସ୍ଥିତ ‘ଲୋଟସ ବଲ୍ଲଭ’ ସୋସାଇଟିରେ ରାସ୍ତା ନିର୍ମାଣ କାର୍ଯ୍ୟ ଚାଲଥିଲା। ଶ୍ରମିକ ରାଜେଶ କୁମାର, ତାଙ୍କ ସ୍ତ୍ରୀ ସପନା ସେମାନଙ୍କର ସାତ ମାସର ଶିଶୁ ସହ ସେଠାରେ କାମ କରିବାକୁ ଆସିଥିଲେ। ସେ ପିଲାଟିକୁ ଶୋଇଦେଇ କାମ କରୁଥିବା ସମୟରେ ତିନି ଜଣ ବୁଲା କୁକୁର ଶିଶୁକୁ ଆକ୍ରମଣ କରିଥିଲେ। ପରିସ୍ଥିତି ଏପରି ହୋଇଥିଲା ଶିଶୁର ପେଟର ଅନ୍ତନଳୀ ବାହାରି ଆସିଥିଲା। ସ୍ଥାନୀୟ ଲୋକ ଶିଶୁକୁ ନୋଏଡାର ରିଅଲିଟି ହସ୍ପିଟାଲରେ ଭର୍ତ୍ତି କରିଥିଲେ। କିନ୍ତୁ ଚିକିତ୍ସା ସମୟରେ ସୋମବାର ବିଳମ୍ବିତ ରାତିରେ ଶିଶୁଟିର ମୃତ୍ୟୁ ହୋଇଥିଲା। ଏହି ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଭୟର ବାତାବରଣ ଦେଖାଦେଇଛି।
