ଭୁବନେଶ୍ୱର,(ବ୍ୟୁରୋ)/: କଟକ ଅଫିସ,୨୬ା୧୧ଚୋରି, ଡକାୟତି, ରାହାଜାନି ଓ ହତ୍ୟା ତଥା ଆଇନ ଶୃଙ୍ଖଳାକୁ ନିୟନ୍ତ୍ରଣ କରିବା ପାଇଁ ପୋଲିସ ବ୍ୟବସ୍ଥା ରହିଛି। ଏନେଇ କମିଶନରେଟ ପୋଲିସ ମଧ୍ୟ ସର୍ବଦା ‘ୱି କେୟାର ୱି ଡେୟାର’ର ନାରା ଦେଉଛି। କିନ୍ତୁ ବାସ୍ତବତା ସମ୍ପୂର୍ଣ୍ଣ ଭିନ୍ନ। କମିଶନରେଟ ପୋଲିସର ଭୁବନେଶ୍ୱର ସହରାଞ୍ଚଳ ପୋଲିସ ଅଧୀନରେ ହେଉଥିବା ଅପରାଧ ସମ୍ପର୍କରେ ସୂଚନା ଅଧିକାର ଆଇନ ବଳରେ ମଗାଯାଇଥିବା ତଥ୍ୟରୁ ଏହା ବେଶ୍‌ ବାରି ହୋଇପଡ଼ୁଛି।

ଭୁବନେଶ୍ୱର ଡିସିପି କାର୍ଯ୍ୟାଳୟରୁ ମିଳିଥିବା ସୂଚନା ଅନୁସାରେ ଚଳିତବର୍ଷ ଭୁବନେଶ୍ୱର ସହରରେ ମୋଟ ୪୦ ହତ୍ୟା ମାମଲା ପଞ୍ଜୀକୃତ ହୋଇଛି। ସେହିପରି ଚଳିତବର୍ଷ ଅକ୍ଟୋବର ୨୫ ସୁଦ୍ଧା ଭୁବନେଶ୍ୱର ଡିସିପି ଅଧୀନ ବିଭିନ୍ନ ଥାନା ଅଞ୍ଚଳରେ ଚୋରି ହୋଇଥିବା ସମ୍ପତ୍ତିରୁ ଖୁବ୍‌ କମ୍‌ ପରିମାଣ ଉଦ୍ଧାର କରାଯାଇଛି। ତଥ୍ୟ ମୁତାବକ ରାଜଧାନୀର୨୩ଟି ଥାନା ଅଞ୍ଚଳରୁ ଏହି ସମୟ ମଧ୍ୟରେ ୧୧କୋଟି ୭୫ଲକ୍ଷ ୨୨ହଜାର ୮୬୪ଟଙ୍କାର ସମ୍ପତ୍ତି ଚୋରି ହୋଇଥିବାବେଳେ ମାତ୍ର ୩କୋଟି ୭୨ଲକ୍ଷ ୪୩ ହଜାର ଟଙ୍କାର ସମ୍ପତ୍ତି ଉଦ୍ଧାର ହୋଇପାରିଛି। ତେବେ ସେହି ଉଦ୍ଧାର ସମ୍ପତ୍ତିକୁ ମାଲିକଙ୍କୁ ଫେରାଯାଇଛି କି ନାହିଁ ସେ ସମ୍ପର୍କରେ କିଛି ତଥ୍ୟ ଦିଆଯାଇନାହିଁ। ଯାହାକୁ ନେଇ ସନ୍ଦେହ ସୃଷ୍ଟି ହୋଇଛି। ଭିଆଇପି ଅଞ୍ଚଳଭାବେ ପରିଚିତ ଶହୀଦ ନଗର ଥାନା ଅଞ୍ଚଳରୁ ସର୍ବାଧିକ ୨କୋଟି ଟଙ୍କାର ଚୋରି ହୋଇଛି। ସେହିପରି ଅନ୍ୟତମ ଜନଗହଳିପୂର୍ଣ୍ଣ ନୟାପଲ୍ଲୀ ଓ ଖଣ୍ଡଗିରି ଥାନା ଅଞ୍ଚଳରୁ କୋଟିଏରୁ ଅଧିକ ଟଙ୍କାର ସମ୍ପତ୍ତି ଲୁଟ୍‌ ହୋଇଛି। ଶହୀଦ ନଗର ଥାନା, ଖଣ୍ଡଗିରି ଥାନା, ନୟାପଲ୍ଲୀ ଥାନା ଅଞ୍ଚଳରୁ ଯଥାକ୍ରମେ ୨କୋଟି ୮ଲକ୍ଷ ୫୫ହଜାର ୪୦୦, ୧ କୋଟି ୪୫ ଲକ୍ଷ ୭ହଜାର ୨୪୫ ଓ ୧ କୋଟି ୩୩ ଲକ୍ଷ ୪୭ ହଜାର ୭୨୦ ଟଙ୍କାର ସମ୍ପତ୍ତି ଚୋରି ହୋଇଛି। କିନ୍ତୁ ଉପରୋକ୍ତ ଥାନା ଅଞ୍ଚଳରୁ ଯଥାକ୍ରମେ ମାତ୍ର ୪୮ଲକ୍ଷ ୯୩ ହଜାର ୮୦୦ଟଙ୍କା, ୪୦ଲକ୍ଷ ୪୦ ହଜାର ଏବଂ ୩୯ ଲକ୍ଷ ୫ହଜାର ଟଙ୍କା ଜବତ ହୋଇଛି।

