ବାହାନଗା, ୨୬।୬(ଡି.ଏନ.ଏ.) ଫାଇଲିନ ବାତ୍ୟାକୁ ପୂରିଲାଣି ୮ବର୍ଷ ୬ମାସ। ହେଲେ ଫାଇଲିନରେ କ୍ଷତିଗ୍ରସ୍ତ ପରିବାର ଲାଗି ରିଲିଫ୍ ବାବଦକୁ ଆସିଥିବା ୨ଶହରୁ ଊର୍ଦ୍ଧ୍ୱ କୁଇଣ୍ଟାଲ ଚାଉଳ ଏବେ ବି ପଞ୍ଚାୟତ ଗୋଦାମରେ ପଡିରହିଛି। ଏଭଳି ଘଟଣା ଘଟିଛି ବାଲେଶ୍ୱର ଜିଲା ବାହାନଗା ବ୍ଲକ ବାହାନଗା ପଞ୍ଚାୟତରେ।
ଅକ୍ଟୋବର ୧୨ତାରିଖରେ ଘୂର୍ଣ୍ଣିବାତ୍ୟା ଫାଇଲିନ୍ ଓଡିଶା ରାଜ୍ୟ ଉପକୂଳରେ ମାଡ଼ ହୋଇଥିଲା। ଏଥିରେ ବହୁ ଜନଜୀବନ ସମେତ ଘରଦ୍ୱାରା କ୍ଷତିଗ୍ରସ୍ତ ହୋଇଥିଲା। ଏହି ପରିପ୍ରେକ୍ଷୀରେ ସରକାର ବାତ୍ୟା ପରେ କ୍ଷତିଗ୍ରସ୍ତ ପରିବାରଙ୍କୁ ମାଗଣାରେ ରିଲିଫ୍ ବାବଦକୁ ଚାଉଳ ଯୋଗାଇ ଦେଇଥିଲେ। ଯୋଗାଣ ବିଭାଗ ମାଜିଷ୍ଟ୍ରେଟଙ୍କ ସାମ୍ନାରେ ପ୍ରତି ପଞ୍ଚାୟତକୁ ଶହ ଶହ କୁଇଣ୍ଟାଲ ଚାଉଳ ଲୋକଙ୍କୁ ବାଣ୍ଟିବା ପାଇଁ ଯୋଗାଇ ଦେଇଥିଲେ। ମାତ୍ର ସେହି ଚାଉଳ ଲୋକଙ୍କୁ ଦେବା ପରେ ଆହୁରି ୨ଶହରୁ ଊର୍ଦ୍ଧ୍ୱ କୁଇଣ୍ଟାଲ ଚାଉଳ କିପରି ବଳିଲା ତାହା ସାଧାରଣରେ ପ୍ରଶ୍ନବାଚୀ ସୃଷ୍ଟି ହୋଇଛି। ଫାଇଲିନ ହେବାର ୮ବର୍ଷ ୬ ମାସ ବିତିଯାଇଥିଲେ ମଧ୍ୟ ସେ ବାବଦକୁ ଆସିଥିବା ରିଲିଫ୍ ଚାଉଳ ଲୋକଙ୍କୁ ନ ବାଣ୍ଟି କ’ଣ ପାଇଁ ପଞ୍ଚାୟତରେ ଏବେ ଚାଉଳ ଗଚ୍ଛିତ ରଖାଯାଇଛି। ଯଦି କ୍ଷତିଗ୍ରସ୍ତ ଲୋକଙ୍କୁ ଚାଉଳ ବଣ୍ଟାଯାଇଛି ତା’ ହେଲେ ବଳକା ଚାଉଳ ଯୋଗାଣ ବିଭାଗକୁ କାହଁିକି ଫେରାଇ ଦିଆଯାଇନାହିଁ। ଏତେ ବର୍ଷ ହେଲାଣି ପଞ୍ଚାୟତ ଗୋଦାମରେ କ’ଣ ପାଇଁ ଗଚ୍ଛିତ ହୋଇରହିଛି। ପଞ୍ଚାୟତ ଗୋଦାମରେ ରହିଥିବା ଚାଉଳ ଏବେ ପୋକ ସାଲୁବାଲୁ ହୋଇ ନଷ୍ଟ ହୋଇଯିବଣି। ଅନ୍ୟପକ୍ଷରେ ଗୋଦାମ ଘର ଭିତରେ ମୂଷା ଓ ସାପ ରହିଥିବା ଅନୁମାନ କରାଯାଉଛି। କାରଣ ଗୋଦାମ ଘରର ଚାବି କାହାପାଖରେ ଅଛି ତାହା କେହି କହିପାରୁନାହାନ୍ତି ା ଗୋଦାମ କବାଟ ପାଖରେ ମୂଷା ତାଡି ମାଟି ଭର୍ତ୍ତି କରିଥିବା ଦେଖାଯାଉଛି। ଗଚ୍ଛିତ ଚାଉଳ ବାବଦରେ ବର୍ତ୍ତମାନର ସରପଞ୍ଚ ବ୍ରଜେନ୍ଦ୍ର କୁମାର ପଣ୍ଡା କହନ୍ତି ଗୋଦାମ ଘରର ଚାବି ମୋ ପାଖରେ ନାହିଁ ା ମୁଁ ଦାୟିତ୍ୱ ନେବା ପରେ ପୂର୍ବତନ ସରପଞ୍ଚଙ୍କୁ ଚାବି ବାବଦରେ ମାଗିବାରୁ ତାଙ୍କ ନିକଟରେ ନାହିଁ ବୋଲି କହିଥିଲେ। ଏ ବାବଦରେ ସରପଞ୍ଚ ବାହାନଗା ବିଡିଓ, ଜିଲାପାଳଙ୍କୁ ଲିଖିତ ଅଭିଯୋଗ କରିଥିଲେ ମଧ୍ୟ ଏଥିପ୍ରତି କେହି ପଦକ୍ଷେପ ନେଉନାହାନ୍ତି। ସରପଞ୍ଚ ପଣ୍ଡା ତା୨୩ା୫ା୨୨ରିଖରେ ବାଲେଶ୍ୱର ଜିଲାର ତକତ୍ାଳୀନ ଜିଲାପାଳ କେ. ସୁଦର୍ଶନ ଚକ୍ରବର୍ତ୍ତୀଙ୍କୁ ଲିଖିତ ଅଭିଯୋଗ କରିଥିଲେ ମଧ୍ୟ କେହି ଗୋଦାମ ଖୋଲି ଚାଉଳର ସ୍ଥିତ କଣ ସେ ବିଷୟରେ କିଛି ପଦକ୍ଷେପ ନେଉନାହାନ୍ତି। ଏ ବିଷୟରେ ବାହାନଗା ବିଡିଓ ଦାୟିତ୍ୱରେ ଥବା ସୋର ବିଡିଓ ସୁଶାନ୍ତ କୁମାର ବାରିକ କହନ୍ତି ମୁଁ ଦାୟିତ୍ୱ ନେବାର ୧୫ଦିନ ହୋଇଛି ସେ ବାବଦରେ କିଛି କହିପାରିବି ନାହିଁ। ମୋ ପାଖରେ କେହି କିଛି ଅଭିଯୋଗ କରିନାହାନ୍ତି ା ୨୦୧୩ରେ ଥିବା ବିଡିଓ ଓ ତହସିଲଦାରଙ୍କ ସମେତ ସରପଞ୍ଚ ସେମାନେ ଫାଇଲିନ୍ ଚାଉଳ ଗଚ୍ଛିତ ହୋଇ ରହିବା ବାବଦରେ ସମ୍ପୂର୍ଣ୍ଣ ତଥ୍ୟ ଦେଇପାରିବେ। ସରପଞ୍ଚ ପଣ୍ଡା କହନ୍ତି ଜିଲାପାଳଙ୍କୁ ଅଭିଯୋଗ କରିବା ପରେ କେହି କିଛି ବୁଝୁନାହାନ୍ତି ା
ତେବେ ମୁଁ ଖୁବ୍ଶୀଘ୍ର ଭୁବନେଶ୍ୱରକୁ ଯାଇ ଏସ୍ଆରସିଙ୍କଠାରେ ଅଭିଯୋଗ କରିବି ବୋଲି ପ୍ରକାଶ କରିଛନ୍ତି ା
