ଫୁଲବାଣୀ ଅଫିସ, ୨୧ା୨: ଜଣେ ନାବାଳିକାଙ୍କୁ ବଳାତ୍କାର କରିବା ଘଟଣାରେ ଫୁଲବାଣୀ ଅତିରିକ୍ତ ଜିଲା ଦୌରାଜଜ୍ ତଥା ସ୍ବତନ୍ତ୍ର ପୋକ୍ସୋ କୋର୍ଟ ବିଚାରପତି ସିତ କୁମାର ବେହେରା ମାମଲାର ବିଚାର କରି ସୋମବାର ଅଭିଯୁକ୍ତଙ୍କୁ ୨୦ ବର୍ଷ ସଶ୍ରମ କାରାଦଣ୍ଡରେ ଦଣ୍ଡିତ କରିଛନ୍ତି। ଏଥିସହ ତାଙ୍କୁ ୪୦ ହଜାର ଟଙ୍କା ଜରିମାନା କରାଯାଇଛି। ଜରିମାନା ଅନାଦାୟ ଅଧିକ ୧ ବର୍ଷ ଜେଲ ଭୋଗିବାକୁ ରାୟରେ ଉଲ୍ଲେଖ କରିଛନ୍ତି। ସେହିପରି ପୀଡ଼ିତାଙ୍କୁ ୬ ଲକ୍ଷ ଟଙ୍କାର କ୍ଷତିପୂରଣ ପ୍ରଦାନ ପାଇଁ ନିର୍ଦ୍ଦେଶ ଦିଆଯାଇଛି ା ଅଭିଯୁକ୍ତ ଜଣକ ହେଲେ ଫିରିଙ୍ଗିଆ ଥାନା ପବିଙ୍ଗିଆ ଗ୍ରାମର ସୁନୀଲ ଦିଗାଲ।
ସୂଚନା ଅନୁସାରେ, ଅଭିଯୁକ୍ତ ସୁନୀଲ ଏକ ଠିକା କମ୍ପାନୀର ଡ୍ରାଇଭର ଭାବେ କାର୍ଯ୍ୟ କରୁଥିଲେ। ରାଇକିଆ ଅଞ୍ଚଳର ନାବାଳିକାଙ୍କ ସହ ତାଙ୍କର ପରିଚୟ ହୋଇଥିଲା। ୨୦୧୯ ସେପ୍ଟେମ୍ବର ୩ ତାରିଖରେ ନାବାଳିକାଙ୍କ ଘରେ କେହି ନ ଥିଲେ। ସୁନୀଲ ଏହାର ସୁଯୋଗ ନେଇ ତାଙ୍କୁ ବାଇକ୍ରେ ବୁଲିବାକୁ ନେଇ ଯାଇଥିଲେ। ପରେ ସେ ପୀଡିତାଙ୍କୁ ନିଜ ଘରକୁ ନେଇଯାଇ ତାଙ୍କ ଇଚ୍ଛା ବିରୋଧରେ ଶାରୀରିକ ସମ୍ପର୍କ ରଖିଥିଲେ। ୧୨ ତାରିଖରେ ପୀଡିତା କୌଣସି ପ୍ରକାରେ ଘରକୁ ଫେରି ଆସି ନିଜ ଘରେ ପହଞ୍ଚତ୍ି ଘଟଣା ବିଷୟରେ ଘରଲୋକଙ୍କୁ ଜଣାଇଥିଲେ ା ଏ ନେଇ ତାଙ୍କ ବାପା ୧୩ ତାରିଖରେ ରାଇକିଆ ଥାନାରେ ଏତଲା ଦେଇଥିଲେ। ପୋଲିସ ନଂ.୬୧/୧୯ରେ ମାମଲା ରୁଜୁ କରି ସୁନୀଲଙ୍କୁ କୋର୍ଟ ଚାଲାଣ କରିଥିଲା। ଉପଯୁକ୍ତ ସାକ୍ଷ୍ୟ ପ୍ରମାଣକୁ ଭିତ୍ତିକରି ବିଚାରପତି ଉପରୋକ୍ତ ଦଣ୍ଡାଦେଶ ଦେଇଛନ୍ତି। ସରକାରଙ୍କ ପକ୍ଷରୁ ସ୍ବତନ୍ତ୍ର ପିପି ଅସୀମ ପ୍ରହରାଜ ମାମଲା
ପରିଚାଳନା କରୁଥିଲେ।
