ଫୁଲବାଣୀ ଅଫିସ, ୭।୧୨: ଗୋଟିଏ ପଟେ ଫୁଲବାଣୀ ସ୍ବୟଂ ଶାସିତ ମହାବିଦ୍ୟାଳୟରୁ ସ୍ବୟଂ ଶାସିତ ମାନ୍ୟତା ଉଠି ଯାଇଛି ା ଅନ୍ୟପଟେ ପିଲାଙ୍କ ସିଲାବସ ସମାପ୍ତ ନ କରି ପରୀକ୍ଷା କରାଯାଇଛି ା ଗତ ୪ ତାରିଖରେ ଯୁକ୍ତ ୩ର କଳା ବିଭାଗ ଫଳାଫଳରେ ଏହା ସ୍ପଷ୍ଟ ହୋଇଛି। ପରୀକ୍ଷା ଦେଇଥିବା ୩୧୬ ଛାତ୍ରୀଛାତ୍ରଙ୍କ ମଧ୍ୟରୁ ୧୧୩ ଜଣ ଫେଲ ହୋଇଛନ୍ତି। ଏ ନେଇ ଛାତ୍ରୀଛାତ୍ରଙ୍କ ମଧ୍ୟରେ ଅସନ୍ତୋଷ ସୃଷ୍ଟି ହୋଇଛି। ଛାତ୍ରୀଛାତ୍ରମାନେ ଏ ନେଇ କଲେଜ ଅଧ୍ୟକ୍ଷଙ୍କ ପାଖରେ ଅଭିଯୋଗ କରିବା ସହ ଆନ୍ଦୋଳନ କରିବା ପାଇଁ ଚେତାବନୀ ଦେଇଛନ୍ତି ା
ପାସ କରିଥିବା ୨୦୩ ଜଣଙ୍କ ମଧ୍ୟରୁ ୧୫୦ରୁ ଊର୍ଦ୍ଧ୍ୱ ପିଲାଙ୍କୁ ଡିଷ୍ଟିଙ୍କସନରୁ ବଞ୍ଚତ୍ତ କରାଯାଇଛି। କେବଳ କମ୍ୟୁନିକେଟିଭ ଇଂଲିଶ ଲାଗି ଏପରି କରାଯାଇଥିବା ପିଲାମାନେ ଅଭିଯୋଗ କରିଛନ୍ତି। ପରୀକ୍ଷା ପୂର୍ବରୁ ଛାତ୍ରୀଛାତ୍ରମାନଙ୍କୁ କୁହାଯାଇଥିଲା କି ଗ୍ରାମାରରୁ ୪୦, ସବଜେକ୍ଟିଭରୁ ୪୦ ମାର୍କ ଏବଂ ୪ଟି ୟୂନିଟରୁ ପ୍ରଶ୍ନ ଆସିବ ା ମାତ୍ର ପ୍ରଶ୍ନ ସିଲାବସ ବାହାରୁ ଆସିଛି। ଯାହା ଫଳରେ ଛାତ୍ରୀଛାତ୍ରମାନେ ପରୀକ୍ଷା ଭଲ କରି ପାରିନାହାନ୍ତି। ସେହିପରି ପିଲାମାନଙ୍କୁ ଇଣ୍ଟରନାଲ ମାର୍କ ୨୦ ଯାଏ ଦେବାର ଅଛି ା ହେଲେ ଉଦ୍ଦେଶ୍ୟମୂଳକ ଭାବେ ଛାତ୍ରୀଛାତ୍ରଙ୍କୁ ମାତ୍ର ୫ରୁ ୬ ମାର୍କ ଦିଆଯାଇଛି। ଫଳରେ ବହୁ ପିଲା ଫେଲ ହେବା ସହ ଡିଷ୍ଟିଙ୍କସନରୁ ବଞ୍ଚତ୍ତ ହୋଇଛନ୍ତି। ଯେଉଁ ସମୟରେ ତୃତୀୟ ବର୍ଷ ପରୀକ୍ଷା ହେବା କଥା ସେତବେଳେ କରୋନା ଯୋଗୁ ସମ୍ଭବ ହୋଇ ନ ଥିଲା ା ଅନ୍ୟସ୍ଥାନରେ ଅନଲାଇନ ମାଧ୍ୟମରେ ପରୀକ୍ଷା ହୋଇଥିଲା। ମାତ୍ର ଏହି କଲେଜରେ କରାଯାଇ ନ ଥିଲା ା ଅଫଲାଇନ ପରୀକ୍ଷା କରାଯାଇଥିଲେ ବି ସିଲାବସ୍ ସମାପ୍ତ ହୋଇ ନ ଥିବା ପରୀକ୍ଷାର୍ଥିମାନେ କହିଛନ୍ତି।
ମୋଟ ୩୧୬ ଛାତ୍ରୀଛାତ୍ର ପରୀକ୍ଷା ଦେଇଥିଲୁ। ୨୮୦ ଜଣଙ୍କର କମ୍ୟୁନିକେଟିଭ ଇଂଲଶରେ ଉଭୟ ସେମିଷ୍ଟାର ଏବଂ ଇଣ୍ଟରନାଲ ମାର୍କରୁ ଉଦ୍ଦେଶ୍ୟମୂଳକ ଭାବେ କମ୍ ମାର୍କ ଦିଆଯାଇଛି। ପରୀକ୍ଷାରେ ଯେଉଁ ପ୍ରଶ୍ନ ପଡିବା ପାଇଁ କୁହାଯାଇଥିଲା ତାହା ପଡିଲା ନାହିଁ ା ଇଂଲିଶ ବିଭାଗର ସିଲାବସ ସମ୍ପୂର୍ଣ୍ଣ ହୋଇପାରି ନ ଥିଲା। ପ୍ରଶ୍ନ ସିଲାବସ୍ ବାହାରୁ ଆସିଲା। ଇଣ୍ଟରନାଲରେ ବହୁ କମ୍ ନଂ ଦିଆଗଲା। ଫଳରେ ଅଧିକାଂଶ ପିଲା ଫେଲ ହେଲେ। ଆମ ଭବିଷ୍ୟତ ସହ ଖେଳାଯାଉଛି ବୋଲି ବହୁ ପରୀକ୍ଷାର୍ଥୀ କହିଛନ୍ତି।
