ମହାମାରୀ କରୋନା ଯୋଗୁ ଲୋକମାନେ ଅଧିକରୁ ଅଧିକ ସମୟ ଘରେ ଅତିବାହିତ କରୁଛନ୍ତି। ଏପରି ପରିସ୍ଥିତିରେ ସମୟ ବିତାଇବା ପାଇଁ ଇଣ୍ଟରନେଟ୍ ବରଦାନ ପାଲଟିଛି। ତେବେ, ସୋସିଆଲ ମିଡିଆର କିଛି ଭୁଲ ଅଭ୍ୟାସ ହେତୁ, ସମ୍ପର୍କ ମଧ୍ୟରେ ମତଭେଦ ଉପୁଜିପାରେ। ଆପଣଙ୍କ ସାଥୀଙ୍କର ଏହି ୫ ଟି ସୋସିଆଲ ମିଡିଆ ଅଭ୍ୟାସ ଥିବା ଯଦି ଆପଣ ଅନୁଭବ କରୁଛନ୍ତି, ତେବେ ଆପଣଙ୍କୁ ସତର୍କ ରହିବାକୁ ପଡିବ। ଯେପରିକି
ସୋସିଆଲ ମିଡିଆରେ ଅଧିକ ସମୟ ବିତାଇବା:
ଆଜିକାଲି ମଣିଷ ଡିଜିଟାଲ ସମାଜର ଏକ ଅଂଶ ହୋଇଥିବା ହେତୁ ସୋସିଆଲ ମିଡିଆରେ ସମୟ ବିତାଇବା ସମ୍ପୂର୍ଣ୍ଣ ସ୍ବାଭାବିକ। ହେଲେ ଅଧିକାଂଶ ଲୋକ ନିଜ ଫଲୋଅର୍ସ(ଅନୁଗାମୀ) ଏବଂ ଅନଲାଇନ୍ ସାଙ୍ଗମାନଙ୍କୁ ନିଜ ବିଷୟରେ ଅପଡେଟ ଦେବାକୁ ଚାହାଁନ୍ତି। ଏଣୁ ଯଦି ଆପରଙ୍କର ସାଥୀ ସୋସିଆଲ ମିଡିଆରେ ଆବଶ୍ୟକତାଠାରୁ ଅଧିକ ସକ୍ରିୟ, ତେବେ ତୁମେ ସତର୍କ ହେବା ଆବଶ୍ୟକତା ରହିଛି। ଯଦି ଆପଣ ଟିକେ ଅଜବ ଅନୁଭବ କରୁଛନ୍ତି ତେବେ ଏହି ବିଷୟରେ ଆପଣଙ୍କ ସାଥୀ ସହିତ କଥା ହୁଅନ୍ତୁ।
ଉଭୟଙ୍କ ସମ୍ପର୍କ ବିଷୟରେ ଅନେକ ପୋଷ୍ଟ ସେୟାର କରିବା:
ବେଳେବେଳେ ପ୍ରେମ ଦେଖାଇବା ପାଇଁ ସୋସିଆଲ ମିଡିଆରେ ସାଥୀଙ୍କ ବିଷୟରେ ପୋଷ୍ଟ ଶେୟାର କରିବା ସାଧାରଣ କଥା। କିନ୍ତୁ ସୋସିଆଲ ମିଡିଆରେ ଆବଶ୍ୟକତାଠାରୁ ଅଧିକ ଉଭୟଙ୍କ ବିଷୟରେ ଶେୟାର କରିବା ଭୁଲ। ଯଦି ଆପଣଙ୍କର ସାଥୀ ପ୍ରକୃତରେ ତୁମର ଯତ୍ନ ନିଏ, ତେବେ ସେ ନିଶ୍ଚିତ ଭାବରେ ଆପଣଙ୍କ ବ୍ୟକ୍ତିଗତ ଜୀବନର ଯତ୍ନ ନେବ।
ସର୍ଚ୍ଚ ବିଭାଗରେ ଅନ୍ୟ ଲୋକଙ୍କ ସଂଖ୍ୟା ଅଧିକ ରହିବା:
ଯଦି ଆପଣ ସାଥୀଙ୍କ ଉପରେ କୌଣସି ପ୍ରକାରର ସନ୍ଦେହ ରଖୁଛନ୍ତି ଏବଂ ଆପଣ ତାଙ୍କ ଅନ୍ଲାଇନ୍ କାର୍ଯ୍ୟକଳାପ ବିଷୟରେ ଜାଣିବାକୁ ଚାହୁଁଛନ୍ତି, ତେବେ ସର୍ଚ୍ଚ ଇଞ୍ଜିନ ଏବଂ ବଟନ୍ଗୁଡ଼ିକ ତୁମକୁ ବହୁତ ସାହାଯ୍ୟ କରିପାରିବ। ଯଦି ତୁମର ସାଥୀ ତୁମକୁ ପ୍ରତାରଣା କରୁଛନ୍ତି, ତା’ହେଲେ ତାଙ୍କର ସର୍ଚ୍ଚ ଅପ୍ଶନ୍ ଅନ୍ୟ ଲୋକଙ୍କ ସଂଖ୍ୟା ଅଧିକ ରହିଥିବ। ସେମାନଙ୍କ ମଧ୍ୟରେ ଏପରି କିଛି ଲୋକ ମଧ୍ୟ ଥାଇପାରନ୍ତି ଯାହାକୁ ଆପଣଙ୍କ ସାଥୀ ପସନ୍ଦ କରନ୍ତି।
ଲୁଚିଛପି ନିଜ ପୁରୁଣା ପ୍ରେମିକ/ପ୍ରେମିକାଙ୍କ ବିଷୟରେ ଖୋଜିବା:
ଯଦି ଆପଣଙ୍କର ସାଥୀଙ୍କର ପୂର୍ବ ସମ୍ପର୍କଙ୍କ ବିଷୟରେ ଜାଣିବାର ଅଭ୍ୟାସ ରହିଛି ତେବେ ସେ ଅନଲାଇନରେ ତାଙ୍କୁ ଖୋଜିପାରନ୍ତି। ଏହାର ଅର୍ଥ ସେ ସେ ଅତୀତରୁ ସମ୍ପୂର୍ଣ୍ଣରୂପେ ବାହାରି ପାରି ନାହାଁନ୍ତି। ନଚେତ ସେ ଆଉ ଆପଣଙ୍କ ପ୍ରତି ପସନ୍ଦ କରୁନାହାନ୍ତି। ଏହି ପରିସ୍ଥିତିଦ୍ୱୟ ଆପଣଙ୍କ ପାଇଁ ଖରାପ ।
ନିଜର ପୂର୍ବ ପ୍ରେମିକା/ପ୍ରେମିକଙ୍କୁ କଷ୍ଟ ଦେବା ଲାଗି ଫଟୋ ପୋଷ୍ଟ କରିବା:
ଯଦି ଏପରି ଲାଗେ ଯେ, ଆପଣଙ୍କ ସାଥୀ ନିଜର ପୁରୁଣା ପ୍ରେମିକ/ପ୍ରେମିକାଙ୍କୁ ଖରାପ ଲାଗିବା ଲାଗି ସୋସିଆଲ ମିଡିଆରେ ପୋଷ୍ଟ କରୁଛନ୍ତି। ତେବେ ଆପଣ ତାଙ୍କ ସହ କଥା ହୁଅନ୍ତୁ। କଥା ବିଗିଡ଼ିବା ପୂର୍ବରୁ ସାଥୀଙ୍କୁ ଏଭଳି କରିବାରୁ ନିବୃତ ରହିବାକୁ କୁହନ୍ତୁ।
