ଏମାର ମଠରୁ ମିଳିଲା ୪୫ ରୁପା ଇଟା, ୪ଫୁଟ ତଳେ ପୋତା ହୋଇ ରହିଥିଲା

ପୁରୀ ଅଫିସ,୧୧।୪: ରୁପା ଇଟାକୁ ନେଇ ଚର୍ଚ୍ଚାରେ ଥିବା ପୁରୀ ଏମାର ମଠରୁ ଦେବୋତ୍ତର ବିଭାଗର ତାଲିକାଭୁକ୍ତ ୪୫ଖଣ୍ଡ ରୁପା ଇଟାକୁ ଶନିବାର ଜିଲା କୋଷାଗାରକୁ ପଠାଯାଇଛି। ଏହି ରୁପା ଇଟା ଏମାର ମଠର ଏକ କୋଠରିରେ ପ୍ରାୟ ୪ଫୁଟ ତଳେ ପୋତା ହୋଇ ରହିଥିଲା। ନୂଆ ଟ୍ରଷ୍ଟ ବୋର୍ଡ ଓ ପୋଲିସ ଉପସ୍ଥିତିରେ ଦେବୋତ୍ତର ନିରୀକ୍ଷକ ଅଖା ଭିତରେ ଥିବା ରୁପା ଇଟାକୁ ଜବତ କରିଛନ୍ତି। ୨୦୧୦ରେ ଦେବୋତ୍ତର ବିଭାଗ ୫୨୨ ଖଣ୍ଡ ଇଟା ଜିଲା କୋଷାଗାର ନେଇଥିବାବେଳେ ବାକି ୪୫ ରୁପା ଇଟାର ହିସାବ କରି ମହନ୍ତ ରାଜଗୋପାଳ ରାମାନୁଜ ଦାସଙ୍କୁ ଦାୟିତ୍ୱ ହସ୍ତାନ୍ତର କରିଥିଲେ। ଏମାର ମଠ ଅତ୍ୟନ୍ତ ଅସୁରକ୍ଷିତ ଅବସ୍ଥାରେ ଥିବାରୁ ମଠ ମହନ୍ତ ଏହାକୁ ଚଟାଣ ତଳେ ପୋତି କରି ରଖିଥିଲେ। ପ୍ରତ୍ୟେକ ଇଟାର ଓଜନ ୩୦ କିଲୋରୁ ଅଧିକ ଥିବା ସୂଚନା ମିଳିଛି। ଏହାର ମାପ ଓ ଓଜନ ସରିଥିଲେ ମଧ୍ୟ ସମୁଦାୟ ଇଟାର ଓଜନ କେତେ ସେନେଇ ଜିଲା ପ୍ରଶାସନ ପକ୍ଷରୁ ସୂଚନା ଦିଆଯାଇନାହିଁ। ଶନିବାର ସୁଦ୍ଧା ମଠରୁ ରୁପା ଇଟା ବ୍ୟତୀତ ରୁପା ଗଛ, ଫୁଲଦାନି, ବ୍ରୋଞ୍ଚର ଗାଈବାଛୁରୀ,୧୬ଟି ପୁରାତନ ଖଣ୍ଡା ଏବଂ ଅନେକ ଆସବାବପତ୍ର ମିଳିଛି।

