ମହାକାଳପଡ଼ା,୫ା୧୨(ଡି.ଏନ୍.ଏ.): ମହାକାଳପଡ଼ା ବ୍ଲକ ଅଞ୍ଚଳରେ ବାତ୍ୟା ଭୟ ଲାଗି ରହିଛି। ପାଣିପାଗ ବିଭାଗ ସୂଚନା ଅନୁଯାୟୀ, ବାତ୍ୟା ପ୍ରଭାବରେ ସମୁଦ୍ରରେ ଉଚ୍ଚ ଜୁଆର ଉଠି କୂଳ ଅଭିମୁଖେ ମାଡ଼ି ଆସିବ। ତେବେ ବ୍ଲକର ସମୁଦ୍ର ଉପକୂଳ ଅଞ୍ଚଳରେ ୧୦ଟି ସୁନାମୀ ଟାୱାର ଆଲର୍ଟ କେନ୍ଦ୍ର ୨୦୧୮ରେ ସ୍ଥାପନ କରାଯାଇଛି। ତନ୍ତିଆପାଳ, ଶାସନ, ରଟପଙ୍କ, ନରସିଂହପୁର, କଣ୍ଡରାପାଟିଆ, ଉତ୍ତର ଜମ୍ବୁ, ଜମ୍ବୁ ଲକ୍ ମତ୍ସ୍ୟଜେଟି ନିକଟ, ବତୀଘର ପଞ୍ଚାୟତର ବଡଟୁବି, ଦକ୍ଷିଣ ବରକୋଳିଖୋଳା, କଜଳପାତିଆ ସହିତ ବ୍ଲକର ମୂଖ୍ୟ କାର୍ଯ୍ୟାଳୟ ପରିସରରେ ସୁନାମୀ ସତର୍କ ସୂଚନା କେନ୍ଦ୍ର ରହିଛି। ସମୁଦ୍ରରେ ଉଚ୍ଚ ଜୁଆର ବା ସୁନାମୀ ଆସିବାର ୪୫ ମିନିଟ୍ ପୂର୍ବରୁ ୨ କି.ମି.ଦୂରତା ପର୍ଯ୍ୟନ୍ତ ସାଇରନ ବାଜିବ। ଏହି ସତର୍କ ସୂଚନା ମିଳିବା ପରେ ସ୍ଥାନୀୟ ଲୋକମାନେ ଉଚ୍ଚ ସ୍ଥାନକୁ ଯାଇ ଜୀବନ ରକ୍ଷା କରିପାରିବେ।
ଅନ୍ୟପକ୍ଷେ ସାମ୍ଭାବ୍ୟ ବାତ୍ୟା ମୁକାବିଲା ପାଇଁ ବ୍ଲକ ପ୍ରଶାସନ ପକ୍ଷରୁ ଉପକୂଳ ଅଞ୍ଚଳରେ ବିଭିନ୍ନ ବର୍ଗର କର୍ମଚାରୀଙ୍କୁ ମୁତୟନ କରାଯାଇଛି। ବହୁମୁଖୀ ବାତ୍ୟା ଆଶ୍ରୟସ୍ଥଳରେ ରୋଗୀ, ଗର୍ଭବତୀ, ଶିଶୁ, ଅସହାୟ ମହିଳା, ଦିବ୍ୟାଙ୍ଗ, ବୃଦ୍ଧାବୃଦ୍ଧଙ୍କୁ ଥଇଥାନ କରିବାକୁ ବ୍ୟବସ୍ଥା କରାଯାଇଛି। ସେମାନଙ୍କୁ ଶୁଖିଲା ଖାଦ୍ୟ ଓ ପାନୀୟ ଜଳ ଯୋଗାଣ ପାଇଁ କୁହାଯାଇଛି। ବିଶେଷ କରି ବ୍ଲକର କଣ୍ଡରାପାଟିଆ ଗ୍ରାମବାସୀ ଆତଙ୍କିତ ଅବସ୍ଥାରେ ଅଛନ୍ତି। ଏ ସମ୍ପର୍କରେ ବିଡ଼ିଓ ଦେବାଶିଷ ରାଉତ କହିଛନ୍ତି, ସାମ୍ଭବ୍ୟ ବାତ୍ୟାର ମୁକାବିଲା ପାଇଁ ପ୍ରଶାସନ ପ୍ରସ୍ତୁତ ରହିଛି। କେହି ଯେମିତି ମୃତାହତ ନ ହୁଅନ୍ତି ସେଥିପ୍ରତି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛିମହାକାଳପଡ଼ା,୫ା୧୨(ଡି.ଏନ୍.ଏ.)