କ୍ୟାପିଟାଲ ଥାନା ଅଞ୍ଚଳରୁ ମୋଟ ୮୦ଲକ୍ଷ ୨୬ହଜାର ୧୯୯ଟଙ୍କାର ସମ୍ପତ୍ତି ଚୋରି ହୋଇଥିବାବେଳେ ୨୨ଲକ୍ଷ ୧୫ହଜାର ୪୯୯ ଟଙ୍କା ଏବଂ ଖାରବେଳ ନଗର ଥାନା ଅଞ୍ଚଳରୁ ୬୧ଲକ୍ଷ ୮୩ହଜାର ୪୦୦ ଟଙ୍କାରୁ ମାତ୍ର ୨୧ଲକ୍ଷ ୧୫ ହଜାର ଟଙ୍କାର ଚୋରି ସମ୍ପତ୍ତି ଜବତ ହୋଇଛି। ଏୟାରପୋର୍ଟ ଥାନା ୨୨ଲକ୍ଷ ୩୮ ହଜାରରୁ ୭ଲକ୍ଷ ୯୦ ହଜାର, ଲିଙ୍ଗରାଜ ଥାନା ୪୬ଲକ୍ଷ ୯୫ ହଜାରରୁ ୧୪ ଲକ୍ଷ ୩୫ ହଜାର, ଏୟାରଫିଲ୍‌ଡ ଥାନା ୬୦ଲକ୍ଷ ୬୬ହଜାରରୁ ୨୧ଲକ୍ଷ ୧୪ ହଜାର ୬୦୦, ଧଉଳି ଥାନା ୧୩ଲକ୍ଷ ୩୬ହଜାରରୁ ୪ଲକ୍ଷ ୧୯ହଜାର, ଜଟଣୀ ଥାନା ୪୦ଲକ୍ଷ ୯୩ ହଜାର ୨୯୦ରୁ ୧୩ଲକ୍ଷ ୬୨ ହଜାର ୭୨୦ ଟଙ୍କାର ସମ୍ପତ୍ତି ଜବତ ହୋଇଛି। ସେହିପରି ତମାଣ୍ଡୋ ଥାନା ୧୮ଲକ୍ଷ ୬୦ ହଜାରରୁ ୫ଲକ୍ଷ ୭୮ ହଜାର, ଭରତପୁର ଥାନା ୭୭ଲକ୍ଷ ୩୯ ହଜାର ୪୦୦ରୁ ୩୫ ଲକ୍ଷ ୮୮ହଜାର ୪୦୦, ବଡଗଡ଼ ଥାନା ୩୪ ଲକ୍ଷ ୯୩ ହଜାର ୬୧୦ରୁ ୮ଲକ୍ଷ ୬୭ ହଜାର ୬୦୦ ଟଙ୍କାର ସମ୍ପତ୍ତି ପୋଲିସ ଜବତ କରିପାରିଛି। ସେହିପରି ଲକ୍ଷ୍ମୀସାଗର ଥାନା ଅଞ୍ଚଳରୁ ୫୩ଲକ୍ଷ ୯୪ ହଜାର ଟଙ୍କା ସମ୍ପତ୍ତି ଚୋରି ଅଭିଯୋଗ ହୋଇଥିବାବେଳେ ୧୫ଲକ୍ଷ ୫ହଜାର ଟଙ୍କା ମିଳିଛି। ବାଲିପାଟଣା ଥାନା ୯ଲକ୍ଷ ୫୪ ହଜାରରୁ ୨ଲକ୍ଷ ୩୪ ହଜାର, ବାଲିଅନ୍ତା ଥାନା ୧୫ଲକ୍ଷ ୭୨ ହଜାରରୁ ୮ଲକ୍ଷ ୩୨ ହଜାର, ମଞ୍ଚେଶ୍ୱର ଥାନା ୭୫ ଲକ୍ଷ ୩୫ ହଜାରରୁ ୪୭ଲକ୍ଷ ୩୬ହଜାର, ଚନ୍ଦ୍ରଶେଖରପୁର ଥାନା ୩୩ ଲକ୍ଷ ୨୩ ହଜାରରୁ ୫ଲକ୍ଷ ୩୦ ହଜାର, ଇମ୍ଫୋସିଟି ଥାନା ୨୩ଲକ୍ଷ ୮୦ହଜାରରୁ ୫ଲକ୍ଷ ୩୦ ହଜାର, ଚନ୍ଦକା ଥାନା ୧୪ଲକ୍ଷ ୯୧ହଜାରରୁ ୪ଲକ୍ଷ ୧୦ହଜାର, ନନ୍ଦନକାନନ ଥାନା ୪ଲକ୍ଷ ୩୨ହଜାର ୬୦୦ରୁ ୧ ଲକ୍ଷ ୪୨ ହଜାର ସମ୍ପତ୍ତି ଜବତ ହୋଇଛି।
୨୦୧୫ରୁ ଏଯାବତ୍‌ ତଥ୍ୟ ଅନୁସାରେ, ୨୦୧୫ରେ ୭୬୦ ବାଇକ୍‌ ଚୋରି ହୋଇଥିବା ଅଭିଯୋଗ ହୋଇଥିବାବେଳେ ୭୩ଟି ଉଦ୍ଧାର ହୋଇପାରିଛି। ସେହିପରି ୨୦୧୬ରେ ୬୪୪ ରୁ ୧୫୫, ୨୦୧୭ରେ ୫୮୪ରୁ ୧୧୧, ୨୦୧୮ରେ ୬୬୭ରୁ ୯୨, ୨୦୧୯ରେ ୬୪୭ରୁ ୧୩୨, ୨୦୨୦ରେ ୬୮୨ରୁ ୧୩୨ ଏବଂ ୨୦୨୧ ବର୍ଷ ଅକ୍ଟୋବର ୨୫ ସୁଦ୍ଧା ୬୯୭ଟି ବାଇକ ଚୋରିରୁ ୧୦୫ଟି ଉଦ୍ଧାର କରାଯାଇପାରିଛି। ଅର୍ଥାତ ମୋଟ ଉପରେ ଦେଖିବାକୁ ଗଲେ ମାତ୍ର ୧୭ ପ୍ରତିଶତ ବାଇକ ଚୋରଙ୍କ ନିକଟରୁ ମୁକୁଳାଇବାରେ ପୋଲିସ ସମର୍ଥ ହୋଇଛି। ଏନେଇ ଭୁବନେଶ୍ୱର ଡିସିପି ଉମାକାନ୍ତ ଦାଶଙ୍କୁ ପଚାରିବାରେ ସେ କହିଛନ୍ତି ଯେ, ଅନେକ ଘଟଣାରେ ଲୋକମାନେ ଚୋରି ସମ୍ପତ୍ତିର ପ୍ରକୃତ ମୂଲ୍ୟଠାରୁ ଅଧିକ ଚୋରି ହୋଇଥିବା ଦର୍ଶାଉଛନ୍ତି। ସମସ୍ତ ଘଟଣାକୁ ଗୁରୁତ୍ୱ ଦିଆଯାଇ ଚୋରି ସମ୍ପତ୍ତି ଉଦ୍ଧାର କରାଯାଉଛି। ସେହିପରି ପୂର୍ବବର୍ଷ ଅପେକ୍ଷା ଚଳିତ ବର୍ଷ ହତ୍ୟା ମାମଲା କମ୍‌ ରହିଛି। ଅପରାଧ ପ୍ରବଣ ଯୁବଗୋଷ୍ଠୀକୁ ସଚେତନ ମାଧ୍ୟମରେ ଏଥିରୁ ନିବୃତ୍ତ କରିବାକୁ ସବୁସ୍ତରରେ ଚେଷ୍ଟା କରାଗଲେ ଅପରାଧ କମ୍‌ ହୋଇପାରିବ ବୋଲି ଦାଶ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

