ବର୍ତ୍ତମାନର ଅନିୟମିତ ଜୀବନଶୈଳୀ, ଚିନ୍ତା କାରଣରୁ ଉଚ୍ଚ ରକ୍ତଚାପ ସାଧାରଣ ସମସ୍ୟାରେ ପରିଣତ ହେଲାଣି। ଏହି ଗମ୍ଭୀର ସମସ୍ୟାକୁ ସାମାନ୍ୟ ଅଣଦେଖା କରିବା ଫଳରେ ଏହା ହାର୍ଟଆଟାକ୍ ଓ ଷ୍ଟ୍ରୋକ୍ ଭଳି ସମସ୍ୟା ସୃଷ୍ଟି କରିଥାଏ। ଅନ୍ୟପକ୍ଷରେ ଏଥିଲାଗି ହାର୍ଟ ସମସ୍ୟା ଦେଖାଯାଇଥାଏ। ଏତଦ୍ବ୍ୟତୀତ କିଡ୍ନୀ ସମସ୍ୟା ମଧ୍ୟ ସୃଷ୍ଟି ହୋଇଥାଏ। ଏହା ଯେକୌଣସି ବୟସରେ ମଧ୍ୟ ଲୋକଙ୍କୁ ଆକ୍ରାନ୍ତ କରିପାରେ। ଯେତେବେଳେ ସେଷ୍ଟୋଲିକ୍ ରକ୍ତଚାପ ୬୦/୮୦ ମିମିରୁ ଅଧିକ, ଡ୍ୟାଷ୍ଟୋଲିକ୍ ୬୦/୮୦ ମିମିରୁ ଅଧିକ ରହିଥାଏ, ସେତେବେଳେ ବ୍ୟକ୍ତିଙ୍କଠାରେ ଉଚ୍ଚ ରକ୍ତଚାପ ସମସ୍ୟା ଦେଖାଯାଇଥାଏ। ଏହା ବିଭିନ୍ନ ଶାରୀରିକ ସମସ୍ୟା ସୃଷ୍ଟି କରିବା ସହ ମାଂସପେଶୀକୁ ମଧ୍ୟ ଦୁର୍ବଳ କରିଥାଏ। ସିଗାରେଟ ଓ ମାଦକଦ୍ରବ୍ୟ ସେବନ ଫଳରେ ମଧ୍ୟ ଉଚ୍ଚ ରକ୍ତଚାପ ହୋଇଥାଏ।
ଯଦି ଆପଣ ଉଚ୍ଚ ରକ୍ତଚାପକୁ ନିୟନ୍ତ୍ରଣ କରିବାକୁ ଚାହାନ୍ତି, ତେବେ ସନ୍ତୁଳିତ ଖାଦ୍ୟପେୟ ଉପରେ ଧ୍ୟାନ ଦେବା ସହ ଏପରି କିଛି ଜୁସ୍ ପିଅନ୍ତୁ, ଯାହା ଉପକାରୀ ହୋଇଥାଏ। ଜାଣନ୍ତୁ ସେ ସମ୍ପର୍କରେ…
ଡାଳିମ୍ବ/କମଳା ଜୁସ୍: ଏହା ଉଚ୍ଚ ରକ୍ତଚାପକୁ ନିୟନ୍ତ୍ରଣ କରିଥାଏ। ଭିଟାମିନ୍ ଓ ପୋଟାସିୟମର ମାତ୍ରା ଅଧିକ ରହିଥାଏ।
