ଦବଙ୍ଗ ଷ୍ଟାର ସଲମାନ୍ ଖାନ୍ ସରୋଗେସୀ ମାଧ୍ୟମରେ ବାପା ହେବାକୁ ଚାହୁଁଛନ୍ତି। ଗତ କିଛି ଦିନ ହେବ ଏହି ଖବର ଖୁବ୍ ଚର୍ଚ୍ଚାରେ ରହିଛି। ୫୩ ବର୍ଷିୟ ସଲମାନ୍ ଆଜି ପର୍ଯ୍ୟନ୍ତ ଅବିବାହିତ। ସେ କେବେ ବିବାହ କରିବେ ସେଥିପାଇଁଁ ପ୍ରଶଂସକମାନେ ଚାହିଁ ବସିଛନ୍ତି। ନିକଟରେ ସଲମାନ୍ ତାଙ୍କର ଆଗାମୀ ସିନେମା ‘ଭାରତ’ର ପ୍ରମୋଶନ ଅବସରରେ ଏକ ଖୁଲାସା କରିଛନ୍ତି। ମୁଁ ପିଲା ଚାହୁଁଛି ମାତ୍ର ସ୍ତ୍ରୀ ନୁହେଁ। ପିଲାକୁ ତା’ର ମା’ ନିହାତି ଦରକାର। ହେଲେ ମୋ’ ପାଖରେ ପିଲାର ଦେଖାଶୁଣା ପାଇଁ ପୁରା ଗାଁ ରହିଛି ବୋଲି ସଲମାନ୍ କହିଛନ୍ତି। ପୂର୍ବରୁ ଏକ ସାକ୍ଷାତକାରରେ ସେ କହିଥିଲେ ଯେ, ମୁଁ ଭଲ ପୁଅ, ଭଲ ବାପା ମଧ୍ୟ ହୋଇପାରିବି। ମାତ୍ର ଭଲ ସ୍ବାମୀଟିଏ ହୋଇପାରିବି ନାହିଁ।
