ଭୁବନେଶ୍ୱର, ୧୦।୩(ବ୍ୟୁରୋ): ସାରା ଦେଶରେ ଏବେ ଦ୍ୱିତୀୟ ପର୍ଯ୍ୟାୟ କୋଭିଡ୍ ଟିକାକରଣ ଜାରି ରହିଛି। ଏହି ପରିପ୍ରେକ୍ଷୀରେ ଓଡ଼ିଶାରେ ମଧ୍ୟ ଟିକାକରଣ କାର୍ଯ୍ୟକ୍ରମ ଚାଲିଛି। ଯେଉଁଥିରେ ୬୦ବର୍ଷରୁ ଊର୍ଦ୍ଧ୍ୱ ଏବଂ ୪୫ରୁ ୫୯ ବର୍ଷ ମଧ୍ୟରେ ଥିବା ବହୁବିଧ ରୋଗୀଙ୍କୁ ଟିକା ଦିଆଯାଉଛି। ମଙ୍ଗଳବାର ଓଡ଼ିଶାକୁ ଆଉ ୯,୦୪,୧୮୦ କୋଭିଶିିଲ୍ଡ ଟିକା ଆସି ପହଞ୍ଚତ୍ଛି। ଏକ ସ୍ବତନ୍ତ୍ର ବିମାନରେ ଟିକା ଆସି ପହଞ୍ଚତ୍ବା ପରେ ସେଗୁଡ଼ିକୁ ଷ୍ଟେଟ୍ ଭ୍ୟାକ୍ସିନ ସେଣ୍ଟରକୁ ପଠାଯାଇଛି।
ସେପଟେ ରାଜ୍ୟରେ ଗୋଟିଏ ଦିନରେ ୬୦ହଜାରରୁ ଊର୍ଦ୍ଧ୍ୱ ଟିକାକରଣ ହୋଇଛି। ମଙ୍ଗଳବାର ୩୭,୪୦୭ଜଣ ୬୦ବର୍ଷରୁ ଊର୍ଦ୍ଧ୍ୱ ବ୍ୟକ୍ତି ଟିକା ନେଇଥିବାବେଳେ ୧,୭୬୭ଜଣ ବହୁବିଧ ରୋଗୀ ଟିକା ନେଇଛନ୍ତି। ଏହାବ୍ୟତୀତ ୬୦୦ଜଣ ସ୍ବାସ୍ଥ୍ୟକର୍ମୀ ପ୍ରଥମ ଡୋଜ୍ ଏବଂ ୭,୦୨୧ଜଣ ଦ୍ୱିତୀୟ ଡୋଜ୍ ଟିକା ନେଇଛନ୍ତି। ସେହିପରି ୯୦୩ଜଣ ସମ୍ମୁଖ ଯୋଦ୍ଧା ପ୍ରଥମ ଡୋଜ୍ ଏବଂ ୧୬,୨୩୧ଜଣ ଦ୍ୱିତୀୟ ଡୋଜ୍ ଟିକା ନେଇଛନ୍ତି। ଏହିପରି ଭାବେ ମୋଟ୍ ୬୩,୯୨୯ଜଣ ଟିକା ନେଇଛନ୍ତି। ମୋଟ ୫୨୫ କେନ୍ଦ୍ରରେ ଟିକାକରଣ ହୋଇଛି। ୫,୩୨୦ଜଣଙ୍କୁ କୋଭାକ୍ସିନ ଏବଂ ୫୮,୬୦୯ଜଣଙ୍କୁ କୋଭିଶିଲ୍ଡ ଟିକା ଦିଆଯାଇଥିବା ରାଜ୍ୟ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ଦିଆଯାଇଛି। ଏ ପର୍ଯ୍ୟନ୍ତ ରାଜ୍ୟରେ ୬୦ ବର୍ଷରୁ ଊର୍ଦ୍ଧ୍ୱ ୨,୨୫,୩୬୫ଜଣ ଟିକା ନେଇଥିବାବେଳେ ୧୦,୮୦୭ଜଣ ବହୁବିଧ ରୋଗୀ ଟିକା ନେଇଛନ୍ତି। ତେବେ ସାରା ରାଜ୍ୟରେ ବର୍ତ୍ତମାନ ସୁଦ୍ଧା ୯,୬୮,୭୬୬ଜଣଙ୍କୁ ଟିକା ଦିଆସରିଥିବା ସ୍ବାସ୍ଥ୍ୟ ବିଭାଗ ପକ୍ଷରୁ କୁହାଯାଇଛି।
