ଗୁଜୁରାଟର ୧୧ ବର୍ଷୀୟ ବାଳକ ହାର୍ଦ୍ଦିକ ରଘୁବଂଶୀଙ୍କର ବହୁତ ଇଛା ଥିଲା ଦିନେ ଗିନିଜ ଓ୍ବାର୍ଲଡ ରେକର୍ଡସ୍ରେ ସ୍ଥାନ ପାଇବେ। ନିଜ ମନର ଏଇ କଥାକୁ ସେ ବାପାଙ୍କୁ ଜଣାଇଥିଲେ। ବାପା ଖୁସି ହେବା ସହ ଆଶ୍ଚର୍ଯ୍ୟ ହୋଇ ପଚାରିଲେ, ‘ରେକର୍ଡ କରିବା ପାଇଁ କ’ଣ କରିପାରିବୁ?’ ହାର୍ଦ୍ଦିକ ସେଦିନ କହିଲେ ‘ମୁଁ କାଷ୍ଟର୍ ବୋର୍ଡରେ ୩୬୦ଂ ସ୍ପିନ୍ କରି ରେକର୍ଡ କରିବାକୁ ଚେଷ୍ଟା କରିବି। ’ ଏହି ଉତ୍ତରରେ ବାପା କହିଲେ, ‘ହେଲେ ତୁ ତ ଏଥିପାଇଁ ତାଲିମ ନେଇନୁ।’ ହାର୍ଦ୍ଦିକ କହିଲେ,‘ ନିଜେ ଅଭ୍ୟାସ କରି ଚେଷ୍ଟା କରିବି ରେକର୍ଡ କରିବାକୁ।’ ଏହାପରଠାରୁ ହାର୍ଦ୍ଦିକ କାଷ୍ଟର ବୋର୍ଡରେ ଅଭ୍ୟାସ କରିବା ଜାରି ରଖିଲେ। କାଷ୍ଟର୍ ବୋର୍ଡ ସ୍କେଟ ବୋର୍ଡ ଭଳି କିନ୍ତୁ ଏଥିରେ ଦୁଇଟି ଚକ ଥାଏ। ଏହାର ଆକାର ତରଙ୍ଗ ପରି। ଆଉ ଖୁବ୍ ଦ୍ରୁତ ବେଗରେ ଗଡିଥାଏ। ଏହି ବୋର୍ଡରେ ସେ ଲଗାତାର ଅଭ୍ୟାସ ଜାରି ରଖିଲେ। ପୂର୍ବରୁ କାଲିଫର୍ନିଆର ଜାଭିୟର ଲୋପେଜକାଷ୍ଟର ବୋର୍ଡରେ ୧୮ ରାଉଣ୍ଡ ଘୁରି ରେକର୍ଡ କରିଛନ୍ତି। ତେଣୁ ତା’ଠୁ ଅଧିକ ରାଉଣ୍ଡକରି ରେକର୍ଡ କରିବାକୁ ହାର୍ଦ୍ଦିକ ଲକ୍ଷ୍ୟ ରଖିଲେ। ଆଉ ଶେଷରେ ସେ କାଷ୍ଟର୍ ବୋର୍ଡରେ ଏକ ମିନିଟ୍ରେ ୨୨ ଥର ସ୍ପିନ କରି ରେକର୍ଡ କଲେ।