ଜିଲାପାଳ ସମର୍ଥ ବର୍ମା କହିଛନ୍ତି, ଏମାର ମଠ ତରଫରୁ ରୁପା ଇଟା କୋଷାଗାରରେ ରଖିବା ପାଇଁ କୁହାଯିବାପରେ ଜିଲା ପ୍ରଶାସନ ଗାଡ଼ି ପଠାଇ ଏହି ଇଟାକୁ ନେଇଛି। ତେବେ ଏହା କେତେ ଓଜନର ତାହା ଜିଲା ପ୍ରଶାସନ ପରବର୍ତ୍ତୀ ସମୟରେ ଜଣାଇବ। ଅନ୍ୟପକ୍ଷରେ ମଠରୁ ମିଳିଥିବା କିଛି ଅଳଙ୍କାର, ଆସବାବପତ୍ର ଓ ସୁନା, ରୁପା ଓ ପିତ୍ତଳର ପଦାର୍ଥକୁ ହିସାବ କରାଯାଇ ମଠରେ ହିଁ ରଖାଯାଇଛି। ଅପରପକ୍ଷରେ ମଠ ମହନ୍ତ ଗୋପାଳ ରାମାନୁଜ ଦାସ କହିଛନ୍ତି, ତାଙ୍କ ବିନା ଦସ୍ତଖତରେ ରୁପା ଇଟାକୁ ଦେବା ପାଇଁ ଜିଲା ପ୍ରଶାସନ ବାଧ୍ୟ କରିଥିଲା। ଏପରି କି ଏହି ରୁପା ଇଟା ଜିଲା କୋଷାଗାରକୁ ନେବାକୁ ତାଙ୍କର ବିରୋଧ ଥିବା ଦର୍ଶାଇବାକୁ ସେ ଚେଷ୍ଟା କରିଥିଲେ। ହେଲେ ପ୍ରଶାସନ ପକ୍ଷରୁ କେବଳ ସାଧାରଣ ଦସ୍ତଖତ କରିବାକୁ କହିଥିଲେ। ମଠର ଦାୟିତ୍ୱ କିଏ ସମ୍ପାଦନ କରିବ ସେନେଇ ପ୍ରଶାସନ ପକ୍ଷରୁ ସ୍ପଷ୍ଟ କରାଯାଇ ନାହିଁ। ହାଇକୋର୍ଟର ରହିତାଦେଶ ସମ୍ବଳିତ ନୋଟିସ ମାଜିଷ୍ଟ୍ରେଟଙ୍କୁ ଦେଖାଇଥିଲି। ଏପରି କି ଚାଲିଥିବା ସମ୍ପୃକ୍ତ ପ୍ରକ୍ରିୟାକୁ ନେଇ ସ୍ପଷ୍ଟତା ରଖିବାକୁ କହିଥିଲି। ସେ ମଧ୍ୟ ମୋ କଥାକୁ ଧ୍ୟାନ ଦେଇ ନ ଥିଲେ ବୋଲି ମହନ୍ତ ରାମାନୁଜ କହିଛନ୍ତି। ଅପରପକ୍ଷରେ ଟ୍ରଷ୍ଟ ବୋର୍ଡ ସଦସ୍ୟ ନରେଶ ଚନ୍ଦ୍ର ଦାଶ କହିଛନ୍ତି, ପୂର୍ବରୁ ଯେଉଁ ୪୫ ଖଣ୍ଡ ଇଟା ତାଲିକାରେ ଥିଲା ତାହା ମିଳିଛି। ତେବେ ଟ୍ରଷ୍ଟର ଭବିଷ୍ୟତ କ’ଣ ରହିବ ଓ କିଭଳି ଭାବେ ମଠ ପରିଚାଳିତ ହେବ ସେନେଇ ପ୍ରଶାସନ ନିଷ୍ପତ୍ତି ନେବ ବୋଲି କହିଛନ୍ତି। ସେହିଭଳି ରାଧାବଲ୍ଲଭ ମଠ ମହନ୍ତ ରାମକୃଷ୍ଣ ଦାସ ମହାରାଜ ସମ୍ପୂର୍ଣ୍ଣ ପ୍ରସଙ୍ଗରେ ଏକ ନ୍ୟାର୍ଯ୍ୟ ଓ ସମୟ ଉପଯୋଗୀ ଦାବି କରିଛନ୍ତି। ଏବେ ଦେବୋତ୍ତର ବିଭାଗର ଜାଣତରେ ଥିବା ରୁପା ଇଟାକୁ ମଠରୁ ବାହାର କରାଯାଇଛି। ମଠ ମଧ୍ୟରେ ଆହୁରି କିଛି ମୂଲ୍ୟବାନ ସାମଗ୍ରୀ ଥିବାର ମଧ୍ୟ ସମ୍ଭାବନା ରହିଛି। ଏଣୁ ମେଟାଲ୍‌ ଡିଟେକ୍ଟର ସହାୟତାରେ ଏମାର ମଠକୁ ସ୍କାନ କରାଯିବାର ଆବଶ୍ୟକତା ରହିଥିବା ଶ୍ରୀମହାରାଜ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ହାଇକୋର୍ଟ ବାର୍‌ ଆସୋସିଏଶନ ନିଷ୍ପତ୍ତିକୁ ବିରୋଧ

ବଲାଙ୍ଗୀର ଅଫିସ,୨୩।୫: ପଶ୍ଚିମ ଏବଂ ଦକ୍ଷିଣ ଓଡ଼ିଶାରେ ହାଇକୋର୍ଟର ଏକ ସ୍ଥାୟୀ ବେଞ୍ଚ ପ୍ରତିଷ୍ଠାକୁ ନେଇ ହାଇକୋର୍ଟ ବାର୍‌ ଆସୋସିଏଶନ ପକ୍ଷରୁ ନିଆଯାଇଥିବା ନିଷ୍ପତ୍ତିକୁ ସୋମବାର...

ଇଭିଏମ୍‌ ଭଙ୍ଗାରୁଜା ଘଟଣା: ନୀଳମଣିଙ୍କ ଜାମିନ ଶୁଣାଣି ୨କୁ ଘୁଞ୍ଚିଲା

ଭଞ୍ଜନଗର/ସୋରଡା,୨୬।୪ (ଡି.ଏନ.ଏ.)- ସୋରଡା ବିଧାନସଭା ନିର୍ବାଚନମଣ୍ଡଳୀର ଭାଜପା ବିଧାୟକ ପ୍ରାର୍ଥୀ ନୀଳମଣି ବିଷୋୟୀ ଇଭିଏମ୍‌ ମେଶିନ ଭାଙ୍ଗିବା ଅଭିଯୋଗରେ ଗତ ୧୮ ତାରିଖରୁ ସୋରଡା ଜେଲରେ...

