ଜୟପୁର,୨୦ା୭(ଡି.ଏନ୍.ଏ.): କୋରାପୁଟ ଜିଲା ଜୟପୁରସ୍ଥିତ ଜିଲା ଚିକିତ୍ସାଳୟର ୨ଜଣ ହେଲ୍ପ ଡେସ୍କରେ କାର୍ଯ୍ୟରତ ଅସ୍ଥାୟୀ ମହିଳା କର୍ମଚାରୀ କରୋନା ପଜିଟିଭ୍ ଚିହ୍ନଟ ହୋଇଛନ୍ତି। ଏ ନେଇ ତୁରନ୍ତ ଜିଲା ଚିକତ୍ସାଳୟକୁ ଆସନ୍ତା ୪୮ ଘଣ୍ଟା ଗୁରବାର ତ୍ପର୍ଯ୍ୟନ୍ତ ବନ୍ଦ କରାଯାଇଛି । ଏହି ସମୟରେ ଚିକିତ୍ସାଳୟର ସମସ୍ତ କକ୍ଷ, ଭବନ, କାର୍ଯ୍ୟାଳୟକୁ ସାନିଟାଇଜ୍ କରାଯାଇଛି ।
ଉକ୍ତ ୨ ମହିଳା କର୍ମଚାରୀଙ୍କ ସଂସ୍ପର୍ଶରେ ଆସିଥିବା ଅନ୍ୟାନ୍ୟ କର୍ମଚାରୀଙ୍କ କୋଭିଡ ପରୀକ୍ଷା କରାଯାଇଛି । ସମ୍ପୁର୍ଣ୍ଣ ଆଉଟ୍ଡୋରକୁ ବନ୍ଦ କରାଯାଇଛି। ଇନ୍ଡୋରରେ ଚିକତ୍ସିତ ୨୫ଜଣ ରୋଗୀଙ୍କ ମଧ୍ୟରୁ ପ୍ରାୟ ୧୦ରୁ ୧୨ଜଣ ଗୁରୁତର ଅବସ୍ଥାରେ କୋରାପୁଟ ସହୀଦ ଲକ୍ଷ୍ମଣ ନାୟକ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି । ଅନ୍ୟମାନଙ୍କୁ ଚିକିତ୍ସାଳୟରୁ ଡିସ୍ଚାର୍ଜ କରାଯାଇଛି । କେବଳ ସ୍ତ୍ରୀ ଓ ପ୍ରସୁତି ଏବଂ ଜରୁରୀକାଳୀନ ବିଭାଗ ଖୋଲାରହିବା ଆବଶ୍ୟକ ଅନୁଯାୟୀ ରୋଗୀଙ୍କ ଚିକିତ୍ସା କରାଯିବ ବୋଲି ସିଡିଏମ୍ଓ ଡା. ମକରନ୍ଦ ବେଉରା ସୂଚନା ଦେଇଛନ୍ତି ।
