ଭାରତୀୟ ଦ୍ରୁତ ବୋଲର୍ ଯଶପ୍ରୀତ ବୁମ୍ରା ନିକଟରେ ସ୍ପୋର୍ଟସ ଆଙ୍କର ସଞ୍ଜନା ଗଣେଶନଙ୍କୁ ବିବାହ କରିଛନ୍ତି। ଗୋଆରେ ଦୁହେଁ ବିବାହ ବନ୍ଧନରେ ଆବଦ୍ଧ ହୋଇଛନ୍ତି। ତେବେ କେବଳ ବୁମ୍ରା ନୁହେଁ ପୂର୍ବରୁ ମଧ୍ୟ ଅନେକ କ୍ରିକେଟ୍ ସ୍ପୋର୍ଟସ ଆଙ୍କରଙ୍କ ପ୍ରେମରେ ପଡିଛନ୍ତି।
ମୟନ୍ତି ଲାଙ୍ଗର ଏବଂ ଷ୍ଟୁଆର୍ଟ ବିନି
ଜଣାଶୁଣା କ୍ରୀଡ଼ା ଆଙ୍କର୍ ମୟନ୍ତି ଲାଙ୍ଗର ୨୦୧୨ରେ ଟିମ ଇଣ୍ଡିଆ ଅଲରାଉଣ୍ଡର ଷ୍ଟୁଆର୍ଟ ବିନିଙ୍କୁ ବିବାହ କରିଥିଲେ। ଜଣେ କ୍ରୀଡ଼ା ଆଙ୍କର୍ ଭାବରେ ମୟନ୍ତିଙ୍କର ଏକ ସ୍ବତନ୍ତ୍ର ପରିଚୟ ଅଛି। କ୍ରିକେଟ ବ୍ୟତୀତ ସେ ୨୦୧୦ରେ ଇଏସ୍ପିନ୍ ପାଇଁ ଫିଫା ବିଶ୍ୱକପରେ ମଧ୍ୟ ଆଙ୍କରିଂକରିଥିଲେ। ତାଙ୍କୁ ୨୦୧୦ ଦିଲ୍ଲୀ କମନୱେଲଥ ଗେମ୍ସରେ ମଧ୍ୟ ଆଙ୍କରିଂ କରୁଥିବା ଦେଖିବାକୁ ମିଳିଥିଲା। ଏଥି ସହିତ ବିନ୍ନିଙ୍କ କ୍ୟାରିୟର ମଧ୍ୟ ସେତେଟା ଲମ୍ବା ହୋଇନାହିଁ। ବିନି ଭାରତ ପାଇଁ ୬ଟି ଟେଷ୍ଟ, ୧୪ଟି ଏକଦିବସୀୟ ଏବଂ ୩ଟି -୨୦ ଅନ୍ତର୍ଜାତୀୟ ମ୍ୟାଚ୍ ଖେଳିଛନ୍ତି।
ଶେନ୍ ୱାଟସନ ଏବଂ ଲି ଫରଲଙ୍ଗ
୨୦୧୦ରେ ଅଷ୍ଟ୍ରେଲିଆର ପୂର୍ବତନ ଅଲରାଉଣ୍ଡର ଶେନ୍ ୱାଟସନ ଏବଂ କ୍ରୀଡା ଉପସ୍ଥାପିକା ଲି ଫରଲଙ୍ଗ ବିବାହ କରିଥିଲେ। ୱାଟସନ ଆଇପିଏଲ ୨୦୨୦ଠାରୁ ପ୍ରଫେସନାଲ କ୍ରିକେଟ ଲିଗରୁ ଅବସର ଘୋଷଣା କରିଛନ୍ତି।
ମାର୍ଟିନ ଗୁପ୍ଟିଲ ଏବଂ ଲୋରା ମ୍ୟାକଗୋଲଡ୍ରିକ
ନ୍ୟୁଜିଲାଣ୍ଡ ଖେଳାଳି ମାର୍ଟିନ ଗୁପ୍ଟିଲ ମଧ୍ୟ ୨୦୧୪ରେ ସ୍ପୋର୍ଟସ ଆଙ୍କର୍ ଲୋରା ମ୍ୟାକଗୋଲଡ୍ରିକଙ୍କୁ ବିବାହ କରିଥିଲେ। ଲୋରା ମ୍ୟାକଗୋଲଡ୍ରିକ କେବଳ ଆଙ୍କର୍ ନୁହଁନ୍ତି ବରଂ ଜଣେ ଅଭିନେତ୍ରୀ ମଧ୍ୟ।
ବେନ କଟିଂ ଏବଂ ଏରିନ ହଲାଣ୍ଡ
ଅଷ୍ଟ୍ରେଲିଆ ଅଲରାଉଣ୍ଡର ବେନ କଟିଙ୍ଗ ଏବଂ ସ୍ପୋର୍ଟସ ଆଙ୍କର୍ ଏରିନ ହଲାଣ୍ଡ ୨୦୧୯ରେ ବିବାହ କରିଥିଲେ। ପାକିସ୍ତାନ ସୁପର ଲିଗରେ ଏରିନ ମଧ୍ୟ ଆଙ୍କରିଂ କରିଥିବା ଦେଖିବାକୁ ମିଳିଥିଲା। ୨୦୧୩ରେ ଏରିନ ମିସ ଅଷ୍ଟ୍ରେଲିଆ ଥିଲେ।
