ନୂଆଦିଲ୍ଲୀ, ୨୦।୭: ଓ୍ବେଷ୍ଟଇଣ୍ଡିଜ କ୍ରିକେଟ୍ ଦଳର ବିସ୍ଫୋରକ ବ୍ୟାଟ୍ସମ୍ୟାନ କିରନ ପୋଲାର୍ଡଙ୍କ ସ୍ତ୍ରୀ ଜିନ୍ନା ଅଲିଙ୍କ ମଧ୍ୟ କ୍ରୀଡ଼ାପ୍ରତି ଅହେତୁକ ଦୁର୍ବଳତା ରହିଛି। ସ୍ବାମୀଙ୍କୁ ସମର୍ଥନ କରିବା ପାଇଁ ଜିନ୍ନା ଅଧିକାଂଶ ମ୍ୟାଚ୍ରେ ଷ୍ଟାଡିୟମରେ ଉପସ୍ଥିତ ରହିଥିବାର ଦେଖିବାକୁ ମିଳେ। ୧୦ ଏପ୍ରିଲରେ ତ୍ରିନିଦାଦ ଆଣ୍ଡ୍ ଟୋବାଗରେ ଜନ୍ମଗ୍ରହଣ କରିଥିବା ୫ ଫୁଟ୍ ୮ ଇଞ୍ଚ ଉଚ୍ଚତା ବିଶିଷ୍ଟ ଜିନ୍ନା ୭ ବର୍ଷ କାଳ ପୋଲାର୍ଡଙ୍କ ସହ ଡେଟିଂ କରିବା ପରେ ଶେଷରେ ୨୦୧୨ରେ ବିବାହ ବନ୍ଧନରେ ଆବଦ୍ଧ ହୋଇଥିଲେ। ବିଶ୍ୱ କ୍ରିକେଟ୍ରେ ପୋଲାର୍ଡଙ୍କୁ ଜଣେ ବିସ୍ଫୋରକ ବ୍ୟାଟ୍ସମ୍ୟାନ ଭାବେ ସମସ୍ତେ ଜାଣନ୍ତି। କିନ୍ତୁ ଖୁବ୍ କମ୍ ଲୋକ ତାଙ୍କ ସ୍ତ୍ରୀ’ଙ୍କ ବିଜନେସ ସମ୍ପର୍କରେ ଜାଣିଥିବେ। ତେବେ ଜିନ୍ନା ମଧ୍ୟ ଜଣେ ସଫଳ ବିଜନେସଓମ୍ୟାନ। ସ୍ପୋଟର୍ସ ସହିତ ଜଡ଼ିତ ବ୍ୟବସାୟରେ ସେ ଜଣେ ପରିଚିତ ନାମ। ନିଜ ସହର ଟାକାରିଗୁଆରେ ଜିନାଙ୍କର ଏକ ସ୍ପୋଟର୍ସ ଉପକରଣ କମ୍ପାନୀ ରହିଛି। ତାଙ୍କ ବ୍ରାଣ୍ଡ୍ର ନାମ କେଜେ ସ୍ପୋଟର୍ସ ଆଣ୍ଡ୍ ଆକ୍ସେସୋରିଜ ଲିମିଟେଡ୍। ଏହା ଏକ ସଫଳ କ୍ରୀଡ଼ା ଉପକରଣ କମ୍ପାନୀ। ବ୍ୟବସାୟ ବାଦ୍ ଜିନ୍ନା ସୋସିଆଲ ମିଡିଆରେ ଜଣେ ଷ୍ଟାର୍ଙ୍କଠାରୁ କିଛି କମ୍ ନୁହେଁ। ପ୍ରାୟତଃ ଜିନା ନିଜର ବୋଲ୍ଡ ଓ ସୁନ୍ଦର ଫଟୋ ସହିତ ସୋସିଆଲ ମିଡିଆରେ ପ୍ରାଧାନ୍ୟ ବିସ୍ତାର କରିଛନ୍ତି।
