କୋରାପୁଟ,୨୨ା୮(ସ୍ବ.ପ୍ର.): କୋରାପୁଟ ଜିଲାରେ ଶନିବାର ପୁଣି ୮୦ ପଜିଟିଭ୍ ଚିହ୍ନଟ ହୋଇଛନ୍ତି। ଏମାନଙ୍କ ମଧ୍ୟରେ ୫୦ ପୁରୁଷ ଏବଂ ୩୦ ମହିଳା ଅଛନ୍ତି। ଆଜି ଚିହ୍ନଟ ହୋଇଥିବା ପଜିଟିଭ୍ଙ୍କୁ ମିଶାଇ ଜିଲାରେ ମୋଟ୍ ଆକ୍ରାନ୍ତଙ୍କ ସଂଖ୍ୟା୨୪୩୦କୁ ବୃଦ୍ଧିପାଇଛି। ଆକ୍ରାନ୍ତମାନଙ୍କ ମଧ୍ୟରୁ ଟିଏମସିରୁ ୧୫ ଜଣ, ପୂର୍ବ ପଜିଟିଭ୍ଙ୍କ ସଂସ୍ପର୍ଶରେ ଆସି ୩୦ ଜଣ ଓ ୩୫ ଜଣ ସ୍ଥାନୀୟ ସଂକ୍ରମିତ ରହିଛନ୍ତି। ୧୦ ଜଣ ଆନ୍ଧ୍ରପ୍ରଦେଶ ଫେରନ୍ତା, ୪ ଜଣ ରାୟଗଡ଼ା ଫେରନ୍ତା, ଜଣେ ଭୁବନେଶ୍ୱର ଫେରନ୍ତା ରହିଛନ୍ତି। ସେହିପରି ଜିଲାର ୩ଟି ପୌରାଞ୍ଚଳରୁ ଚିହ୍ନଟ ୨୦ ଜଣଙ୍କ ମଧ୍ୟରେ ଜୟପୁର ମ୍ୟୁନିସିପାଲିଟିରୁ ୪, କୋରାପୁଟରୁ ୧୧, ସୁନାବେଡ଼ାରୁ ୩ ଓ କୋଟପାଡ଼ ଏନ୍ଏସିରୁ ୨ଜଣ ରହିଛନ୍ତି। ଗ୍ରାମାଞ୍ଚଳରୁ ଚିହ୍ନଟ ହୋଇଥିବା ୬୦ ଜଣଙ୍କ ମଧ୍ୟରେ ବନ୍ଧୁଗାଁରୁ ୧୧, ବୈପାରୀଗୁଡ଼ାରୁ ୨, ବୋରିଗୁମ୍ମାରୁ ୨, ଦଶମନ୍ତପୁରରୁ ୨, ଜୟପୁର ୬ ,କୋରାପୁଟ ୩, କୋଟପାଡ଼ ବ୍ଲକରୁ ଜଣେ, ଲମତାପୁଟ ବ୍ଲକର ୩, ଲକ୍ଷ୍ମୀପୁର ବ୍ଲକରୁ ୫, ନାରାୟଣପାଟଣାରୁ ୨, ପଟ୍ଟାଙ୍ଗିରୁ ୧୮ ଓ ସେମିଳିଗୁଡ଼ା ବ୍ଲକରୁ ୫ ଜଣ ଲେଖାଏ ପଜିଟିଭ୍ ଚିହ୍ନଟ ହୋଇଛନ୍ତି। ଅନ୍ୟପକ୍ଷରେ କରୋନା ଗାଇଡ୍ଲାଇନକୁ କଡ଼ାକଡ଼ି ଭାବେ ପାଳନ କରିବାକୁ ଜିଲାପାଳ ପୁଣି ଥରେ ଜିଲାବାସୀକୁ ପରାମର୍ଶ ଦେଇଛନ୍ତି।