୨୨ ଜିଲାରେ ହେବ ୧୮ରୁ ୪୪ବର୍ଗଙ୍କ ଟିକାକରଣ

ଭୁବନେଶ୍ୱର,୬।୬(ବ୍ୟୁରୋ): ରାଜ୍ୟରେ ଏବେ ତୃତୀୟ ପର୍ଯ୍ୟାୟ ଟିକାକରଣ ଜାରି ରହିଛି। ଏଥିରେ ୧୮ରୁ ୪୪ ବର୍ଷ ବର୍ଗର ଲୋକଙ୍କୁ ଟିକା ଦିଆଯାଉଛି। ତେବେ ଏହା କେବଳ...

ମନ୍ତ୍ରୀଙ୍କ ଗାଡ଼ିକୁ ଅଣ୍ଡାମାଡ଼

ଭବାନୀପାଟଣା,୮।୧୧(ଡି.ଏନ୍‌.ଏ.): ମହିଳା ଓ ଶିଶୁ କଲ୍ୟାଣ ମନ୍ତ୍ରୀ ଟୁକୁନି ସାହୁଙ୍କ ଗାଡ଼ି ଉପରକୁ ଅଣ୍ଡାମାଡ଼ ହୋଇଛି। କଳାହାଣ୍ଡି ଜିଲା ଭବାନୀପାଟଣାରେ ଆୟୋଜିତ ବିଜୁ ସ୍ବାସ୍ଥ୍ୟ ସ୍ମାର୍ଟ...

ଶ୍ରୀମନ୍ଦିର ରୀତିନୀତିରେ ଶଙ୍କରାଚାର୍ଯ୍ୟ ସାଜିବେ ମାର୍ଗଦର୍ଶକ

ପୁରୀ ଅଫିସ, ୫ା୧୧: ଶ୍ରୀମନ୍ଦିର ସଂସ୍କାର ମାମଲାରେ ସୁପ୍ରିମ୍‌କୋର୍ଟ ସୋମବାର ମଧ୍ୟବର୍ତ୍ତିକାଳୀନ ରାୟ ଦେଇଛନ୍ତି। ଶ୍ରୀମନ୍ଦିରରେ ଶୃଙ୍ଖଳିତ ଦର୍ଶନ, ଶ୍ରଦ୍ଧାଳୁଙ୍କ ରହଣି, ମହାପ୍ରଭୁଙ୍କ ସେବାପୂଜା, ଶ୍ରୀମନ୍ଦିର...

