ବୋଗୋଟା,୧୮।୫: କଲମ୍ବିଆର ଆମେଜନରେ ମେ’୧ରେ ଏକ ବିମାନ ଦୁର୍ଘଟଣା ହୋଇଥିଲା। ଏଥିରେ ୩ ଜଣଙ୍କ ମୃତ୍ୟୁ ହୋଇଥିଲା। ସେବେଠାରୁ ଦୁର୍ଘଟଣାଗ୍ରସ୍ତ ବିମାନ ନିକଟରେ ପହଞ୍ଚିବାକୁ ସର୍ଚ୍ଚ ଅପରେଶନ ଜାରି ରହିିଥିଲା। ଏବେ ଦୁର୍ଘଟଣାର ପ୍ରାୟ ୨ ସପ୍ତାହ ପରେ ୪ ଜୀବନ୍ତ ଶିଶୁଙ୍କୁ ଉଦ୍ଧାର କରାଯାଇଛି। ଏହାର ସୂଚନା ନିଜେ ରାଷ୍ଟ୍ରପତି ଗୋସ୍ତାବୋ ପେଟ୍ରୋ ଦେଇଛନ୍ତି।
ପେଟ୍ରୋ କହିଛନ୍ତି, ସେନାର କଠିନ ପରିଶ୍ରମ ପରେ ଶେଷରେ ସେମାନଙ୍କୁ ସଫଳତା ମିଳିଛି। ଏହା ଦେଶପାଇଁ ଖୁସିର କଥା। ପ୍ରାୟ ୨ ସପ୍ତାହ ପୂର୍ବରୁ ହୋଇଥିବା ଦୁର୍ଘଟଣା ପରେ ବୁଧବାର ଘନ କଲମ୍ବିଆ ଆମେଜନରେ ୪ଜଣଙ୍କୁ ଜୀବନ୍ତ ଉଦ୍ଧାର କରାଯାଇଛି। ଏମାନଙ୍କ ମଧ୍ୟରେ ଜଣେ ୧୧ ମାସର ଶିଶୁ ରହିଛନ୍ତି।
ସୂଚନାଯୋଗ୍ୟ, ଅଧିକାରୀମାନେ ୧୦୦ରୁ ଅଧିକ ସେନା ଓ ସ୍ନିପର ଡଗଙ୍କୁ ସର୍ଚ୍ଚ ଅପରେଶନ କାମରେ ଲଗାଇଥିଲେ। ଏମାନେ ସେହି ଶିଶୁକୁ ଖୋଜୁଥିଲେ ଯେକି ୧ ମେ’ରେ ହୋଇଥିବା ବିମାନ ଦୁର୍ଘଟଣା ପରେ ନିଖୋଜ ଥିଲେ। ଏହି ଘଟଣାରେ ୩ ବୟସ୍କଙ୍କ ମୃତ୍ୟୁ ହୋଇଯାଇଥିଲା।
