ମାଲକାନଗିରି,୭ା୬(ଦୁର୍ଯ୍ୟୋଧନ ପାତ୍ର)-ଛତିଶଗଡ଼ ନାରାୟଣପୁର ଓ ଦାନ୍ତେୱାଡା ସୀମାବର୍ତ୍ତୀ ଅଞ୍ଚଳରେ ପୋଲିସ ସହ ଗୁଳି ବିନିମୟ ଘଟି ୫ ମାଓବାଦୀଙ୍କ ମୃତ୍ୟୁ ହୋଇଛି। ସୂଚନା ଅନୁଯାୟୀ, ନାରାୟଣପୁର ଓ ଦାନ୍ତେୱାଡା ସୀମାବର୍ତ୍ତୀ ଅଞ୍ଚଳରେ ଥିବା ଗୋଭେଲ ଜଙ୍ଗଲରେ ପୋଲିସର ତଲାସି ଅଭିଯାନ ବେଳେ ଜଙ୍ଗଲରେ ଲୁଚି ରହିଥିବା ମାଓବାଦୀଙ୍କ ସହ ଗୁଳି ବିନିମୟ ହୋଇଥିଲା।
ଦୀର୍ଘ ସମୟ ଧରି ଗୁଳି ବିନିମୟ ହେବା ପରେ ପୋଲିସକୁ ସାମ୍ନାକରି ନ ପାରି ମାଓବାଦୀମାନେ ପଳାଇ ଯାଇଥିଲେ। ଏହାପରେ ପୋଲିସ ପକ୍ଷରୁ ସେଠାରେ ପୁନଃ ତଲାସି ଅଭିଯାନ ବେଳେ ୫ ମାଓବାଦୀଙ୍କ ମୃତଦେହ ଜବତ କରିଥିବା ସୂଚନା ମିଳିଛି । ଦାନ୍ତେୱାଡା ଏସ୍ପି ଗୌରଭ ରାୟ ଏବଂ ନାରାୟଣପୁର ଏସ୍ପି ପ୍ରଭାତ କୁମାର ଏହି ଘଟଣାର ସୂଚନା ଦେବା ସହ ପୋଲିସ ପାର୍ଟି ଜଙ୍ଗଲରେ ତଲାସିରୁ ଫେରିବା ପରେ ସମ୍ପୂର୍ଣ୍ଣ ତଥ୍ୟ ଜଣାପଡିବ ବୋଲି କହିଛନ୍ତି ।
