ଲକ୍ଷ୍ନୌ, ୨୩।୯: ଉତ୍ତର ପ୍ରଦେଶ ଅଯୋଧ୍ୟା ଶହନଓ୍ବାଜପୁର ଜଗବୀର କୋରି ସ୍ତ୍ରୀ ପୂଜା ମୁସଲମାନ ସମ୍ପ୍ରଦାୟର ହୋଇଥିବା ବାହାଘରର ୧୨ ବର୍ଷ ପରେ ଜାଣିବାକୁ ପାଇଛନ୍ତି। ସ୍ତ୍ରୀଙ୍କ ପ୍ରକୃତ ନାମ ହସିନା ବନୋ। ସ୍ତ୍ରୀ ଓ ଶ୍ୱଶୁରଘର ଲୋକେ ତାଙ୍କୁ ଧର୍ମ ପରିବର୍ତ୍ତନ ପାଇଁ ଧମକାଉଥିବା ନେଇ ଜଗବରୀର ଥାନାରେ ଅଭିଯୋଗ କରିଛନ୍ତି। କିଛିବର୍ଷ ପୂର୍ବେ ହସିନା କେତେଜଣ ପିଲାଙ୍କୁ ଇସ୍ଲାମ ପାଠ ପଢ଼ାଉଥିବା ସ୍ବାମୀ ଜାଣିବାକୁ ପାଇଥିଲେ। ଏ ସମ୍ପର୍କରେ ସ୍ତ୍ରୀଙ୍କୁ ପଚାରିବାରୁ ଦୁହିଁଙ୍କ ମଧ୍ୟରେ ଝଗଡ଼ା ହୋଇଥିଲା ଓ ହସିନା ଘରଛାଡ଼ି ତାଙ୍କ ବାପ ଘରକୁ ଚାଲିଯାଇଥିଲେ। କିଛିଦିନ ପରେ ହସିନା ପୁଣି ଜଗବୀରଙ୍କ ପାଖକୁ ଫେରିଥିଲେ। ମାମୁଁଘରୁ ଫେରିବା ପରେ ପୁଅର ଯୋନ୍ୟକୁୁର କଟାଯାଇଥିବା ବାପା ଜଗବୀର ଜାଣିବାକୁ ପାଇଲେ। ଏହାପରେ ହସିନାଙ୍କ ପରିବାର ଲୋକେ ଜଗବୀରଙ୍କୁ ଧର୍ମ ପରିବର୍ତ୍ତନ କରିବା ପାଇଁ ସ୍ଥାନୀୟ ଗୁଣ୍ଡା ନସୀରଙ୍କୁ ତାଙ୍କ ପଛରେ ଲଗାଇଦେଲେ। ଯଦି ଜଗବୀର ମୁସଲମାନ ଧର୍ମ ଗ୍ରହଣ ନ କରନ୍ତି ତେବେ ତାଙ୍କ ମୁଣ୍ଡ ଗଣ୍ଡିରୁ ଅଲଗା କରିବାର ଧମକ ସେ ଦେଉଥିଲେ। ଅଭିଯୋଗ ପରେ ସ୍ଥାନୀୟ ପୋଲିସ ନସୀରଙ୍କୁ ଗିରଫ କରିନେଇଛି। ୧୨ ବର୍ଷ ପୂର୍ବେ ଏକ ରେଳ ଷ୍ଟେଶନ୍ରେ ଜଗବୀର ହସିନାଙ୍କ ଭେଟ ହୋଇଥିଲା। ହସିନା ଜଣେ ଅସହାୟ ବୋଲି କହିବା ପରେ ଜଗବୀର ତାଙ୍କୁ କୋର୍ଟରେ ବିବାହ କରିଥିଲେ। ଦୁହିଁଙ୍କର ଦୁଇଟି ସନ୍ତାନ ଅଛନ୍ତି।
