Posted inUncategorized

କେନ୍ଦ୍ର ତାଲିକାରେ ୨୬ ବିଲ୍‌

ନୂଆଦିଲ୍ଲୀ,୨୫।୧୧: ଆସନ୍ତା ୨୯ ତାରିଖରେ ଆରମ୍ଭ ହେବାକୁ ଥିବା ପାର୍ଲାମେଣ୍ଟର ଶୀତ ଅଧିବେଶନରେ ୩ ବିବାଦୀୟ କୃଷି ଆଇନ ଉଚ୍ଛେଦ ଓ କ୍ରିପ୍ଟୋକରେନ୍ସି ନିୟନ୍ତ୍ରଣ ସମେତ ମୋଟ ୨୬ଟି ବିଲ୍‌ ମୋଦି ସରକାରଙ୍କ କାର୍ଯ୍ୟସୂଚୀରେ ରହିଛି। ଉକ୍ତ ୨୬ ବିଲ୍‌କୁ ବୁଧବାର ସରକାରଙ୍କ ପକ୍ଷରୁ ତାଲିକାଭୁକ୍ତ କରାଯାଇଛି।
ଲେଜିସ୍‌ଲେଟିଭ୍‌ ବିଜ୍‌ନେସ୍‌ ଲିଷ୍ଟ ଅନୁସାରେ ପୂର୍ବର ୩ ଅଧ୍ୟାଦେଶକୁ ହଟାଇବା ଲାଗି ୩ ବିଲ୍‌କୁ ତାଲିକାଭୁକ୍ତ କରାଯାଇଛି। ସେଗୁଡ଼ିକ ହେଲା ନାର୍କୋଟିକ୍ସ ଡ୍ରଗ୍‌ ଆଣ୍ଡ ସାଇକୋଟିକ୍‌ ସବ୍‌ଷ୍ଟାନ୍ସେସ୍‌ ବିଲ୍‌, ଯାହା ବଳରେ ସମାନ ନାମରେ ଥିବା ଏକ ଆଇନରେ ସଂଶୋଧନ କରାଯିବ। ସେହିପରି କେନ୍ଦ୍ରୀୟ ଭିଜିଲାନ୍ସ କମିଶନ (ସଂଶୋଧନ) ବିଲ୍‌ ଏବଂ ଦିଲ୍ଲୀ ପୋଲିସ ଏଷ୍ଟାବ୍ଲିଶ୍‌ମେଣ୍ଟ (ସଂଶୋଧନ) ବିଲ୍‌। କେନ୍ଦ୍ରୀୟ ଭିଜିଲାନ୍ସ କମିଶନ (ସିଭିସି) ଏବଂ କେନ୍ଦ୍ରୀୟ ତଦନ୍ତ ବ୍ୟୁରୋ (ସିବିଆଇ) ନିର୍ଦ୍ଦେଶକଙ୍କ କାର୍ଯ୍ୟକାଳ ବୃଦ୍ଧି ନିମନ୍ତେ ଏହି ଦୁଇ ବିଧେୟକରେ ପ୍ରସ୍ତାବ ରହିଛି। ତେବେ ସବୁଠୁ ଗୁରୁତ୍ୱପୂର୍ଣ୍ଣ ହେଉଛି ୩ କୃଷି ଆଇନ ଉଚ୍ଛେଦ ବିଲ୍‌, ଯାହାକି ଗତବର୍ଷ ସେପ୍ଟେମ୍ବରରେ ପାର୍ଲାମେଣ୍ଟରେ ଗୃହୀତ ୩ ବିବାଦୀୟ କୃଷି ଆଇନକୁ ରଦ୍ଦ କରିବା ପାଇଁ ଉଦ୍ଦିଷ୍ଟ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗତ ଶୁକ୍ରବାର ଏହି ୩ ଆଇନ ରଦ୍ଦ ନେଇ ଘୋଷଣା କରିବା ସହ ଦିଲ୍ଲୀ ସୀମାରେ ଆନ୍ଦୋଳନରତ କୃଷକମାନଙ୍କୁ ଘରକୁ ଫେରିଯିବା ପାଇଁ ଅନୁରୋଧ କରିଥିଲେ। ଏହାବାଦ୍‌ ସରକାରଙ୍କ ତାଲିକାରେ କ୍ରିପ୍ଟୋକରେନ୍ସି