ଓଡଗାଁ,୧।୫(ସ୍ବ.ପ୍ର.)- କରୋନା ମହାମାରୀ କାରଣରୁ ବାହାଘର ନିମନ୍ତେ କଟକଣା ରହିଛି। ହେଲେ ଏନେଇ କୌଣସି ପ୍ରଶାସନିକ ଲଗାମ ନାହିଁ। ଫଳରେ ଲୋକେ ବେଧଡକ ଭୋଜିଭାତରେ ସମାଗମ କରୁଥିବା ଦେଖିବାକୁ ମିକିଛ। ଏହିପରି ଏକ ଘଟଣାକ୍ରମରେ ନୟାଗଡ଼ ଜିଲା ଓଡ଼ଗାଁ ଆଦର୍ଶ ଥାନା ଅନ୍ତର୍ଗତ କୁରୁମେ ବାଙ୍କତରା ଗ୍ରାମରେ ବାହାଘର ମଙ୍ଗନ ଭୋଜି ଖାଇ ୩୦ରୁ ଊର୍ଦ୍ଧ ମହିଳା, ପୁରୁଷ ଓ ପିଲା ଝାଡାବାନ୍ତିରେ ଆକ୍ରାନ୍ତ ହୋଇଛନ୍ତି। ସେଥିମଧ୍ୟରୁ ପ୍ରାୟ ୧୨ ଜଣ ସ୍ଥାନୀୟ ଡାକ୍ତରଖାନାରେ ଭର୍ତ୍ତି ଅଛନ୍ତି। ଗୁରୁତର ଅବସ୍ଥାରେ ମାଟିଆଣି ବାରିକ (୫୫)ଙ୍କୁ ନୟାଗଡ଼ ମେଡିକାଲକୁ ରେଫର କରାଯାଇଥିଲା, ହେଲେ ସେଠାରେ ବୃଦ୍ଧାଙ୍କ ମୃତ୍ୟୁ ହୋଇଥିବା ଜଣାଯାଇଛ। ସ୍ଥାନୀୟ ଡାକ୍ତରଖାନାରେ ଭର୍ତ୍ତି ଥିବା ସମସ୍ତଙ୍କ ଅବସ୍ଥା ସ୍ଥିର ରହିଥିବା ଡାକ୍ତର ବଳରାମ ପ୍ରଧାନ ସୂଚନା ଦେଇଛନ୍ତି। ହେଲେ ଅନ୍ୟତ୍ର ଚିକିତ୍ସା ହେଉଥିବା ପୀଡିତଙ୍କ ବିଷୟରେ କେହି କିଛି ସୂଚନା ଦେଉନାହାନ୍ତି। ଡାକ୍ତରୀ ଟିମ୍ ସେହି ଗାଁକୁ ଯାଇ ପରିସ୍ଥିତି ଅନୁଧ୍ୟାନ କରି ଫେରିଥିବା ସୂଚନା ମିଳିଛି।
