ଖୋଲା ଆକାଶ ତଳେ ୯ ପରିବାର

ମହାକାଳପଡ଼ା,୪।୧୨ (ଡି.ଏନ.ଏ.): କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ଅଧୀନ ବିଜୟନଗର (ଶାସନପଡ଼ା) ଠାରେ ୯ ପରିବାର ଦୀର୍ଘବର୍ଷ ହେବ ଗୋଚର ଜମିକୁ ଜବରଦଖଲ କରି ସ୍ଥାୟୀ ବାସଗୃହ ନିର୍ମାଣ କରି ବସବାସ କରୁଥିଲେ। ଏ ନେଇ ଶାସନପଡ଼ାର କେତେଜଣ ଲୋକ ହାଇକୋର୍ଟରେ ଗୋଚର ଜମିରେ ଗୃହ ନିର୍ମାଣକୁ ବିରୋଧ କରି ୨୦୧୯ ମାମଲା ରୁଜୁ କରିଥିଲେ। ହାଇକୋର୍ଟଙ୍କ ନିର୍ଦ୍ଦେଶକ୍ରମେ ୯ ପରିବାରର ମୋଟ ୧୫ ଡିସିମିଲ ଜମିକୁ ଉଚ୍ଛେଦ କରିବାକୁ ମହାକାଳପଡ଼ା ତହସିଲଦାରଙ୍କୁ ନିର୍ଦ୍ଦେଶ ଦିଆଯାଇଥିଲା। ତହସିଲଦାର ଜବରଦଖଲରେ ଥିବା ପରିବାରମାନଙ୍କୁ ଏକ ମାସ ପୂର୍ବେ ଉଚ୍ଛେଦ କରିବାକୁ ନୋଟିସ ଦେଇଥିଲେ। ଆଇନ ଅନୁଯାୟୀ, ନୋଟିସ ପାଇଥିବା ପରିବାରକୁ ସମସ୍ତ ଆସବାବପତ୍ର ଖାଲି କରିବାକୁ କୁହାଯାଇଥିଲା। ଶନିବାର ତହସିଲଦାର ମାନସ ରଞ୍ଜନ ତ୍ରିପାଠୀ ଉକ୍ତ ସ୍ଥାନରେ ପହଞ୍ଚତ୍ ଡାକବାଜି ଯନ୍ତ୍ର ମାଧ୍ୟମରେ ହାଇକୋର୍ଟଙ୍କ ଆଦ୍ଦେଶନାମା ଘୋଷଣା କରିଥିଲେ। ପରେ କେନ୍ଦ୍ରାପଡ଼ା ଏସ୍‌ଡିପିଓ ଜୟନ୍ତ କୁମାର ମହାପାତ୍ରଙ୍କ ନେତୃତ୍ୱରେ ୨ପ୍ଲାଟୁନ୍‌ ଫୋର୍ସ ସହ ମହାକାଳପଡ଼ା ଥାନା ଅଧିକାରୀ ମହେଶ୍ୱର ସେଠୀ ଓ ଜମ୍ବୁ ସାମୁଦ୍ରିକ ଥାନା ଅଧିକାରୀ ପରେଶ କୁମାର ମହାନ୍ତି ଉଚ୍ଛେଦ ସ୍ଥଳରେ ମୁତୟନ ରହିଥିଲେ। ଜେସିବି ଲଗାଇ ପ୍ରଥମେ ପକ୍କା ଗୃହକୁ ଭଙ୍ଗାଯିବା ପରେ ଚାଳ ଘରକୁ ଉଚ୍ଛେଦ କରାଯାଇଥିଲା।
ସୂଚନାଯୋଗ୍ୟ, ୧୯୮୨ ବାତ୍ୟାରେ ୯ ପରିବାର ନିକଟ ଗୋବରୀ ନଦୀ କୂଳରେ ନିଜସ୍ବ ଜମିରେ ବସବାସ କରୁଥିଲେ। ବାତ୍ୟାରେ ଘରଦ୍ୱାର ସମ୍ପୂର୍ଣ୍ଣ ନଦୀ ଗର୍ଭକୁ ଚାଲିଯିବା ପରେ ଉକ୍ତ ପରିବାର ସବୁ ନିକଟରେ ଥିବା ଗୋଚର ଜମିରେ ଘର କରି ରହି ଆସୁଥିଲେ। ଏହି ପରିବାର ଦୀର୍ଘବର୍ଷ ହେବ ବସବାସ କରି ଆସୁଥିବାବେଳେ ଉକ୍ତ ଗୋଚର ଜମିକୁ ନେଇ ପଡ଼ାରେ ବିବାଦ ଆରମ୍ଭ ହୋଇଥିଲା। ଶନିବାର ହାଇକୋର୍ଟଙ୍କ ନିର୍ଦ୍ଦେଶକ୍ରମେ ଉକ୍ତ ଗୋଚର ଜମିରେ ନିର୍ମାଣ ହୋଇଥିବା ଘର ଦ୍ୱାରକୁ ପ୍ରଶାସନ ପକ୍ଷରୁ ଭାଙ୍ଗି ଦିଆଯାଇଛି। ଅପରପକ୍ଷରେ ବାସ ହରାଇ ଥିବା ପରିବାର ସବୁକୁ ସ୍ଥାନୀୟ ପ୍ରଶାସନ ଥଇଥାନ ଗୁରୁତ୍ୱ ନ ଦେଇ ଗୃହ ଭାଙ୍ଗି ଦେଇଛି। ବାସଚ୍ୟୁତ ପରିବାର ସବୁ ଖୋଲା ଆକାଶ ତଳେ ଶୀତ ରାତିରେ କେଉଁଠି ମୁଣ୍ଡ ଗୁଞ୍ଜିବେ ରାହା ଖୋଜୁଛନ୍ତି। ଉଚ୍ଛେଦରେ ଷଷ୍ଠ ଶ୍ରେଣୀରେ ପଢୁଥିବା ଛାତ୍ରୀ ପ୍ରତୀକ୍ଷା ଦାସ କୁହନ୍ତି, ପ୍ରଶାସନ ଆମ ଘର ଭାଙ୍ଗି ଦେଲା। ଆମେ କାଲିଠାରୁ ଉପବାସରେ ଅଛୁ। ମୋର ପରୀକ୍ଷା ସାହିତ୍ୟ ଥିଲା। ଘର ଭଙ୍ଗା ଯିବାରୁ ପରୀକ୍ଷା ଦେଇ ପାରିଲିନାହିଁ। ବହିପତ୍ର ସବୁ ମାଟି ତଳେ ଚାପି ହୋଇରହିଛି। କେମିତି ମୁଁ ପଢିବି ବୋଲି ସେ କହିଛନ୍ତି। ଭିନ୍ନକ୍ଷମ ସରସ୍ବତୀ ଜେନା (୮୦) କହିଛନ୍ତି, ଶନିବାର ବିଶ୍ୱ ପାଳନ କରୁଛି ଭିନ୍ନକ୍ଷମ ଦିବସ। ଭିନ୍ନକ୍ଷମଙ୍କ ପାଇଁ ଥଇଥାନ ବ୍ୟବସ୍ଥା କରାଯାଉଛି, ସେତେବେଳେ ପ୍ରଶାସନ ଘର ଭାଙ୍ଗି ଦେଇଛି। ଛୋଟିଆ ପଲା ମାରି ମୁଣ୍ଡ ଗୁଞ୍ଜୁ ଥିଲି। ଆଣ୍ଠେଇ ଆଣ୍ଠେଇ ବଡ଼ବାବୁଙ୍କୁ ନେହୁରା ହେଲି, ଗୋଡ ତଳେ ପଡ଼ିଲି, ମୋ ଦୁଃଖ କେହି ବୁଝିଲେ ନାହିଁ। କେମିତି ଚଳିବି ସେହି ଚିନ୍ତା ଏବେ ଘାରିଛି। ତେବେ ବାସ ହରାଇ ଥିବା ପରିବାର ହେଲେ ରମାକାନ୍ତ ତ୍ରିପାଠୀ, ମନ୍ମଥ କୁମାର ତ୍ରିପାଠୀ, ସୁଶାନ୍ତ କୁମାର ତ୍ରିପାଠୀ, ସୋମନାଥ ତ୍ରିପାଠୀ, ସୁଧାଂଶୁ ଭୁଷଣ ନନ୍ଦ, ସରସ୍ବତୀ ଜେନା, ଓମ୍‌ ପ୍ରକାଶ ଦାସ, ପ୍ରଶାନ୍ତ କୁମାର ଦାସ, ସୁମିତ୍ରା ଜେନା।