ଆଣ୍ଡ ରେଗୁଲେଶନ୍‌ ଅଫ୍‌ ଅଫିସିଆଲ କରେନ୍ସି ବିଲ୍‌ ରହିଛି। ଉକ୍ତ ବିଲ୍‌ ଜରିଆରେ କେତେକକୁ ବାଦ୍‌ ଦେଇ ସମସ୍ତ ଘରୋଇ କ୍ରିପ୍ଟୋକରେନ୍ସି ଉପରେ ଲଗାମ ଲାଗିବ। ଭାରତୀୟ ରିଜର୍ଭ ବ୍ୟାଙ୍କ (ଆର୍‌ବିଆଇ)କୁ ଦେଶର ଅଫିସିଆଲ୍‌ ଡିଜିଟାଲ କ୍ରିପ୍ଟୋକରେନ୍ସି ଜାରି କରିବାକୁ ଅନୁମତି ମିଳିବ। ସେହିପରି ରାଜନୈତିକ ଦୃଷ୍ଟିରୁ ଗୁରୁତ୍ୱପୂର୍ଣ୍ଣ ଆଉ ଏକ ବିଲ୍‌ ଆସିବାକୁ ଯାଉଛି। ନିର୍ବାଚନମୁହଁା ଉତ୍ତରପ୍ରଦେଶର ଏସ୍‌ସି ଏବଂ ଏସ୍‌ଟି ତାଲିକାରେ ପରିବର୍ତ୍ତନ ପାଇଁ ସମ୍ବିଧାନ ସଂଶୋଧନ ବିଲ୍‌ ଆଣିବା ପାଇଁ ମଧ୍ୟ ସରକାର ପ୍ରସ୍ତୁତି ଚଳାଇଛନ୍ତି। ଅନୁରୂପ ଭାବେ ତ୍ରିପୁରାର ଏସ୍‌ସି ଏବଂ ଏସ୍‌ଟି ତାଲିକାରେ ସଂଶୋଧନ ପାଇଁ ମଧ୍ୟ ଏକ ବିଲ୍‌ ଆସିବାକୁ ଯାଉଛି। ଉଚ୍ଚ ନ୍ୟାୟପାଳିକାର ବିଚାରପତିମାନଙ୍କ ଦରମା ଆଇନରେ ସଂଶୋଧନ ନିମନ୍ତେ ହାଇକୋର୍ଟ ଓ ସୁପ୍ରିମକୋର୍ଟ ବିଚାରପତି (ଦରମା ଓ ସେବା ସର୍ତ୍ତ) ସଂଶୋଧନ ବିଲ୍‌, ୨୦୨୧ ଅଣାଯିବ। ଗୃହକାର୍ଯ୍ୟ ବିବରଣୀରେ ସ୍ଥାନ ପାଇଥିବା ଅନ୍ୟ ବିଧେୟକଗୁଡ଼ିକ ହେଲା ଇନ୍‌ସଲଭାନ୍ସି ଆଣ୍ଡ ବ୍ୟାଙ୍କରପ୍‌ସି କୋଡ୍‌ (ସେକେଣ୍ଡ ଆମେଣ୍ଡମେଣ୍ଟ) ବିଲ୍‌ ଏବଂ ପେନ୍‌ସନ ଫଣ୍ଡ ରେଗୁଲେଟୋରି ଡେଭେଲପ୍‌ମେଣ୍ଟ ଅଥରିଟି (ଆମେଣ୍ଡମେଣ୍ଟ) ବିଲ୍‌। ସେହିପରି ଇଣ୍ଟର-ସର୍ଭିସେସ୍‌ ଅର୍ଗାନାଇଜେଶନ୍ସ (କମାଣ୍ଡ, କଣ୍ଟ୍ରୋଲ ଆଣ୍ଡ ଡିସିପ୍ଲିନ୍‌) ବିଲ୍‌, ଆପ୍ରବାସନ ବିଲ୍‌, ନ୍ୟାଶନାଲ ଆଣ୍ଟାଇ ଡୋପିଂ ବିଲ୍‌, ଟ୍ରାଫିକିଂ ଅଫ୍‌ ପର୍ସନ୍ସ (ପ୍ରଭେନ୍ସନ, ପ୍ରୋଟେକ୍ସନ ଆଣ୍ଡ ରିହାବିଲିଟେଶନ) ବିଲ୍‌, ୨୦୨୧ ଭଳି ଗୁରୁତ୍ୱପୂର୍ଣ୍ଣ ବିଧେୟକ ସରକାରଙ୍କ କାର୍ଯ୍ୟସୂଚୀରେ ରହିଛି।