୬ ମାସ ବିତିଲା, ଚିହ୍ନଟ ହୋଇପାରିଲାନି ଜମି

ଯାଜପୁର ଅଫିସ,୧୯।୩: ଯାଜପୁର ଜିଲା ରସୁଲପୁର ବ୍ଲକର ଗୋପାଳପୁର ଗ୍ରାମ ହସ୍ତତନ୍ତ ଶିଳ୍ପ ପାଇଁ ବେଶ ପ୍ରସିଦ୍ଧି ଲାଭ କରିଛି। ତେଣୁ ଗୋପାଳପୁର ଗ୍ରାମକୁ ହସ୍ତତନ୍ତ...

କଂସ ବଧ ସହ ସରିଲା ବରଗଡ଼ ଧନୁଯାତ୍ରା

ମଥୁରାନଗରୀ,୧୧ା୧: ବରଗଡ଼ ଧନୁଯାତ୍ରା ମହୋତ୍ସବ ଶୁକ୍ରବାର ଉଦ୍‌ଯାପିତ ହୋଇଛି। ଉଦଯାପନୀ ଦିବସରେ କଂସବଧ ଦୃଶ୍ୟାଭିନୟ ମୁଖ୍ୟ ଆକର୍ଷଣ ଥିଲା। ଅନୁକୁଳ ପାଗ ଓ କଳାକାରଙ୍କ ନିଖୁଣ...

ନକଲି ସିମେଣ୍ଟ କାରଖାନା ଉପରେ ଚଢ଼ାଉ, ୭ ଜଣଙ୍କୁ ବାନ୍ଧିଲା ପୋଲିସ

କଳିଙ୍ଗନଗର,୨୫ା୬(ଡି.ଏନ୍‌.ଏ.): ଯାଜପୁର ଜିଲା କଳିଙ୍ଗନଗର ଥାନା ଅନ୍ତର୍ଗତ ଗୋଲଗାଁ ନିକଟରେ ଏକ ନକଲି ସିମେଣ୍ଟ କାରଖାନାରେ ପୋଲିସ ଚଢ଼ାଉ କରିଛି। ଅପରପକ୍ଷରେ ଘଟଣାସ୍ଥଳରୁ ଟ୍ରକରେ ଲୋଡ଼ିଂ...

ଅପମୃତ୍ୟୁ ମାମଲା କରି ବସିପଡ଼ିଛି ପୋଲିସ

କଟକ,୧୪।୨: କଟକ-ଭୁବନେଶ୍ୱର ମଝି ବମ୍ଫକୁଦଠାରେ ଘରୋଇ ଠିକା ସଂସ୍ଥା ଦ୍ୱାରା ନିର୍ମାଣାଧୀନ ୮ତାଲା ବିଶିଷ୍ଟ ଅଟାଳିକାରୁ ପଡ଼ି ଶନିବାର ଜଣେ ଶ୍ରମିକ ମୃତ୍ୟୁବରଣ କରିଛନ୍ତି। ମୃତ...

ଟ୍ରାକ୍ଟର ତଳେ ଚାପି ହୋଇ ଚାଲିଗଲା ୨ ମହିଳାଙ୍କ ଜୀବନ, ୩ ଗୁରୁତର

ରାଇରଙ୍ଗପୁର,୨୬।୭: ମୟୂରଭଞ୍ଜ ଜିଲା ବାଦାମପାହାଡ଼ ଥାନା ଅଧୀନ ପୁରୁଣିଆ ଗ୍ରାମରେ ମଙ୍ଗଳବାର ଏକ ଟ୍ରାକ୍ଟର ଓଲଟି ୨ଜଣଙ୍କ ମୃତ୍ୟୁ ଘଟିଥିବା ବେଳେ ୩ ଜଣ ଗୁରୁତର...

ସମଲେଇ ମନ୍ଦିରରେ ଗମ୍ଭୀରା ଦର୍ଶନ ବନ୍ଦ

ସମ୍ବଲପୁର,୧୭।୩ (ବ୍ୟୁରୋ) ସମ୍ବଲପୁର ସମଲେଇ ମନ୍ଦିରର ଗମ୍ଭୀରା ଦର୍ଶନ ମାର୍ଚ୍ଚ ୩୧ ତାରିଖ ଯାଏ ବନ୍ଦ କରି ଦିଆଯାଇଛି। ତେବେ ଶ୍ରଦ୍ଧାଳୁମାନେ ଗମ୍ଭୀରା ବାହାରେ ରହି...

Advertisement
Archives

Model This Week