ଡେଲାଙ୍ଗ/ପିପିଲି, ୧୪।୩ (ଡି.ଏନ୍.ଏ./ସ୍ବ.ପ୍ର.): ଡେଲାଙ୍ଗ ବ୍ଲକ ଅନ୍ତର୍ଗତ ବେରବୋଇସ୍ଥିତ ମେଳନ ପଡ଼ିଆରେ ଶନିବାର କଂଗ୍ରେସ ପକ୍ଷରୁ ଗାନ୍ଧିଜୀଙ୍କ ଓଡ଼ିଶା ଆଗମନ ଏବଂ ଓଡ଼ିଶାରେ କଂଗ୍ରେସର ୧୦୦ବର୍ଷ ପୂର୍ତ୍ତି ଅବସରରେ ଗାନ୍ଧୀପୀଠରୁ ପିପିଲିର ଦାଣ୍ଡମୁକୁନ୍ଦପୁରକୁ ଐତିହାସିକ ପଦଯାତ୍ରାର ଉଦ୍ଘାଟନ ହୋଇଯାଇଛି। ଏଥିରେ ମୁଖ୍ୟଅତିଥି ଭାବେ ପିସିସି ସଭାପତି ନିରଞ୍ଜନ ପଟ୍ଟନାୟକ ଯୋଗଦେଇ ଗାନ୍ଧୀଙ୍କ ନୀତି ଆଦର୍ଶରେ ଅନୁପ୍ରାଣୀତ ହୋଇ ଦେଶକୁ ରକ୍ଷା କରିବା ପାଇଁ ଆହ୍ବାନ ଦେଇଥିଲେ। କାର୍ଯ୍ୟକ୍ରମକୁ ପୁରୀ ଜିଲା ସଭାପତି ଅଜିତ ମଙ୍ଗରାଜ ସଭାପତିତ୍ୱ କରିଥିବା ବେଳେ ପୂର୍ବତନ ମନ୍ତ୍ରୀ ପଞ୍ଚାନନ କାନୁନ୍ଗୋ, ପୁରୀ ଜିଲା ପ୍ରଭାରୀ ବିଜୟଲକ୍ଷ୍ମୀ ସାହୁ, ଗଣେଶ୍ୱର ବେହେରା, ପ୍ରସାଦ ହରିଚନ୍ଦନ, ଜଟଣୀ ବିଧାୟକ ସୁରେଶ ରାଉତରାୟ, ପୂର୍ବତନ ବିଧାୟକ ବିପିନି ଦାଶ, ରାଜ୍ୟ ମୁଖପାତ୍ର ନିଶିକାନ୍ତ ମିଶ୍ର ପ୍ରମୁଖ ଯୋଗଦେଇ ମହାମତ୍ା ଗାନ୍ଧୀଙ୍କ ପ୍ରର୍ତିମୂର୍ତ୍ତିରେ ମାଲ୍ୟାର୍ପଣ କରିଥିଲେ। ଅତିଥିମାନେ ସେଠାରେ ଥିବା ମାତା କସ୍ତୁରବା ସେବା କେନ୍ଦ୍ରକୁ ପରିଦର୍ଶନ କରିଥିଲେ। ପରେ ସଭାରେ ଯୋଗଦେଇ ସମାଜକୁ ଭ୍ରଷ୍ଟାଚାରରୁ ରକ୍ଷା କରିବା ପାଇଁ ରାମରାଜ୍ୟ ଗଠନ କରିବା ଏହି ପଦଯାତ୍ରାର ଲକ୍ଷ୍ୟ ବୋଲି ଅତିଥିମାନେ ମତପ୍ରକାଶ କରିଥିଲେ। ସେହିପରି ଡେଲାଙ୍ଗ ହେଉଛି ଗଡ଼ଜାତର ମାଟି। ଏହି ମାଟିକୁ ୧୯୩୮ରେ ଜାତିର ପିତା ମହାମତ୍ାଗାନ୍ଧୀ ୪ର୍ଥ ସମ୍ମିଳନୀରେ ଯୋଗଦେବାକୁ ଆସି ବେରବୋଇରେ ୭ ଦିନ ରହିଥିଲେ। ଏହି ଗଡ଼ଜାତ ମାଟିରେ ବୀରତ୍ୱ ରହିଛି, ଏହି ମାଟିରେ ପାଣିଦେଲେ ଅନେକ ବୀର ଜନ୍ମନେବେ ବୋଲି ପିସିସି ପୂର୍ବତନ ସଭାପତି ପ୍ରସାଦ ହରିଚନ୍ଦନ ମତବ୍ୟକ୍ତ କରିଥିଲେ। ସେହିପରି ଯୋଗଦେଇଥିବା ନେତାମାନେ କେନ୍ଦ୍ର ଓ ରାଜ୍ୟ ସରକାରଙ୍କ ଚାଷୀମାରଣ ନୀତି ବିରୋଧରେ ନାରାବାଜି ଦେଇଥିଲେ। ପରେ ଦଳ ପକ୍ଷରୁ ବେରବୋଇଠାରୁ ପଦଯାତ୍ରା କରି ଦାଣ୍ଡ ମୁକୁନ୍ଦପୁରଠାରେ ପହଞ୍ଚିଥିଲା। ସେଠାରେ ଏକ ସଭାର ଆୟୋଜନ କରାଯାଇଥିଲା। ପୂର୍ବତନ ମନ୍ତ୍ରୀ ପଞ୍ଚାନନ କାନୁନ୍ଗୋଙ୍କ ଦ୍ୱାରା ଲିଖିତ ଉକତ୍ଳରେ ଗାନ୍ଧିଜୀ ଓ କଂଗ୍ରେସ ପୁସ୍ତକର ଉନ୍ମୋଚନ ଅତିଥିମାନେ କରିଥିଲେ। ଅନ୍ୟ ଅତିଥି ଭାବେ ପଦ୍ମକର ଗୁରୁ, ରାଜ୍ୟ ମହିଳା ସମ୍ପାଦିକା ନିରୁପମା ପାତ୍ର, ମହିଳା କଂଗ୍ରେସ ନେତ୍ରୀ ରଶ୍ମିତା ପାତ୍ର, ପିସିସି ସଦସ୍ୟ ଶୁଭେନ୍ଦୁ ମହାନ୍ତି, ଅମିୟ ପଟ୍ଟନାୟକ, ରଜତ ଚୌଧୂରୀ, ଅଜିତ ଗିରି, ବିଶ୍ୱଭୂଷଣ ଦାସ, ଜିଲା ଉପସଭାପତି ବିରେନ୍ଦ୍ରଭୂଷଣ ହୋତା, ଡେଲାଙ୍ଗ ବ୍ଲକ ସଭାପତି ରବୀନ୍ଦ୍ର ଦାସ, ପୂର୍ବତନ ସଭାପତି ଦେବ ପ୍ରସାଦ ରାଉତ, ଯୁବନେତା ବିଶ୍ୱରଞ୍ଜନ ବଳବନ୍ତରାୟଙ୍କ ସମେତ ଶତାଧିକରୁ ଊର୍ଦ୍ଧ୍ୱ ଦଳୀୟ କର୍ମୀ ସାମିଲ ହୋଇଥିଲେ।