 

 


Enter your email to get our daily news in your inbox.

All Right Reserved By Dharitri.Com

ଏନ୍‌ଏଚ୍‌-୩୭ ପ୍ରଶସ୍ତିକରଣ, କଟାଯିବ ୨,୫୦୦ ଗଛ…

ଗୁଆହାଟି, ୪।୪ : ଜାତୀୟ ରାଜପଥ (ଏନ୍‌ଏଚ୍‌)-୩୭ର ପ୍ରଶସ୍ତିକରଣ ପ୍ରକଳ୍ପ ପାଇଁ ଆସାମର ରାଜଧାନୀ ଗୁଆହାଟିରେ ପ୍ରାୟ ୨,୫୦୦ ଗଛ କଟାଯାଉଛି। ଜାତୀୟ ରାଜପଥ ୩୭ରେରେ...

ଅଭିଯୁକ୍ତ ଟିଉଶନ ସାର୍‌ ଗିରଫ

ଭୁବନେଶ୍ୱର/ ସମ୍ବଲପୁର,୨୩।୧୨(ବ୍ୟୁରୋ): ଭୁବନେଶ୍ୱର ବଡ଼ଗଡ଼ ଥାନା ଅଞ୍ଚଳରୁ ଦୁଇ ଛାତ୍ରୀଙ୍କୁ ଅପହରଣ କରି ନେଇଥିବା ଟିଉଶନ୍‌ ସାର୍‌ ଗୋପାଳକୃଷ୍ଣ ବାଡ଼ତିଆଙ୍କୁ ପୋଲିସ ସମ୍ବଲପୁର ଅଇଁଠାପାଲି ଅଞ୍ଚଳରୁ...

ଦିଲ୍ଲୀ ଅବକାରୀ ଦୁର୍ନୀତି: ପୁଣି ୩୫ ସ୍ଥାନରେ ଇଡି ଚଢାଉ

ନୂଆଦିଲ୍ଲୀ,୭।୧୦: ଦିଲ୍ଲୀରେ ହୋଇଥିବା ଅବକାରୀ ନୀତି ଦୁର୍ନୀତି ସହ ଜଡିତ ମନି ଲଣ୍ଡରିଂ ମାମଲାରେ ଏନଫୋର୍ସମେଣ୍ଟ ନିର୍ଦ୍ଦେଶାଳୟ(ଇଡି) ଟିମ୍‌ ସର୍ଚ୍ଚ ଅପରେସନ କରୁଛନ୍ତି। ଇଡି ଦଳ...

ପାଙ୍ଗୋଙ୍ଗ୍‌ରେ ଚାଇନା ବ୍ରିଜ

ବେଜିଂ, ୪ା୧: ଭାରତ-ଚାଇନା ସୀମାବିବାଦ ଥମୁ ନ ଥିବାବେଳେ ପୁଣି ଉତ୍ତେଜନା ସୃଷ୍ଟି କାରୀ କାର୍ଯ୍ୟ ଚଳାଇଛି ଚାଇନିଜ୍‌ ସେନା। ଭାରତ ସୀମା ନିକଟରେ ନିଜର...

୧୦ ଡିଗ୍ରୀ ତଳେ ୪ ସହର

ଭୁବନେଶ୍ୱର, ୨୯।୧୧(ବ୍ୟୁରୋ): ରାଜ୍ୟରେ ଧୀରେ ଧୀରେ କମୁଛି ପାରଦ। ଫଳରେ ବିଭିନ୍ନ ସ୍ଥାନରେ ଥଣ୍ଡା ଅନୁଭୂତ ହେଉଛି। ରବିବାର ରାତିରେ ୯ଟି ସହରରେ ତାପମାତ୍ରା ୧୦...

ଖେଳାଳିଙ୍କ ପାଇଁ ଦୁଇ ଦେଶ ମୁହାଁମୁହିଁ

ବ୍ରିସ୍‌ବେନ, ୭ା୧: ଟେନିସ ଷ୍ଟାର ଖେଳାଳି ନୋଭାକ୍‌ ଜୋକୋଭିଚଙ୍କ ପାଇଁ ଅଷ୍ଟ୍ରେଲିଆ ଏବଂ ସର୍ବିୟା ମୁହାଁମୁହିଁ ହୋଇଛନ୍ତି। ବର୍ତ୍ତମାନ ଜୋକୋଭିଚ୍‌ଙ୍କୁ ଅଷ୍ଟ୍ରେଲିଆରେ ପ୍ରବେଶ କରିବାକୁ ମନା...

୨ବର୍ଷ ପରେ ଝୁମିବ ରାଜଧାନୀ ରାତି: ରଙ୍ଗିନ ହେବ ଜିରୋ ନାଇଟ୍‌

ଭୁବନେଶ୍ୱର,୩୦।୧୨(ବ୍ୟୁରୋ): ନୂଆବର୍ଷକୁ ସ୍ବାଗତ କରିବା ପାଇଁ ପ୍ରସ୍ତୁତ ହୋଇଗଲାଣି ରାଜଧାନୀ ଭୁବନେଶ୍ୱର। ବିଶେଷକରି ଜିରୋ ନାଇଟ୍‌ ପାଇଁ ସବୁଠି ଉତ୍କଣ୍ଠା ଓ ଉତ୍ସାହ ବାରିହୋଇପଡିଲାଣି। ୨ବର୍ଷ...

ବିବାହ ପୂର୍ବରୁ ବାପା ହୋଇଥିଲେ ସବୁ କ୍ରିକେଟର୍‌

ବିଶ୍ୱ କ୍ରିକେଟରେ ଏପରି ଅନେକ କ୍ରିକେଟର ଅଛନ୍ତି, ଯେଉଁମାନେ ବିବାହ ପୂର୍ବରୁ ବାପା ହେବାର ସୌଭାଗ୍ୟ ହାସଲ କରିଛନ୍ତି। ଏହି କ୍ରିକେଟରମାନେ ବିବାହ ପୂର୍ବରୁ ନିଜ...

Advertisement
Archives

Model This Week