ମହାକାଳପଡ଼ା ବ୍ଲକ ଅଞ୍ଚଳରେ ବାତ୍ୟା ଭୟ ଲାଗି ରହିଛି। ପାଣିପାଗ ବିଭାଗ ସୂଚନା ଅନୁଯାୟୀ, ବାତ୍ୟା ପ୍ରଭାବରେ ସମୁଦ୍ରରେ ଉଚ୍ଚ ଜୁଆର ଉଠି କୂଳ ଅଭିମୁଖେ ମାଡ଼ି ଆସିବ। ତେବେ ବ୍ଲକର ସମୁଦ୍ର ଉପକୂଳ ଅଞ୍ଚଳରେ ୧୦ଟି ସୁନାମୀ ଟାୱାର ଆଲର୍ଟ କେନ୍ଦ୍ର ୨୦୧୮ରେ ସ୍ଥାପନ କରାଯାଇଛି। ତନ୍ତିଆପାଳ, ଶାସନ, ରଟପଙ୍କ, ନରସିଂହପୁର, କଣ୍ଡରାପାଟିଆ, ଉତ୍ତର ଜମ୍ବୁ, ଜମ୍ବୁ ଲକ୍ ମତ୍ସ୍ୟଜେଟି ନିକଟ, ବତୀଘର ପଞ୍ଚାୟତର ବଡଟୁବି, ଦକ୍ଷିଣ ବରକୋଳିଖୋଳା, କଜଳପାତିଆ ସହିତ ବ୍ଲକର ମୂଖ୍ୟ କାର୍ଯ୍ୟାଳୟ ପରିସରରେ ସୁନାମୀ ସତର୍କ ସୂଚନା କେନ୍ଦ୍ର ରହିଛି। ସମୁଦ୍ରରେ ଉଚ୍ଚ ଜୁଆର ବା ସୁନାମୀ ଆସିବାର ୪୫ ମିନିଟ୍ ପୂର୍ବରୁ ୨ କି.ମି.ଦୂରତା ପର୍ଯ୍ୟନ୍ତ ସାଇରନ ବାଜିବ। ଏହି ସତର୍କ ସୂଚନା ମିଳିବା ପରେ ସ୍ଥାନୀୟ ଲୋକମାନେ ଉଚ୍ଚ ସ୍ଥାନକୁ ଯାଇ ଜୀବନ ରକ୍ଷା କରିପାରିବେ।
ଅନ୍ୟପକ୍ଷେ ସାମ୍ଭାବ୍ୟ ବାତ୍ୟା ମୁକାବିଲା ପାଇଁ ବ୍ଲକ ପ୍ରଶାସନ ପକ୍ଷରୁ ଉପକୂଳ ଅଞ୍ଚଳରେ ବିଭିନ୍ନ ବର୍ଗର କର୍ମଚାରୀଙ୍କୁ ମୁତୟନ କରାଯାଇଛି। ବହୁମୁଖୀ ବାତ୍ୟା ଆଶ୍ରୟସ୍ଥଳରେ ରୋଗୀ, ଗର୍ଭବତୀ, ଶିଶୁ, ଅସହାୟ ମହିଳା, ଦିବ୍ୟାଙ୍ଗ, ବୃଦ୍ଧାବୃଦ୍ଧଙ୍କୁ ଥଇଥାନ କରିବାକୁ ବ୍ୟବସ୍ଥା କରାଯାଇଛି। ସେମାନଙ୍କୁ ଶୁଖିଲା ଖାଦ୍ୟ ଓ ପାନୀୟ ଜଳ ଯୋଗାଣ ପାଇଁ କୁହାଯାଇଛି। ବିଶେଷ କରି ବ୍ଲକର କଣ୍ଡରାପାଟିଆ ଗ୍ରାମବାସୀ ଆତଙ୍କିତ ଅବସ୍ଥାରେ ଅଛନ୍ତି। ଏ ସମ୍ପର୍କରେ ବିଡ଼ିଓ ଦେବାଶିଷ ରାଉତ କହିଛନ୍ତି, ସାମ୍ଭବ୍ୟ ବାତ୍ୟାର ମୁକାବିଲା ପାଇଁ ପ୍ରଶାସନ ପ୍ରସ୍ତୁତ ରହିଛି। କେହି ଯେମିତି ମୃତାହତ ନ ହୁଅନ୍ତି ସେଥିପ୍ରତି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି।