Enter your email to get our daily news in your inbox.

All Right Reserved By Dharitri.Com

ବିଜେଡି-ଭାଜପା-କଂଗ୍ରେସକୁ ମୟୂରଭଞ୍ଜରେ ଟକ୍କର ଦେବ ଏହି ଦଳ, ଘୋଷଣା କଲା ପ୍ରାର୍ଥୀ

ମୟୂରଭଞ୍ଜ,୨୯।୩: ଝାଡ଼ଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ଶିବୁ ସୋରେନଙ୍କ ଝିଅ ପୁଣିଥରେ ଚଳିତ ନିର୍ବାଚନରେ ମଇଦାନକୁ ଓହ୍ଲାଇଛନ୍ତି। ଝାଡ଼ଖଣ୍ଡ ମୁକ୍ତି ମୋର୍ଚ୍ଚା(JMM) ଶିବୁ ସୋରେନଙ୍କ ଝିଅ ଅଞ୍ଜନି...

ପୈତୃକ ଗାଁରୁ ପ୍ରଚାର ମଇଦାନକୁ ଓହ୍ଲାଇଲେ ପ୍ରଦୀପ

ବରଗଡ଼,୨୯।୩(ପ୍ରେମାନନ୍ଦ ଖମାରୀ): ବରଗଡ଼ ଲୋକସଭା ଆସନ ପାଇଁ ଭାଜପା ପ୍ରଦୀପ ପୁରୋହିତଙ୍କୁ ପ୍ରାର୍ଥୀ କରିଛି। ବରଗଡ଼ ଲୋକସଭା କ୍ଷେତ୍ର ଅଧୀନ ବିଜେପୁର ନିର୍ବାଚନ ମଣ୍ଡଳି ପୈତୃକ...

