ଢେଙ୍କିକୋଟ, ୧୭ା୫ (ଡି.ଏନ.ଏ.)-କେନ୍ଦୁଝର ଜିଲା ଢେଙ୍କିକୋଟ ଫରେଷ୍ଟ ସେକ୍ସନ ଖଣ୍ଟ ଘର ପଞ୍ଚାୟତ କାଶିବେଡା ଗ୍ରାମରୁ ଗୁୁରୁବାର ଅପରାହ୍ନରେ ୨ଟି ବିଷଧର ସାପକୁ ବନବିଭାଗ ତରଫରୁ ଉଦ୍ଧାର କରାଯାଇଛି। କାଶିବେଡା ଗ୍ରାମ ମୁଣ୍ଡାସାହି ଚନ୍ଦ୍ରା ମୁଣ୍ଡାଙ୍କ ଘର ଭିତରେ ଗୋଟିଏ ଜାଗାରେ ୧୦ଟାରୁ ଊର୍ଦ୍ଧ୍ୱ ବିଷଧର ସାପ ଥିବା ହଠାତ୍ ଘର ପରିବାର ଲୋକ ଦେଖି ଭୟଭୀତ ହୋଇଯାଇଥିଲେ ଏବଂ ଢେଙ୍କିକୋଟ ଫରେଷ୍ଟର ଗୌରଚନ୍ଦ୍ର ନାୟକଙ୍କୁ ଖବର ଦେଇଥିଲେ। ଫରେଷ୍ଟର ଖବରପାଇ ହରିଚନ୍ଦନପୁର ସ୍ନେକ୍ ହେଲ୍ପ ଲାଇନର ସଦସ୍ୟ ପ୍ରହଲ୍ଲାଦ ନାୟକଙ୍କୁ ଖବର କରିଥିଲେ। ସେ ତୁରନ୍ତ ଆସି ପହଞ୍ଚିଥିଲେ। ମାତ୍ର ସେତେବେଳକୁ ସାପ ସବୁ ଏଣେତେଣେ ହୋଇ ପଳାଇ ଯାଇଥିବା ବେଳେ ୨ଟି ସାପକୁ ସେ କାବୁ କରିଥିଲେ। ଉଦ୍ଧାର ଦୁଇ ସାପଙ୍କୁ ଗ୍ରାମ ନିକଟସ୍ଥ ଜଙ୍ଗଲରେ ଛାଡ଼ି ଦିଆଯାଇଥିବା ଫରେଷ୍ଟର ଗୌରଚନ୍ଦ୍ର ନାୟକ ପ୍ରକାଶ କରିଛନ୍ତି।
