ନୂଆଦିଲ୍ଲୀ,୨୦।୨: ଜିମ୍ବାୱେ ୨୦୨୬ ଟି୨୦ ବିଶ୍ୱକପରେ ଆଉ ଏକ ବଡ଼ ବିପର୍ଯ୍ୟୟ ଘଟାଇବାରେ ସଫଳ ହୋଇଛି। ଜିମ୍ବାୱେ ତା’ର ଶେଷ ଗ୍ରୁପ ପର୍ଯ୍ୟାୟ ମ୍ୟାଚ୍ରେ ଶ୍ରୀଲଙ୍କାକୁ ୬ ଉଇକେଟରେ ପରାସ୍ତ କରିଛି। ଏହା ଜିମ୍ବାୱେର ICC ଇଭେଣ୍ଟରେ ଶ୍ରୀଲଙ୍କା ବିପକ୍ଷରେ ପ୍ରଥମ ବିଜୟ ଥିଲା।
ଅଧିନାୟକ ସିକନ୍ଦର ରାଜା ଜିମ୍ବାୱେର ବିଜୟର ନାୟକ ଥିଲେ। ସିକନ୍ଦର ୨୬ ବଲ୍ରେ ୪୫ ରନ୍ର ଏକ ମ୍ୟାଚ ବିଜୟୀ ଇନିଂସ ଖେଳିଥିଲେ, ଯେଉଁଥିରେ ୪ଟି ଛକା ଏବଂ ୨ଟି ଚୌକା ସାମିଲ ଥିଲା। ଏହି ଶକ୍ତିଶାଳୀ ପ୍ରଦର୍ଶନ ପାଇଁ ତାଙ୍କୁ ପ୍ଲେୟାର ଅଫ ଦି ମ୍ୟାଚ ବିବେଚିତ କରାଯାଇଥିଲା। ସେ କିମ୍ବଦନ୍ତୀ ରୋହିତ ଶର୍ମାଙ୍କ ଏକ ପ୍ରମୁଖ ରେକର୍ଡ ମଧ୍ୟ ଭାଙ୍ଗିଥିଲେ।
ସିକନ୍ଦର ଏବେ ICC ଟୁର୍ନାମେମେଣ୍ଟରେ ପ୍ଲେୟାର ଅଫ ଦି ମ୍ୟାଚ ଜିତିଥିବା ସବୁଠାରୁ ବୟସ୍କ ଅଧିନାୟକ ହୋଇଛନ୍ତି। ପୂର୍ବରୁ ଏହି ରେକର୍ଡ ପୂର୍ବତନ ଭାରତୀୟ ଅଧିନାୟକ ରୋହିତ ଶର୍ମାଙ୍କ ନାମରେ ଥିଲା। ସିକନ୍ଦର ୩୯ ବର୍ଷ ୩୦୧ ଦିନ ବୟସରେ ଏହି ସଫଳତା ପାଇଥିଲେ। ଅନ୍ୟପକ୍ଷରେ ରୋହିତ ୨୦୨୫ ଚାମ୍ପିଅନ୍ସ ଟ୍ରଫିରେ ୩୭ ବର୍ଷ ୩୩୧ ଦିନ ବୟସରେ ଏହି ସଫଳତା ପାଇଥିଲେ।
ସିକନ୍ଦର ଟି-୨୦ ବିଶ୍ୱକପ ଇତିହାସରେ ଚତୁର୍ଥ ଥର ପାଇଁ ପ୍ଲେୟାର ଅଫ ଦି ମ୍ୟାଚ ପୁରସ୍କାର ଜିତିଛନ୍ତି। ସେ ଟି-୨୦ ବିଶ୍ୱକପ୍ରେ ଜିମ୍ବାୱେର ପ୍ରମୁଖ ଖେଳାଳି, ଟୁର୍ନାମେଣ୍ଟ ଇତିହାସରେ ପ୍ଲେୟାର ଅଫ ଦି ମ୍ୟାଚ ପୁରସ୍କାରର ମିଳିତ ତୃତୀୟ ସର୍ବାଧିକ ସଂଖ୍ୟକ ଖେଳାଳି।
ସିକନ୍ଦର ରଜାଙ୍କ ଅଧିନାୟକତ୍ୱରେ, ଦଳ ଏବେ ପ୍ରଥମ ଥର ପାଇଁ ସୁପର ୮ ରାଉଣ୍ଡକୁ ଯିବାକୁ ପ୍ରସ୍ତୁତ। ଏହି ରାଉଣ୍ଡରେ ଜିମ୍ବାୱେ ଭାରତ ୱେଷ୍ଟଇଣ୍ଡିଜ ଏବଂ ଦକ୍ଷିଣ ଆଫ୍ରିକା ଭଳି ଶକ୍ତିଶାଳୀ ଦଳ ସହିତ ମୁକାବିଲା କରିବ। ଦଳ ପ୍ରଥମ ଥର ପାଇଁ ସେମିଫାଇନାଲ ପହଞ୍ଚିବାକୁ ଲକ୍ଷ୍ୟ ରଖିବ।
Dharitri – Odisha’s No.1 Odia Daily
