ରାଉରକେଲା ଅଫିସ,୨୯।୧୨: ନକଲି ମଦ ଚାଲାଣ ବେଳେ ରାଉରକେଲା ଅବକାରୀ ପୋଲିସ ୪ଜଣଙ୍କୁ ଗୁରୁବାର ଗିରଫ କରିଛି। ଗିରଫ ଅଭିଯୁକ୍ତମାନେ ହେଲେ ବେଦବ୍ୟାସ ଅଞ୍ଚଳର ସଞ୍ଜୀପ ସାଓ, ଚତୁର ମଦକ, ଏମ୍ଡି ଆଦିଲ ଏବଂ ଏମ୍ଡି ତୋହିଡ। ସେମାନଙ୍କ ନିକଟରୁ ୪୫୦ ଲିଟର ନକଲି ମଦ ଜବତ କରାଯାଇଛି। ଏନେଇ ଅବକାରୀ ଥାନା ପୋଲିସ ଏକ ମାମଲା(ନଂ.୩୫୭/୨୨, ୩୫୮/୨୨, ୩୫୯/୨୨) ରୁଜୁ କରି ସମସ୍ତ ଅଭିଯୁକ୍ତଙ୍କୁ କୋର୍ଟ ଚାଲାଣ କରିଛି। ସୂଚନା ଅନୁସାରେ, ସଞ୍ଜୀପ ଓ ଚତୁର ବେଦବ୍ୟାସ ସ୍ଥିତ ଦାଣ୍ଡିଆପାଲି ଅଞ୍ଚଳରୁ ଏକ ବାଇକ୍ ଯୋଗେ ନକଲି ଦେଶୀମଦ ନେଇ ଯାଉଥିଲେ। ଏହି ସମୟରେ ପୋଲିସ ପାଟ୍ରୋଲିଂ ଗାଡି ତାଙ୍କୁ ଅଟକାଇଥିଲା। ଯାଞ୍ଚବେଳେ ସେମାନଙ୍କଠାରୁ ୭୫ ଲିଟର ନକଲି ମଦ ଜବତ ହୋଇଥିଲା। ସେହିପରି ବନ୍ଧମୁଣ୍ଡା କୁକୁଡା ଗେଟ ରେଲୱେ ଫାଟକ ନିକଟରେ ଆଦିଲ ଓ ତୋହିଡ ଏକ ଅଟୋ ଯୋଗେ ମଦ ନେଇ ବିଶ୍ରା ଯାଉଥିବା ବେଳେ ପୋଲିସ ଚଢାଉ କରିଥିଲା।
