ରାଫାହ,୨୪।୧୨: ଗାଜା ଷ୍ଟ୍ରିପ୍ ଉପରେ ଇସ୍ରାଏଲ୍ର ଆକ୍ରମଣ ଶନିବାର ଦ୍ୱାଦଶ ସପ୍ତାହରେ ପହଞ୍ଚିଛି। ଇସ୍ରାଏଲ୍ ଯୁଦ୍ଧବିମାନରୁ ଶୁକ୍ରବାର ବୋମାମାଡ଼ ଫଳରେ ଗାଜାଷ୍ଟ୍ରିପ୍ର ଗୋଟିଏ ପରିବାରର ୭୬ ଜଣ ସଦସ୍ୟଙ୍କ ମୃତ୍ୟୁ ଘଟିଛି। ଗାଜାର କୌଣସି ସ୍ଥାନ ଏବେ ନିରାପଦ ନୁହେଁ ବୋଲି ଜାତିସଂଘ ମହାସଚିବ କହିବାର ଦିନକ ପରେ ଏଭଳି ଆକ୍ରମଣ ହୋଇଛି। ଯୁଦ୍ଧ ଯୋଗୁ ମାନବୀୟ ସହାୟତା ଆବଣ୍ଟନରେ ପ୍ରତିବନ୍ଧକ ସୃଷ୍ଟି ହୋଇଛି। ଶୁକ୍ରବାର ଗାଜାର ଏକ ବିଲ୍ଡିଂ ଉପରେ ଏୟାରଷ୍ଟ୍ରାଇକ୍ ସବୁଠୁ ଭୟାବହ ଥିଲା। ବୋମାମାଡ଼ରେ ଅଲ୍ ମୁଘରାବି ପରିବାରର ୧୬ ଜଣ ମୁଖ୍ୟଙ୍କ ସମେତ ଅନେକ ମହିଳା ଓ ପିଲାଙ୍କ ମୃତ୍ୟୁ ଘଟିଛି। ମୃତକଙ୍କ ମଧ୍ୟରେ ଜାତିସଂଘ ଉନ୍ନୟନ କାର୍ଯ୍ୟକ୍ରମର ଜଣେ ବରିଷ୍ଠ କର୍ମଚାରୀ ଇସାମ ଅଲ୍-ମୁଘରାବି, ତାଙ୍କ ସ୍ତ୍ରୀ ଓ ୫ ପିଲାଙ୍କ ଜୀବନ ଯାଇଛି। ଇସ୍ରାଏଲ୍ ଉପରେ ଅକ୍ଟୋବର ୭ରେ ହମାସ୍ ଆକ୍ରମଣ ଯୋଗୁ ୧,୨୦୦ ଜଣଙ୍କ ମୃତ୍ୟୁ ଘଟିବା ସହ ଆତଙ୍କବାଦୀମାନେ ୨୪୦ ଜଣଙ୍କୁ ପଣବନ୍ଦୀ କରି ନେଇଯାଇଥିଲେ। ୭୭ ଦିନର ଯୁଦ୍ଧରେ ଗାଜାର ୨୦ ହଜାରରୁ ଅଧିକ ଲୋକଙ୍କ ମୃତ୍ୟୁ ହେଲାଣି।
