ବ୍ରିଟେନର ଜଣେ ବ୍ୟକ୍ତି ଗୋଟିଏ ଡାଳରେ ୮୩୯ ଟମାଟର ଫଳାଇ ବିଶ୍ୱ ରେକର୍ଡ ସୃଷ୍ଟି କରିଛନ୍ତି। ଇଂଲଣ୍ଡର ଷ୍ଟେନଷ୍ଟେଡ୍ ଆବଟସ୍ରେ ରହୁଥିବା ୪୩ ବର୍ଷୀୟ ଡଗ୍ଲସ ସ୍ମିଥ୍ କହିଛନ୍ତି, ମାର୍ଚ୍ଚରେ ସେ ମଞ୍ଜି ଲଗାଇଥିଲେ। ଏହି ମାସରେ ସେ ଗୋଟିଏ ଡାଳରୁ ୮୩୯ ଟମାଟର ତୋଳିଛନ୍ତି। ସ୍ମିଥ୍ ଏପରି ଟମାଟର ଉତ୍ପାଦନ କରି ବିଶ୍ୱ ରେକର୍ଡରେ ସ୍ଥାନ ପାଇଛନ୍ତି। ସ୍ମିଥ୍ଙ୍କ ପୂର୍ବରୁ ୨୦୧୦ରେ ଗ୍ରାହମ ଟେଣ୍ଟର ନାମକ ଜଣେ ବ୍ୟକ୍ତି ଗୋଟିଏ ଡାଳରୁ ୪୪୮ ଟମାଟର ଉତ୍ପାଦନ କରିଥିଲେ। ଏହା ପରେ ତାଙ୍କ ନାମ ଗିନିଜ ବୁକ୍ ଅଫ୍ ଓ୍ବାଲର୍ଡରେ ସ୍ଥାନ ପାଇଥିଲା। ଏବେ ସ୍ମିଥ୍ ସେହି ରେକର୍ଡକୁ ଭାଙ୍ଗିଛନ୍ତି।
ସ୍ମିଥ୍ ବୃତ୍ତିରେ ଜଣେ ଆଇଟି ଇଞ୍ଜିନିୟର। ସେ ନିଜ ପାଇଁ ଏହି ଚ୍ୟାଲେଞ୍ଜ ନେଇଥିଲେ। ଏଥିପାଇଁ ସେ ମାଟି ନମୁନା ନେଇ ଏହାକୁ ବିଶ୍ଳେଷଣ କରିଥିଲେ। ସେ ସିଧାସଳଖ ମଞ୍ଜିରୁ ଏକ ଟମାଟୋ ଚାରା ସୃଷ୍ଟି କରିଥିଲେ। ଏହି କାର୍ଯ୍ୟରେ ବହୁତ ସମୟ ଅତିବାହିତ କରିଥିଲେ। ସେ କେବଳ ଏତିକି ଚାହୁଁଥିଲେ ଯେମିତି ଗୋଟିଏ ଡାଳରୁ ଏକାଥରକେ ବହୁତ ଟମାଟୋ ଫଳିପାରିବ। ତୋଳିବା ସମୟରେ ସେ ପୋଲିସକୁ ଡାକିଥିଲେ। ଯାହାକି ଗିନିଜ୍ ଓ୍ବାଲର୍ଡ ରେକର୍ଡ ପାଇଁ ଯାଞ୍ଚ ହୋଇପାରିବ। ସେ ତାଙ୍କ ଫାର୍ମରେ ଥିବା ଟମାଟୋ ଗଛର ଏକ ଡାଳରୁ ମୋଟ୍ ୮୩୯ ଟମାଟୋ ତୋଳିଥିଲେ। ସେଠାରେ ଉପସ୍ଥିତ ଲୋକମାନେ ମଧ୍ୟ ଆଶ୍ଚର୍ଯ୍ୟ ହୋଇଯାଇଥିଲେ।
ଏନେଇ ବହୁତ ଖୁସି ବ୍ୟକ୍ତି କରିଛନ୍ତି ସ୍ମିଥ୍। ସେ କହିଛନ୍ତି, ଟମାଟୋ ଲଗାଇବା ଏବଂ ତୋଳିବା ସମୟରେ ସେ ଗିନିଜ୍ର ସମସ୍ତ ନିୟମ ପାଳନ କରିବା ପାଇଁ ସାବଧାନ ଥିଲେ। ଯେମିତି କି ନିଜ ନାମ ବିଶ୍ୱସ୍ତରରେ ପ୍ରସିଦ୍ଧି ଲାଭ କରୁ। ଲୋକେ ଏବେ ସ୍ମିଥ୍ଙ୍କୁ ଖୁବ୍ ପ୍ରଶଂସା କରୁଛନ୍ତି। ବିଶ୍ୱ ରେକର୍ଡ କରିଥିବାରୁ ତାଙ୍କ ନିକଟରୁ ଶୁଭେଚ୍ଛାର ସୁଅ ଛୁଟୁଛି।