ନବବିବାହିତ ଯୁବକଙ୍କୁ ଗଳାକାଟି ହତ୍ୟା

ଗଜପତି,୨୯।୩(ଗିରିଧାରୀ ପରିଛା): ଗଜପତି ଜିଲା ଗୋସାଣି ବ୍ଲକ ଗୁରାଣ୍ଡି ଥାନା ଅଧୀନ ତୋଟାଗୁମ୍ବୁଡା ଗାଁରେ ଏକ ଅଘଟଣ ଘଟିଛି। ଜଣେ ନବବିବାହିତ ଯୁବକଙ୍କୁ ଗଳାକାଟି ଅତି...

ଗୁଡ୍‌ ଫ୍ରାଇଡେରେ ପ୍ରାର୍ଥନା କରି ନିର୍ବାଚନ ପ୍ରଚାର ଆରମ୍ଭ କଲେ ଦିଲୀପ ତିର୍କୀ

ସୁନ୍ଦରଗଡ,୨୭ା୩(ଜୟ ନାରାୟଣ ମେଣ୍ଡୁଳି): ଚର୍ଚ୍ଚରେ ପ୍ରାର୍ଥନା କରି ପ୍ରଚାର ଆରମ୍ଭ କରିଛନ୍ତି ବିଜେଡି ଲୋକସଭା ପ୍ରାର୍ଥୀ ଦିଲୀପ ତିର୍କୀ। ପ୍ରାର୍ଥୀ ଘୋଷଣା ହେବା ପରେ ଶୁକ୍ରବାର...

ଭାଜପା ଛାଡ଼ିବା କାରଣ କହିଲେ ପ୍ରକାଶ

ଭୁବନେଶ୍ୱର,୨୯।୩: ଭାଜପା ଛାଡ଼ିବା ପରେ ମୁହଁ ଖୋଲିଛନ୍ତି ସାଲେପୁରର ପୂର୍ବତନ ବିଧାୟକ ପ୍ରକାଶ ବେହେରା। ସେ କହିଛନ୍ତି, ଲୋକଙ୍କ ସେବା କରିବା ସହ ସଙ୍ଗଠନକୁ ମଜଭୁତ...

ଭାଜପା ଛାଡ଼ିଲେ ନୀଳଗିରି ବିଧାୟକ ସୁକାନ୍ତ ନାୟକ, ବିଜେଡିରେ ହୋଇପାରନ୍ତି ସାମିଲ

ନୀଳଗିରି, ୨୯।୩(ପ୍ରଶାନ୍ତ କୁମାର ବିଶ୍ବାଳ): ସବୁ କଳ୍ପନା ଜଳ୍ପନାର ଅନ୍ତ ଘଟାଇ ଭାରତୀୟ ଜନତା ପାର୍ଟି(ଭାଜପା)ରୁ ଇସ୍ତଫା ଦେଇଛନ୍ତି ନୀଳଗିରି ବିଧାୟକ ଛାଡିଲେ ସୁକାନ୍ତ। ଶୁକ୍ରବାର...

ନିର୍ବାଚନ ପୂର୍ବରୁ ବିବାଦୀୟ କୋଟିଆରେ ଡିଜିଟାଲ ମିଟର ବଣ୍ଟନ ଆରମ୍ଭ କଲା ଆନ୍ଧ୍ର

ଭୁବନେଶ୍ୱର,୨୯।୩: ଓଡ଼ିଶାର କୋରାପୁଟ ଜିଲାର ପଟାଙ୍ଗୀ ବ୍ଲକ ଅନ୍ତର୍ଗତ କୋଟିଆ ଅଂଚଳରେ ଆନ୍ଧ୍ରପ୍ରଦେଶ ବିବାଦୀୟ ଅଞ୍ଚଳରେ କ୍ରମାଗତ ଭାବରେ ଅନୁପ୍ରବେଶ କରୁଛି ଏବଂ ସ୍ଥାନୀୟ ବାସିନ୍ଦାଙ୍କୁ...

ବିଜେଡିରେ ସାମିଲ ହେଲେ କଂଗ୍ରେସର ପୂର୍ବତନ ବିଧାୟକ

ଭୁବନେଶ୍ୱର/ବଲାଙ୍ଗୀର,୨୯ା୩: ବିଧାନସଭା ନିର୍ବାଚନ ପୂର୍ବରୁ ବଲାଙ୍ଗୀର ଜିଲା ଟିଟିଲାଗଡ଼ର ପୂର୍ବତନ ବିଧାୟକ ସୁରେନ୍ଦ୍ର ସିଂ ଭୋଇ କଂଗ୍ରେସରୁ ଇସ୍ତଫା ଦେଇ ଗୁରୁବାର ଶଙ୍ଖଭବନରେ ବିଜେଡିରେ ସାମିଲ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri