ଗୁଆହାଟୀ,୨୯।୮: ଆସାମର ବାରପେଟା ଜିଲାରୁ ସୋମବାର ୨ ସନ୍ଦିଗ୍ଧ ଆତଙ୍କବାଦୀଙ୍କୁ ଗିରଫ କରାଯାଇଛି। ଗିରଫ ୨ ବ୍ୟକ୍ତି ହେଲେ ଆକବର ଅଲି ଏବଂ ଅବୁଲ କଲାମ ଆଜାଦ। ଉଭୟ ସନ୍ଦିଗ୍ଧ ବ୍ୟକ୍ତିଙ୍କ ଅଲ କାଏଦା ଭାରତୀୟ ଉପମହାଦେଶ (ଏଆଇକ୍ୟୁଏସ୍) ଏବଂ ଅନସରୁଲ୍ଲା ବଙ୍ଗଳା ଦଳ (ଏବିଟି) ସହ ଲିଙ୍କ ଥିବା ବାରପେଟା ଏନସି ଅମିତାଭ ସିହ୍ନା କହିଛନ୍ତି।
ସରକାରୀ ଜମିରେ ବେଆଇନ ଭାବେ ମଦ୍ରାସା ନିର୍ମାଣର ଉଚ୍ଛେଦ ପ୍ରକ୍ରିୟା ଚାଲିଥିଲା। ଗିରଫ ହୋଇଥିବା ଉଭୟ ସନ୍ଦିଗ୍ଧଙ୍କ ଲିଙ୍କ ମଧ୍ୟ ଏହି ମଦ୍ରାସା ସହିତ ରହିଛି ବୋଲି ପୋଲିସ ପକ୍ଷରୁ ସୂଚନା ଦିଆଯାଇଛି।
ଆତଙ୍କବାଦୀ ଲିଙ୍କ ମାମଲାରେ ରାଜ୍ୟରେ ଗତ ୧୦ ଦିନ ମଧ୍ୟରେ ପୋଲିସ ପ୍ରାୟ ୬ ଜଣଙ୍କୁ ଗିରଫ କରିଛି। ଏହାପୂର୍ବରୁ ଗୋଲପାରାରୁ ୪ ଜଣଙ୍କୁ ଗିରଫ କରାଯାଇଥିଲା।
