ମୁମ୍ବାଇ : ଅକ୍ଟୋବରର ଶେଷ ସପ୍ତାହରେ ରିଲିଜ ହୋଇଥିବା ଫିଲ୍ମଗୁଡ଼ିକ ବକ୍ସ ଅଫିସରେ ହିଟ୍ କରିବାକୁ ସକ୍ଷମ ହୋଇ ନାହିଁ। ଦର୍ଶକମାନେ ଫିଲ୍ମର କାହାଣୀ ଏବଂ ଷ୍ଟାର କାଷ୍ଟଙ୍କ ଅଭିନୟକୁ ପସନ୍ଦ କରି ନହାନ୍ତି। ଗତ ସପ୍ତାହରେରିଲିଜ ହୋଇଥିବା ଅଜୟ ଦେବଗନଙ୍କ ଥ୍ୟାଙ୍କ ଗଡ଼ ଏବଂ ଅକ୍ଷୟ କୁମାରଙ୍କ ରାମ ସେତୁ ବକ୍ସ ଅଫିସରେ ଏକ ସପ୍ତାହ ପୂରଣ କରିବା ସହିତ ଉଭୟ ଫ୍ଲପ ବର୍ଗରେ ଯୋଗ ଦେଇଛନ୍ତି। ନଭେମ୍ବରର ପ୍ରଥମ ସପ୍ତାହରେ ୨୩ ଫିଲ୍ମ ଏକାସାଙ୍ଗରେ ରିଲିଜ ହେବାକୁ ଯାଉଛି। ଯେଉଁଥିରେ ହରର, କମେଡି,ରୋମାନ୍ସ ଏବଂ ଆକ୍ସନ ଆଦି ଫିଲ୍ମ ରହିଛି।
ନଭେମ୍ବର ୪ ରେ ଗୋଟିଏ ନୁହେଁ, ଦୁଇଟି ନୁହେଁ, ସାତୋଟି ହିନ୍ଦୀ ଫିଲ୍ମ ରିଲିଜ୍ ହେବାକୁ ଯାଉଛି। ସେଥିମଧ୍ୟରୁ ଦୁଇଟି ପ୍ରସିଦ୍ଧ ବଲିଉଡ ଅଭିନେତ୍ରୀଙ୍କର ରହିଛି। ପ୍ରଥମଟି ହେଉଛି କ୍ୟାଟ୍ରିନା କୈଫ, ଇଶାନ ଖଟ୍ଟର ଏବଂ ସିଦ୍ଧାନ୍ତ ଚତୁର୍ବେଦୀଙ୍କ ହରର କମେଡି ଫୋନ ଭୁତ। ଦ୍ୱିତୀୟଟି ହେଉଛି ସୋନାକ୍ଷୀ ସିହ୍ନା ଏବଂ ହୁମା କୁରେଶିଙ୍କ ଫିଲ୍ମ ଡବଲ ଏକ୍ସଏଲ। ଏହା ବ୍ୟତୀତ ଜାନଭୀ କପୁରଙ୍କ ମିଲି, କୁତେ, ଧୁପ ଛାୟୋଁ ଏବଂ ରାମରାଜ୍ୟ।
ବନାରସ ସହିତ ଏହି ସପ୍ତାହରେ ଆଉ ୬ଟି ବଡ ତେଲୁଗୁ ଫିଲ୍ମ ରିଲିଜ କରୁଛି। ନଭେମ୍ବର 4 ରେ ଉର୍ବାଶିଭୋ ରାକ୍ଷଣିଭୋ’, ମିଷ୍ଟର ତାରକ, ସରାଧି, ଆକାଶମ, ଲାଇକ ଶେୟାର୍ ଆଣ୍ଡ ସବସ୍କ୍ରାଇବ ଏବଂ ଜେଟି ଆଦି ରିଲିଜ୍ ହେବ।
ତାମିଲ ଭାଷାରେ ବନାରସ ସହିତ ଆଉ ଦୁଇଟି ଫିଲ୍ମ ରିଲିଜ ହେବ। ସେଥିମଧ୍ୟରେ ନିଥମ ଓରୁ ଭାନାମି ଏବଂ ଲଭ ଟୁଡେ ରହିଛି।
ଏଥି ସହିତ କନ୍ନଡର ଦୁଇଟି ଫିଲ୍ମ ଏହି ସପ୍ତାହରେ ପ୍ରେକ୍ଷାଳୟରେ ମୁକ୍ତିଲାଭ କରିବାକୁ ଯାଉଛି। ଏଥିରେ ରୋମାଣ୍ଟିକ ଚଳଚ୍ଚିତ୍ର ବନାରସ ଏବଂ କାମ୍ବଲିହୁଲା ରହିଛି।
ଏହି ସପ୍ତାହରେ ମାଲାୟାଲମର ୪ଟି ସିନେମା ରିଲିଜ୍ ହେବ। ସେଥିମଧ୍ୟରେ ଶଟରଡେ ନାଇଟ, ବନାରସ, କୁମୈନ ଏବଂ ଏଲମ ସେଟ୍ଟନୁ ଆଦି ଫିଲ୍ମ ରହିଛି।
ସେହିପରି ମରାଠୀ ଫିଲ୍ମ ମଧ୍ୟରେ ମଧ୍ନ କସ୍ତୁରୀ ରେ, ପ୍ରେମ ପ୍ରଥା ଧୁମଶାନ’, ୩୬ ଗୁଣ, ପ୍ରେମ ମହଣଜେ କାୟ ଆସନ୍ତ ଏବଂ ପଲ୍ୟାଡ ଆଦି ମୁକ୍ତିଲାଭ କରିବାକୁ ଯାଉଛି।
ପଞ୍ଜାବୀ ଫିଲ୍ମ ଇଣ୍ଡଷ୍ଟ୍ରିର କେବଳ ଗୋଟିଏ ଫିଲ୍ମ ଏହି ସପ୍ତାହରେ ରିଲିଜ ହେବାକୁ ଯାଉଛି। ଏହା ଏକ ରୋମାଣ୍ଟିକ କମେଡି ଫିଲ୍ମ ଓଏ ମଖନା ରହିଛି। ଏହି ଚଳଚ୍ଚିତ୍ରରେ ଏମି ଭିର୍କ ମୁଖ୍ୟ ଭୂମିକାରେ ଅଛନ୍ତି।
