କୋରାପୁଟ,୫ା୬(ସ୍ବ.ପ୍ର.): କୋରାପୁଟ ସହରର ଜଣେ ବ୍ୟବସାୟୀଙ୍କ ବ୍ୟାଙ୍କ ଖାତାରୁ ୨୫ ଲକ୍ଷ ଟଙ୍କା ନେଇ ଜଣେ କର୍ମଚାରୀ ଫେରାର ହୋଇଯାଇଛନ୍ତି। ଏନେଇ ଟାଉନ ଥାନାରେ ଅଭିଯୋଗ ହୋଇଛି। ଅଭିଯୋଗକୁ ଭିତ୍ତି କରି ପୋଲିସ ଏକ ମାମଲା(ନଂ.୧୪୮/୨୨) ରୁଜୁ କରି ତଦନ୍ତ ଚାଲିିଥିବା ଥାନା ଅଧିକାରୀ ଧୀରେନ ପଟ୍ଟନାୟକ କହିଛନ୍ତି।
ଅଭିଯୋଗ ମୁତାବକ, ପୂଜାରିପୁଟ ଅଞ୍ଚଳର ଏସ୍.ମଣ୍ଡଳ ନାମକ ଜଣେ ଯୁବକ ଲିଙ୍ଗରାଜ ବେହେରାଙ୍କ ବ୍ୟବସାୟ ପ୍ରତିଷ୍ଠାନରେ କାମ କରୁଥିଲେ। ଏସ୍.ମଣ୍ଡଳ ଗତ ୩ ମାସ ହେଲା ତାଙ୍କର ସବୁ ଆୟବ୍ୟୟ ସହ ଏକାଧିକ ବ୍ୟାଙ୍କ ଖାତା ଦେଣନେଣ ବୁଝୁଥିଲେ। ଗତ ଶୁକ୍ରବାର ହଠାତ୍ ମଣ୍ଡଳ କାମ କରିବାକୁ ଆସି ନ ଥିଲେ। ଏପରିକି ତାଙ୍କର କୌଣସି ଖବର ମିଳି ନ ଥିଲା। ଏଭଳି ସ୍ଥିତିରେ ଲିଙ୍ଗରାଜଙ୍କ ବ୍ୟାଙ୍କ ଖାତାରୁ ୨୫ ଲକ୍ଷ ଟଙ୍କା ଉଠାଯାଇଥିବା ଜଣାପଡିିଥିଲା।
