ଖଇରା, ୭ା୧୧(ଡି.ଏନ.ଏ.):ବାଲେଶ୍ୱର ଜିଲା ଖଇରା ବ୍ଲକ ସାରଡାଙ୍ଗ ଗ୍ରାମ ପଞ୍ଚାୟତ ଅଧୀନ ମିର୍ଜାପୁର ଗ୍ରାମ ନିକଟରେ ଥିବା ପଏଣ୍ଟ-୨ ଉଠା ଜଳସେଚନ ପ୍ରକଳ୍ପ ନିର୍ମାଣ ପାଇଁ ୧୭ଲକ୍ଷ ଖର୍ଚ୍ଚ ପରେ ମଧ୍ୟ କାମରେ ଲାଗୁନି। ବର୍ତ୍ତମାନ ଆସନ୍ନ ମରୁଡି ପରିସ୍ଥିତିରେ ଜମିକୁ ପାଣି ମାଡ଼ି ପାରୁ ନ ଥିବାରୁ ଶତାଧିକ ଚାଷୀ ଗଭୀର ଅସନ୍ତୋଷ ପ୍ରକାଶ କରିଛନ୍ତି। ତୁରନ୍ତ ମରାମତି କରା ନ ଗଲେ ଚାଷୀମାନେ ଆନ୍ଦୋଳନକୁ ଓହ୍ଲାଇବେ ବୋଲି ମିର୍ଜାପୁର ଗ୍ରାମର ଚାଷୀ କେଶବ ଚନ୍ଦ୍ର ନାୟକ, ସନାତନ ବାରିକ, ପୂର୍ଣଚନ୍ଦ୍ର ବାରିକ, ଉମାକାନ୍ତ ନାୟକ, ଭାଗିରଥୀ ପତି, ସନାତନ ଖୁଣ୍ଟିଆ ପ୍ରମୁଖ ଚେତାବନୀ ଦେଇଛନ୍ତି। ଉକ୍ତ ପ୍ରକଳ୍ପଟି ୧୦ବର୍ଷ ତଳେ ନିର୍ମାଣ ହୋଇଥିବା ବେଳେ ଏବେ ଅଚଳ ହୋଇ ପଡ଼ିଥିବାରୁ ଚାଷୀମାନେ ପୁନନିର୍ମାଣ ପାଇଁ ଅଭିଯୋଗ କରିଥିଲେ ା ପୁନଶ୍ଚ ୮ମାସ ତଳେ ୧୭ଲକ୍ଷ ୩୦ହଜାର ଟଙ୍କା ଖର୍ଚ୍ଚ କରାଯାଇ ଏହାକୁ ପୁନନିର୍ମାଣ କରାଯାଇଥିଲା। ପାଖାପାଖି ୧୦ଏକର ଚାଷ ଜମିକୁ ପାଣି ମଡ଼ାଇବାକୁ ଲକ୍ଷ୍ୟ ରଖାଯାଇଥିଲା ା ହେଲେ ଖର୍ଚ୍ଚ ହେବା ପରଠାରୁ ଦିନେ ବି ପାଣି ମାଡ଼ି ନ ଥିବା ନେଇ ଚାଷୀମାନେ କହିଛନ୍ତି। କିଛି ଦିନ ତଳେ ଚାଷୀମାନେ ବିଭାଗୀୟ ଅଧକାରୀଙ୍କଠାରେ ଅଭିଯୋଗ କରିବା ପରେ ମରାମତି କରାଯାଇଥିଲା। ହେଲେ ଦିନେ ଚାଲିବା ପରେ ପୁଣି ଅଚଳ ହୋଇ ରହିଛି। ଏବେ ପାଣି ଶୁଖି ଜମି ଫାଟିଲାଣି। ଏ ସମ୍ପର୍କରେ ଉଠା ଜଳସେଚନ ବିଭାଗର ସହକାରୀ ଯନ୍ତ୍ରୀ ସୁରେଶ ଚନ୍ଦ୍ର ଦେଙ୍କୁ ପଚାରିବାରୁ ଚାଷୀମାନଙ୍କ ଅଭିଯୋଗ ପରେ ମରାମତି ହୋଇଥିଲା ା ଏବେ ପୁନର୍ବାର ଯଦି ଅଚଳ ହୋଇଛି ପୁଣିଥରେ ସଜାଡାଯିବାକୁ ଉଦ୍ୟମ କରାଯିବ ବୋଲି ସେ କହିଛନ୍ତି ା