ମଦ ଦୋକାନ ସିଲ୍‌ କେବଳ ଲୋକ ଦେଖାଣିଆ

ସମ୍ବଲପୁର,୨୨ା୪(ବ୍ୟୁରୋ)-କରୋନା ଭୂତାଣୁ ମୁକାବିଲା ପାଇଁ ସାରା ଦେଶକୁ ଲକ୍‌ ଡାଉନ୍‌ ଘୋଷଣା କରାଯାଇଛି। ମାର୍ଚ୍ଚ ୨୩ ତାରିଖଠାରୁ ଦୋକାନ ବଜାର ବନ୍ଦ ରହିଛି । ବିଦେଶୀ...

ପୌର ନିର୍ବାଚନ ଲାଗି ୨ ପର୍ଯ୍ୟବେକ୍ଷକ ନିଯୁକ୍ତ

ଛତ୍ରପୁର,୧୦ା୩(ଡି.ଏନ୍‌.ଏ.)  ପୌର ନିର୍ବାଚନ ଲାଗି ନାମାଙ୍କନପତ୍ର ଦାଖଲ ପ୍ରକ୍ରିୟା ସରିଛି। ଗଞ୍ଜାମ ଜିଲାର ବ୍ରହ୍ମପୁର ମହାନଗର ନିଗମ, ହିଞ୍ଜିଳିକାଟୁ ମ୍ୟୁନିସିପାଲିଟି ଓ ୧୬ଟି ଏନ୍‌ଏସିରେ ନିର୍ବାଚନ...

ଭିଜିଲାନ୍ସ ଜାଲରେ ଆର୍‌ବି ଡିଭିଜନ କିରାଣି

ଭୁବନେଶ୍ୱର,୨୨ା୧୨(ବ୍ୟୁରୋ): ମଙ୍ଗଳବାର ଆର୍‌ବି ଡିଭିଜନ-୧ର କିରାଣି ଅସିତ କୁମାର ନାୟକ ଆୟ ବହିର୍ଭୂତ ସମ୍ପତ୍ତି ଠୁଳ କରିଥିବା ଅଭିଯୋଗରେ ଭିଜିଲାନ୍ସ ବିଭାଗର ଅଧିକାରୀମାନେ ଏକା ସାଙ୍ଗରେ...

କରୋନା ଆକ୍ରାନ୍ତ ସୁସ୍ଥ ହେବା ପରେ କଳାହାଣ୍ଡିବାସୀ ଆଶ୍ୱସ୍ତ

ଧର୍ମଗଡ଼,୧୩ା୪(ଡି.ଏନ୍‌.ଏ.) : କଳାହାଣ୍ଡି ଜିଲାର ଜଣେ କୋଭିଡ୍‌ ପଜିଟିଭ ଆକ୍ରାନ୍ତ ବର୍ତ୍ତମାନ ସୁସ୍ଥ ହୋଇଥିବା ଜଣାପଡ଼ିଛି । ଏ ନେଇ ରାଜ୍ୟ ସ୍ବାସ୍ଥ୍ୟ ବିଭାଗ ପକ୍ଷରୁ...

୮ରୁ ଖୋଲିବ ପ୍ଲାନେଟାରିଅମ୍‌

ଭୁବନେଶ୍ୱର,୪।୨(ବ୍ୟୁରୋ): ଆସନ୍ତା ୮ ତାରିଖରୁ ଖୋଲିବ ପ୍ଲାନେଟାରିଅମ୍‌। କୋଭିଡ୍‌ କଟକଣାରେ ଭୁବନେଶ୍ୱରର ପଠାଣୀ ସାମନ୍ତ, ବୁର୍ଲାର ଅବ୍‌ଦୁଲ କାଲାମ ପ୍ଲାନେଟାରିଅମ୍‌ ଖୋଲିବ। ଏଥିସହ ଖଣ୍ଡପଡ଼ାରେ ଥିବା...

Advertisement
Archives

Model This Week